പെ​രു​ന്നാ​ൾ അ​വ​ധി ദി​ന​ങ്ങ​ളി​ൽ മ​ഴ​ക്ക് സാ​ധ്യ​ത

മ​സ്ക​ത്ത്: പെ​രു​ന്നാ​ൾ അ​വ​ധി ദി​ന​ങ്ങ​ളി​ൽ രാ​ജ്യ​ത്തെ വി​വി​ധ പ്ര​ദേ​ശ​ങ്ങ​ളി​ൽ മ​ഴ​ക്ക് സാ​ധ്യ​ത​യു​ണ്ടെ​ന്ന് ഒ​മാ​ൻ കാ​ലാ​വ​സ്ഥാ വ​കു​പ്പ് അ​റി​യി​ച്ചു. വ്യാ​ഴം, വെ​ള്ളി, ശ​നി ദി​വ​സ​ങ്ങ​ളി​ൽ അ​തി​രാ​വി​ലെ​യോ ഉ​ച്ച​ക​ഴി​ഞ്ഞോ മ​ഴ പെ​യ​തേ​ക്കാ​മെ​ന്ന് കാ​ലാ​വ​സ്ഥാ ഓ​ഫി​സി​ലെ ഒ​രു കാ​ലാ​വ​സ്ഥാ വി​ദ​ഗ്ദ്ധ​ൻ പ​റ​ഞ്ഞു. ബു​ധ​നാ​ഴ്ച മു​ത​ൽ വ്യാ​ഴാ​ഴ്ച വ​രെ ഒ​മാ​ൻ ക​ട​ലി​ന്റെ തീ​ര​പ്ര​ദേ​ശ​ങ്ങ​ളി​ൽ മേ​ഘ​ങ്ങ​ൾ രു​പ​പ്പെ​ടും. ഈ ​കാ​ല​യ​ള​വി​ൽ, താ​പ​നി​ല 35- 36 ഡ​ഗ്രി സെ​ൽ​ഷ്യ​സി​ന് ഇ​ട​യി​ലാ​യി​രി​ക്കും. ഉ​ച്ച​ക​ഴി​ഞ്ഞ് അ​ൽ ഹ​ജ​ർ പ​ർ​വ​ത​നി​ര​ക​ളി​ലും മ​ഴ പെ​യ്യാ​ൻ സാ​ധ്യ​ത​യു​ണ്ട്.

അ​തേ​സ​മ​യം, ഇ​റാ​നി​ൽ​നി​ന്ന് ഒ​മാ​ൻ ക​ട​ലി​ന്റെ തീ​ര​പ്ര​ദേ​ശ​ങ്ങ​ളി​ലേ​ക്ക് നീ​ങ്ങു​ന്ന പൊ​ടി​ക്കാ​റ്റ് വ​രും മ​ണി​ക്കൂ​റു​ക​ളി​ൽ ദൃ​ശ്യ​പ​ര​ത​യെ കൂ​ടു​ത​ൽ ബാ​ധി​ച്ചേ​ക്കാ​മെ​ന്ന് കാ​ലാ​വ​സ്ഥ മു​ന്ന​റി​യി​പ്പി​ൽ പ​റ​യു​ന്നു. സ​മൈം, ഹൈ​മ, യാ​ലോ​ണി, മ​ർ​മു​ൽ എ​ന്നി​വി​ട​ങ്ങ​ളി​ലാ​ണ് പൊ​ടി​ക്കാ​റ്റ് പ്ര​തീ​ക്ഷി​ക്കു​ന്ന​ത്.

തെ​ക്ക​ൻ ശ​ർ​ഖി​യ, അ​ൽ വു​സ്ത, ദോ​ഫാ​ർ ഗ​വ​ർ​ണ​റേ​റ്റു​ക​ളു​ടെ ചി​ല ഭാ​ഗ​ങ്ങ​ളി​ൽ രാ​ത്രി വൈ​കി​യും പു​ല​ർ​ച്ചെ​യും താ​ഴ്ന്ന മേ​ഘ​ങ്ങ​ളും മൂ​ട​ൽ​മ​ഞ്ഞും രൂ​പ​പ്പെ​ടാ​നു​ള്ള സാ​ധ്യ​ത​യു​മു​ണ്ട്.