താമസ സ്ഥലത്ത് മരിച്ച ദമ്പതികളുടെ മൃതദേഹം നാട്ടിലെത്തിച്ചു

മസ്‌കത്ത്: താമസ സ്ഥലത്ത് മരിച്ച നിലയില്‍ കണ്ടെത്തിയ തിരുവനന്തപുരം കിളിമാനൂര്‍ സ്വദേശികളുടെ മൃതദേഹം നാട്ടിലെത്തിച്ചു. വിളക്കാട്ടുകോണം തോപ്പില്‍ അബ്ദുല്‍ മനാഫ്, ഭാര്യ അലീമ ബിവി എന്നിവരെയായിരുന്നു റൂവിയിലെ അപ്പാര്‍ട്ട്‌മെന്റില്‍ മരിച്ച നിലയില്‍ കണ്ടെത്തിയത്.

നടപടികള്‍ പൂര്‍ത്തിയാക്കി വ്യാഴാഴ്​ച രാത്രി 10ന്‌ ആണ്​ സലാം എയറിന്‍റെ തിരുവനന്തപുരം വിമാനത്തില്‍ മൃതദേഹം നാട്ടിലേക്ക് കൊണ്ടുപോയത്​.