പ്ലാസ്റ്റിക് വ്യവസായങ്ങൾക്കായി സമുച്ചയം; കരാറായി

മസ്കത്ത്: പ്ലാസ്റ്റിക് വ്യവസായങ്ങൾക്കായി സമുച്ചയം സ്ഥാപിക്കാനുള്ള കരാറിൽ 'ഒക്യുവും' പബ്ലിക് എസ്റ്റാബ്ലിഷ്‌മെന്റ് ഫോർ ഇൻഡസ്ട്രിയൽ എസ്റ്റേറ്റുകളും (മഡയ്ൻ) ഒപ്പുവെച്ചു. ഒമാൻ വിഷൻ 2040 ഇംപ്ലിമെന്റേഷൻ ഫോളോ-അപ് യൂനിറ്റിന്റെയും വാണിജ്യ, വ്യവസായ, നിക്ഷേപ പ്രോത്സാഹന മന്ത്രാലയത്തിന്റെയും പിന്തുണയോടെ വടക്കൻ ബാത്തിന ഗവർണറേറ്റിലെ ഇൻഡസ്ട്രിയൽ സിറ്റിയിലായിരിക്കും സമുച്ചയങ്ങളും ഒരുക്കുക.

കരാർ പ്രകാരം ഒരുദശലക്ഷം ചതുരശ്ര മീറ്റർ വിസ്തീർണമുള്ള ഭൂമി, ഈ മേഖലയിൽ നിക്ഷേപം നടത്താൻ സ്വകാര്യ മേഖലയെ പ്രോത്സാഹിപ്പിക്കാനുള്ള ആനുകൂല്യങ്ങൾ, വാർഷിക വാടകയിൽ 50 ശതമാനം ഇളവ് തുടങ്ങിയവ മദയ്ൻ നൽകും.