‘വിദ്യാഭ്യാസ രംഗത്ത് മാറ്റം അനിവാര്യം’
text_fieldsസലാല: വിദ്യാഭ്യാസ രംഗത്ത് കാലാനുസൃത മാറ്റം അനിവാര്യമാണെന്നും ആധുനിക വെല്ലുവിളികൾ നേരിടാൻ വിദ്യാർഥികളെ പ്രാപ്തരാക്കാൻ അധ്യാപക -രക്ഷാകർത്തൃ കൂട്ടായ്മയിലൂടെയേ കഴിയൂവെന്നും വിദ്യാഭ്യാസ വിചക്ഷണനും സിജി സലാല ചാപ്റ്റർ സീനിയർ വിഷനറിയുമായ ഡോ. സുനിൽ മുഹമ്മദ് അഭിപ്രായപ്പെട്ടു. ഇ4 സലാല എന്ന കൂട്ടായ്മ സമാന്തര പഠന രംഗത്തെ വിദ്യാർഥികൾക്കായി ഒരുക്കിയ വിദ്യാർഥി ശാക്തീകരണ പരിപാടിയിൽ സംസാരിക്കുകയായിരുന്നു അദ്ദേഹം. സലാല അൽബഹ്ജ ഹാളിൽ നടന്ന പരിപാടി സിജി സലാല ചാപ്റ്റർ ചെയർമാൻ ഡോ. നിസ്താർ ഉദ്ഘാടനം ചെയ്തു. ഇ4 സലാല മുഖ്യ രക്ഷാധികാരി ഹുസൈൻ കാച്ചിലോടി അധ്യക്ഷത വഹിച്ചു. സഫ്ന നസീർ സംസാരിച്ചു. അദ്നാൻ ബിൻ സിറാജ് സ്വാഗതവും ഖദീജതുൽ കുബ്റ നന്ദിയും പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.