പാ​ർ​ക്കി​ങ്​ ഷെ​ഡു​ക​ൾ: നി​യ​ന്ത്ര​ണ​വു​മാ​യി മ​സ്ക​ത്ത്​ ഗ​വ​ർ​ണ​റേ​റ്റ്

മ​സ്‌​ക​ത്ത്: താ​മ​സ കെ​ട്ടി​ട​ങ്ങ​ളു​ടെ പു​റ​ത്ത്​ പാ​ർ​ക്കി​ങ്​ ഷെ​ഡു​ക​ൾ നി​ർ​മി​ക്കു​ന്ന​തി​ന്​ നി​യ​ന്ത്ര​ണ​വു​മാ​യി മ​സ്ക​ത്ത്​ ഗ​വ​ർ​ണ​റേ​റ്റ്. ഇ​തു​സം​ബ​ന്ധി​ച്ച്​ മ​സ്‌​ക​ത്ത് ഗ​വ​ര്‍ണ​ര്‍ സ​യ്യി​ദ് സ​ഊ​ദ് ബി​ന്‍ ഹി​ലാ​ല്‍ അ​ല്‍ ബു​സൈ​ദി ഉ​ത്ത​ര​വ് പു​റ​പ്പെ​ടു​വി​ച്ചു. പ്രാ​ദേ​ശി​ക ഭ​ര​ണ​കൂ​ട​ത്തി​ല്‍നി​ന്നു​ള്ള അ​നു​മ​തി​യി​ല്ലാ​തെ പാ​ര്‍ക്കി​ങ്​ ഷെ​ഡു​ക​ള്‍ നി​ര്‍മി​ക്ക​രു​തെ​ന്ന് ഉ​ത്ത​ര​വി​ല്‍ പ​റ​യു​ന്നു. ബൗ​ശ​ര്‍ വി​ലാ​യ​ത്തി​ലെ ശാ​തി അ​ല്‍ ഖു​റ​മി​ലെ അ​ല്‍ സ​രൂ​ജ് പ്ര​ദേ​ശ​ത്ത് പാ​ര്‍പ്പി​ട കെ​ട്ടി​ട​ങ്ങ​ളു​ടെ മു​ന്നി​ല്‍ വാ​ഹ​ന ഷെ​ഡു​ക​ള്‍ അ​നു​വ​ദി​ക്കി​ല്ല. സ്ട്രീ​റ്റു​ക​ളി​ലെ കെ​ട്ടി​ട​ങ്ങ​ള്‍ക്കും 30 മീ​റ്റ​റോ അ​തി​ല്‍ കൂ​ടു​ത​ലോ വീ​തി​യു​ള്ള പ്ര​ധാ​ന തെ​രു​വു​ക​ളി​ലും ഇ​ര​ട്ട​പ്പാ​ത​ക​ളി​ലും ഇ​ത് ബാ​ധ​ക​മാ​ണ്. ആ​വ​ശ്യ​ക​ത അ​നു​സ​രി​ച്ച് മാ​ത്ര​മേ ലൈ​സ​ന്‍സ് ല​ഭി​ച്ച​വ​ര്‍ക്കു​ത​ന്നെ കെ​ട്ടി​ട വ​ള​പ്പി​ന് പു​റ​ത്ത് വാ​ഹ​ന ഷെ​ഡു​ക​ള്‍ നി​ര്‍മി​ക്കാ​വൂ. ഷെ​ഡു​ക​ളു​ടെ മൂ​ല​ക​ളും സ്ട്രീ​റ്റും ത​മ്മി​ല്‍ ഒ​രു മീ​റ്റ​റി​ല്‍ കു​റ​യാ​ത്ത അ​ക​ലം വി​ട​ണം. മേ​ലാ​പ്പി​ന്റെ ഉ​യ​രം 2.4 മീ​റ്റ​റി​ല്‍ കൂ​ട​രു​ത്. പ്ലോ​ട്ടി​ന്റെ അ​തി​ര്‍ത്തി​ക്കു​ള്ളി​ല്‍ത​ന്നെ​യാ​യി​രി​ക്ക​ണം മേ​ലാ​പ്പി​ന്റെ തൂ​ണു​ക​ള്‍. പു​റ​ത്താ​ണെ​ങ്കി​ല്‍ മ​തി​ലി​ന്റെ വ​ശ​ത്തു​നി​ന്നു​മാ​യി​രി​ക്ക​ണം.

മേ​ല്‍ക്കൂ​ര​ക്കാ​യി ഉ​യ​ര്‍ന്ന സാ​ന്ദ്ര​ത​യു​ള്ള പോ​ളി​ത്തീ​ന്‍ ഫാ​ബ്രി​ക്കോ സ​മാ​ന ഇ​ന​ങ്ങ​ളോ ഉ​പ​യോ​ഗി​ക്ക​ണം. പാ​ര്‍ക്കി​ങ് ഷെ​ഡു​ക​ളു​ടെ വീ​തി ആ​റ് മീ​റ്റ​റി​ല്‍ കൂ​ട​രു​ത്. മ​റ്റ്​ നി​ർ​ദേ​ശ​ങ്ങ​ളും അ​ധി​കൃ​ത​ർ മു​​ന്നോ​ട്ടു​വെ​ച്ചി​ട്ടു​ണ്ട്.