Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightOmanchevron_rightകോവിഡ്​: പുതിയ...

കോവിഡ്​: പുതിയ പരിശോധന കിറ്റിന്​ അംഗീകാരം നൽകി

text_fields
bookmark_border
കോവിഡ്​: പുതിയ പരിശോധന കിറ്റിന്​ അംഗീകാരം നൽകി
cancel

മസ്​കത്ത്​: കോവിഡ്​ പരിശോധന ഒമാനിൽ സൗജന്യമാണെങ്കിലും സർക്കാർ സംവിധാനങ്ങളിൽ രോഗലക്ഷണങ്ങളുള്ളവർക്ക്​ മാത്രമാണ്​ പരിശോധനാ സൗകര്യം ലഭിക്കുകയുളളൂ. പ്രകടമായ ലക്ഷണങ്ങൾ കാണിക്കാത്തവർക്ക്​ സ്വകാര്യ സ്​ഥാപനങ്ങളിലെ പരിശോധനയാണ്​ ആശ്രയം. നിലവിലുള്ള പി.സി.ആർ പരിശോധനക്ക്​ 70 റിയാൽ വരെയാണ്​ നിരക്ക്​. ഉയർന്ന നിരക്ക്​ മൂലം പരിശോധനകൾ നടത്താൻ മടിച്ചുനിൽക്കുന്നവരാണ്​ ഭൂരിപക്ഷം പ്രവാസികളും. ഇത്തരക്കാർക്ക്​ ആശ്വാസമേകുന്നതിനായി ഒമാൻ ആരോഗ്യ മന്ത്രാലയം പുതിയ കോവിഡ്​ പരിശോധനാ കിറ്റിന്​ അംഗീകാരം നൽകി. ആരോഗ്യ മന്ത്രാലയത്തിലെ സ്വകാര്യ ആശുപത്രികളുടെ വിഭാഗത്തി​​െൻറ മേധാവി ഡോ. മാസിൻ അൽ ഖാബൂരി പ്രാദേശിക മാധ്യമത്തിന്​ നൽകിയ അഭിമുഖത്തിലാണ്​ ഇക്കാര്യമറിയിച്ചത്​. പത്ത്​ റിയാലാണ്​ പുതിയ പരിശോധനാ കിറ്റിന്​ ചെലവ്​ വരുക. ഇത്​ വൈകാതെ തന്നെ ഒമാനിൽ എത്തുമെന്നും അദ്ദേഹം പറഞ്ഞു.

മഹാമാരിയുടെ തുടക്കത്തിൽ സ്വകാര്യ ആശുപത്രികൾ സൗജന്യമായി പരിശോധന നടത്തിയിരുന്നു. പരിശോധനാ ചെലവ്​ ആരോഗ്യ മന്ത്രാലയം പിന്നീട്​ തിരിച്ചുനൽകുമെന്ന ധാരണയിലാണ്​ ഇത്​ ചെയ്​തത്​. മസ്​കത്തി​​​െൻറ വിവിധ ഭാഗങ്ങളിൽ ആരോഗ്യ മന്ത്രാലയം കൂടുതൽ സൗജന്യ പരിശോധനാ കേന്ദ്രങ്ങൾ തുറന്നപ്പോഴാണ്​ ഇത്​ നിർത്തിയത്​. സ്വകാര്യ മേഖലയിലെ അടിസ്​ഥാന ടെസ്​റ്റിന്​ ഇപ്പോൾ 45 മുതൽ 50 റിയാൽ ​വരെ ചെലവ്​ വരും. ചില സ്​ഥാപനങ്ങൾ ഉപകരണങ്ങളും ജീവനക്കാരുമായി ബന്ധപ്പെട്ട ചെലവിൽ അതിൽ കൂടുതൽ തുക ഇൗടാക്കുന്നുണ്ടെന്നും ഡോ. മാസിൻ പറഞ്ഞു.

സ്വകാര്യ സ്​ഥാപനങ്ങളിലെ ചെലവ്​ താങ്ങാൻ കഴിയാത്ത രോഗലക്ഷണങ്ങളുള്ളവർക്ക്​ മത്ര, സീബ്​ ഷരാദി, റുസൈൽ എന്നിവിടങ്ങളിലുള്ള വിസ മെഡിക്കൽ സ​െൻററുകളിലും ഗാലയിൽ ഹോളിഡേ ഇന്നിന്​ സമീപവുമുള്ള കേന്ദ്രങ്ങളിലെത്തി സൗജന്യ പരിശോധനക്ക്​ സാമ്പിളുകൾ നൽകാവുന്നതാണ്​. ഞായറാഴ്​ച മുതൽ വ്യാഴാഴ്​ച വരെ രാവിലെ എട്ടര മുതൽ ഒരു മണി വരെയാണ്​ സാമ്പിളുകൾ ശേഖരിക്കുക. പരിശോധനക്ക്​ എത്തുന്ന വിദേശികൾ റസിഡൻറ്​ കാർഡ്​ അല്ലെങ്കിൽ ജോലി ചെയ്യുന്ന കമ്പനിയുടെ പേരുള്ള രേഖ കാണിക്കണം. കമ്പനി പ്രതിനിധി ഒപ്പമുണ്ടായാൽ മതി.

റസിഡൻറ്​ കാർഡ്​ ഇല്ലാത്തവരാണെങ്കിൽ ടെലിഫോൺ നമ്പർ നൽകിയാൽ മതി. ഇൻഷൂറൻസ്​ ചെലവ്​ സംബന്ധിച്ച ചോദ്യത്തിന്​ കിടപ്പിലായ രോഗികളു​െട ചെലവ്​ മാത്രമാണ്​ ഇൻഷൂറൻസ്​ കമ്പനികൾ വഹിക്കുകയുള്ളൂവെന്ന്​ ​ഡോ. മാസിൻ പറഞ്ഞു. മഹാമാരിയുടെയും പ്രകൃതി ദുരന്തങ്ങളുടെയും സമയത്ത്​ എല്ലാ ചെലവുകളും വഹിക്കാൻ ഇൻഷൂറൻസ്​ കമ്പനികൾക്ക്​ ബാധ്യതയുണ്ടായിരിക്കില്ല. ഗോനു ചുഴലിക്കാറ്റി​​െൻറ സമയത്ത്​ വാഹനങ്ങൾക്കുണ്ടായ തകരാറിന്​ ഇൻഷൂറൻസ്​ പരിരക്ഷ ലഭിച്ചിരുന്നില്ലെന്ന്​ ​ ​ഡോ. മാസിൻ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:corona viruscovid test kit​Covid 19
News Summary - covid 19: approval for new test kit
Next Story