Top
Begin typing your search above and press return to search.
exit_to_app
exit_to_app
Homechevron_rightGulfchevron_rightOmanchevron_rightന്യൂനമർദം: സിവിൽ...

ന്യൂനമർദം: സിവിൽ ഡിഫൻസിന്​ ലഭിച്ചത്​ 115 രക്ഷാ അഭ്യർഥനകൾ

text_fields
bookmark_border
ന്യൂനമർദം: സിവിൽ ഡിഫൻസിന്​ ലഭിച്ചത്​ 115 രക്ഷാ അഭ്യർഥനകൾ
cancel

മസ്​കത്ത്​: ന്യൂനമർദത്തെ തുടർന്ന്​ ചൊവ്വാഴ്​ച മുതൽ വെള്ളിയാഴ്​ച വരെ ഒമാനിലുണ്ടായ കനത്ത മഴയിൽ 115 രക്ഷാ അഭ്യർ ഥനകൾ ലഭിച്ചതായി സിവിൽ ഡിഫൻസ്​ പൊതുഅതോറിറ്റി അറിയിച്ചു. വാദികളിലെ വെള്ളപ്പാച്ചിലിൽ ആളുകൾ കുടുങ്ങിയതായി വാട്ടർ റെസ്​ക്യൂ ടീമിന്​ 29 റിപ്പോർട്ടുകളാണ്​ ലഭിച്ചത്​. 56 പേരെയാണ്​ വാട്ടർ റെസ്​ക്യൂ ടീം മൊത്തം രക്ഷിച്ചത്​.

അഗ്​നിശമന സേനാ വിഭാഗം 18 കേസുകൾ കൈകാര്യം ചെയ്​തു. 60​ അഭ്യർഥനകളോടാണ്​ ആംബുലൻസ്​ ടീം പ്രതികരിച്ചത്​. സെർച്ച്​ ആൻഡ്​​ റെസ്​ക്യൂ ടീം എട്ട്​ അഭ്യർഥനകളോടും പ്രതികരിച്ചതായി സിവിൽ ഡിഫൻസ്​ ട്വിറ്ററിൽ അറിയിച്ചു. കാറ്റും മഴയുമുണ്ടാകുന്ന സമയങ്ങളിൽ ഒൗദ്യോഗിക തലത്തിൽ നൽകുന്ന നിർദേശങ്ങളും മുന്നറിയിപ്പുകളും പാലിക്കണമെന്ന്​ സിവിൽ ഡിഫൻസ്​ ഒാർമിപ്പിച്ചു.

താഴ്​വരകൾ മുറിച്ചുകടക്കുന്നത്​ അപകടം വിളിച്ചുവരുത്തലാകും. താഴ്​ന്ന പ്രദേശങ്ങളിൽനിന്നും വൈദ്യുതി തൂണുകൾക്ക്​ സമീപത്തുനിന്നും​ ഒഴിഞ്ഞുനിൽക്കണം. മിന്നൽ ഉണ്ടാകു​േമ്പാഴും കരുതൽ അത്യാവശ്യമാണ്​. കുട്ടികൾ വീടിന്​ പുറത്തുപോകു​േമ്പാൾ ശ്രദ്ധിക്കണം. വെള്ളം കെട്ടിനിൽക്കുന്ന സ്​ഥലങ്ങളിലും ചതുപ്പുകളിലുമൊന്നും അവർ നീന്താൻ ഇറങ്ങാതിരിക്കാൻ ശ്രദ്ധിക്കണമെന്നും സിവിൽ ഡിഫൻസ്​ ഒാർമിപ്പിച്ചു.

Show Full Article
TAGS:civil defence oman gulf news 
News Summary - civil defence-oman-gulf news
Next Story