അറബിക്കടലിൽ ന്യൂനമർദം: ഒമാനിൽ ഇന്ന്​ മുതൽ കനത്ത മഴക്ക്​ സാധ്യത

മസ്​കത്ത്​: അറബിക്കടലിൽ രൂപപ്പെട്ട ന്യൂനമർദം ഒമാൻ തീരത്തേക്ക്​ നീങ്ങുന്നു. ഇതി​​െൻറ ഫലമായി ദോഫാർ, അൽവുസ്​ത, തെക്കൻ ശർഖിയ മേഖലകളിൽ വെള്ളിയാഴ്​ച മുതൽ തിങ്കളാഴ്​ച വരെ ഇടിയോടെയുള്ള കനത്ത മഴക്ക്​ സാധ്യതയുണ്ടെന്ന്​ ഒമാൻ കാലാവസ്​ഥാ നിരീക്ഷണ കേന്ദ്രം അറിയിച്ചു. ശക്​തമായ കാറ്റും ഉണ്ടാകാനിടയുണ്ട്​. കാറ്റി​​െൻറ ഫലമായി  മരുഭൂമിയിലും തുറസായ പ്രദേശങ്ങളിലും പൊടിക്കാറ്റിനും സാധ്യതയുള്ളതിനാൽ വാഹനയാത്രികർ ജാഗ്രത പാലിക്കണം. താഴ്​ന്ന പ്രദേശങ്ങളിൽ നിന്ന്​ മാറി നിൽക്കുകയും വാദികൾ മുറിച്ചുകടക്കുകയും ചെയ്യരുതെന്നും അധികൃതർ നിർ​ദേശിച്ചു.
നിസ്​വ,ഇബ്രിയടക്കം ഹജർ പർവത നിരകളുടെ പരിസര പ്രദേശങ്ങളിൽ വെള്ളിയാഴ്​ച വൈകുന്നേരം ശക്​തമായ കാറ്റിനും മഴക്കും സാധ്യതയുണ്ട്​. മസ്​കത്തിൽ കാലാവസ്​ഥ പ്രസന്നമായിരിക്കും.