കോവിഡ്​ ബാധിച്ച്​ മരിച്ചയാളുടെ സംസ്​കാരം നടത്തിയത്​ മുസ്​ലിം യുവാക്കൾ

മസ്​കത്ത്​: കോവിഡ്​ ബാധിച്ച്​ മരിച്ച ഉത്തർപ്രദേശ്​ സ്വദേശി മഹാദേവ്​.കെ.ലാലി​​​െൻറ ശവസംസ്​കാരം നടത്താൻ മുന്നിട്ടിറങ്ങി മുസ്​ലിം യുവാക്കൾ. ഹൈദരാബാദ്​ സ്വദേശികളാണ്​ മതങ്ങൾക്ക്​ അപ്പുറം മാനവികതയുടെയും സാഹോദര്യത്തി​​​െൻറയും സന്ദേശത്തിന്​ പ്രസക്​തിയുണ്ടെന്ന്​ പ്രവാസ മണ്ണിലും തെളിയിച്ചത്​. 

കഴിഞ്ഞ വെള്ളിയാഴ്​ചയാണ്​ ലോണ്ടറിയിലെ ജോലിക്കാരനായ മഹാദേവ്​ ലാൽ മരണപ്പെട്ടത്​. മരണപ്പെട്ട്​ നാല്​ ദിവസം പിന്നിട്ടിട്ടും മൃതദേഹം ഏറ്റെടുത്ത്​ സുഹാറിലെ  ​ൈഹന്ദവ ശ്​മശാനത്തിൽ കൊണ്ടുപോയി സംസ്​കാര ചടങ്ങുകൾ നടത്താൻ സഹപ്രവർത്തകരും സുഹൃത്തുക്കളും ആരും മുന്നോട്ടുവന്നില്ല. 

തുടർന്നാണ്​ ഇന്ത്യൻ സോഷ്യൽക്ലബ്​ ഹൈദരാബാദ്​ വിങ്ങിലെ സുഹൈൽഖാൻ സുഹൃത്തുക്കളായ ജാഫ്​രി, ഒബൈദ്​, തമീം എന്നിവർക്ക്​ ഒപ്പം ചേർന്ന്​ മൃതദേഹം ഏറ്റെടുത്തതും സുഹാറിൽ കൊണ്ടുപോയി സംസ്​കരിച്ചതും. സംസ്​കാര ചടങ്ങുകൾക്ക്​ ആവശ്യമായ തുകയും ഇവർ തന്നെ സ്വരൂപിച്ചു. മൊത്തം 325 റിയാലാണ്​ സംസ്​കാരത്തിന്​ ചെലവായത്​.