മസ്കത്ത് ഇന്ത്യൻ എംബസി കോൺസുലാർ സേവനങ്ങൾ ഇന്ന് മുതൽ അൽ വത്തായയിലെ ബി.എൽ.എസ് സെന്ററിൽ

മസ്കത്ത്: മസ്കത്ത് ഇന്ത്യൻ എംബസിയുടെ കോൺസുലാർ, അറ്റസ്റ്റേഷൻ കൗണ്ടറുകൾ അൽ വത്തായയിലെ ബി.എൽ.എസ് സെന്ററിലേക്ക് മാറ്റിയതായി അധികൃതർ അറിയിച്ചു.

വ്യാഴാഴ്ച മുതൽ ഈ മാറ്റം പ്രാബല്യത്തിൽ വന്നു. രാവിലെ എട്ടു മുതൽ ഉച്ചകഴിഞ്ഞ് 3:30 വരെ കോൺസുലാർ, അറ്റസ്റ്റേഷൻ സേവനങ്ങൾക്കായി അപേക്ഷിക്കാം. എന്നാൽ, ഏപ്രിൽ ഒന്ന് മുതൽ ബി.എൽ.എസ് സെന്ററിലെ സി.പി.വി (കോൺസുലാർ, പാസ്‌പോർട്ട്, വിസ) സേവനങ്ങൾക്ക് രാവിലെ 7.30 മുതൽ വൈകുന്നേരം 6.30 വരെ അപേക്ഷിക്കാവുന്നതാണ്.

കോൺസുലാർ/അറ്റസ്റ്റേഷൻ സേവനങ്ങൾക്കുള്ള സമയം രാവിലെ 7:30 മുതൽ വൈകുന്നേരം 3:00 വരെയായിരിക്കുമെന്നും അധികൃതർ അറിയിച്ചു.