ചേംബർ പ്രതിനിധികൾ ദുകം സാമ്പത്തിക മേഖല സന്ദർശിച്ചു

മ​സ്ക​ത്ത്​: ഒ​മാ​ൻ ചേം​ബ​ർ ഓ​ഫ്​ കോ​മേ​ഴ്​​സ്​ ഇ​ൻ​ഡ​സ്​​ട്രി പ്ര​തി​നി​ധി​ക​ൾ ദു​ക​മി​ലെ (സെ​സാ​ദ്) പ്ര​ത്യേ​ക സാ​മ്പ​ത്തി​ക മേ​ഖ​ല സ​ന്ദ​ർ​ശി​ച്ചു. ഒ​മാ​ൻ ചേം​ബ​ർ ഓ​ഫ്​ ​കോ​മേ​ഴ്​​സ്​ ഇ​ൻ​ഡ​സ്​​ട്രി​യു​ടെ വ​ട​ക്ക​ൻ ശ​ർ​ഖി​യ ബ്രാ​ഞ്ചി​ൽ​നി​ന്നു​ള്ള 13 അം​ഗ സം​ഘ​ങ്ങ​ളാ​ണ്​ സെ​സാ​ദി​ലെ പ​ദ്ധ​തി​ക​ളെ​ക്കു​റി​ച്ച് മ​ന​സ്സി​ലാ​ക്കാ​നും സോ​ണി​ൽ പ്ര​വ​ർ​ത്തി​ക്കു​ന്ന നി​ര​വ​ധി ക​മ്പ​നി​ക​ളു​ടെ ഉ​ദ്യോ​ഗ​സ്ഥ​രെ കാ​ണാ​നു​മാ​യി എ​ത്തി​യ​ത്. അ​ൽ വു​സ്ത ഗ​വ​ർ​ണ​റേ​റ്റി​ലെ ചേം​ബ​റി​ന്റെ ബ്രാ​ഞ്ചാ​യി​രു​ന്നു പ​രി​പാ​ടി സം​ഘ​ടി​പ്പി​ച്ച​ത്.

സെ​സാ​ദി​നെ​ക്കു​റി​ച്ചും വ്യ​വ​സാ​യി​ക​ൾ​ക്കും നി​ക്ഷേ​പ​ക​ർ​ക്കും ന​ൽ​കു​ന്ന പ്രോ​ത്സാ​ഹ​ന​ങ്ങ​ൾ, നേ​ട്ട​ങ്ങ​ൾ, സൗ​ക​ര്യ​ങ്ങ​ൾ എ​ന്നി​വ​യെ​പ്പ​റ്റി​യും പ്ര​തി​നി​ധി​സം​ഘ​ത്തി​ന്​ വി​ശ​ദീ​ക​രി​ച്ചു. ഇ​തി​ന​കം വി​ക​സി​പ്പി​ച്ചെ​ടു​ത്ത​തും നി​ർ​മാ​ണ​ത്തി​ലി​രി​ക്കു​ന്ന​തു​മാ​യ വി​വി​ധ ത​ന്ത്ര​പ്ര​ധാ​ന പ​ദ്ധ​തി​ക​ളെ​യും പ​രി​ച​യ​പ്പെ​ടു​ത്തി. സോ​ണി​ൽ പ്ര​വ​ർ​ത്തി​ക്കു​ന്ന പ്രോ​ജ​ക്ടു​ക​ളെ​യും ക​മ്പ​നി​ക​ളെ​യും അ​ടു​ത്ത​റി​യു​ക എ​ന്ന​താ​ണ് സെ​സാ​ദ്​ സ​ന്ദ​ർ​ശ​ന​ത്തി​ന്റെ ല​ക്ഷ്യ​മെ​ന്ന്​ ഒ​മാ​ൻ ചേം​ബ​ർ ഓ​ഫ് കോ​മേ​ഴ്‌​സ് ആ​ൻ​ഡ് ഇ​ൻ​ഡ​സ്ട്രി ഡെ​പ്യൂ​ട്ടി ചെ​യ​ർ​മാ​നും വ​ട​ക്ക​ൻ ശ​ർ​ഖി​യ ഗ​വ​ർ​ണ​റേ​റ്റി​ലെ ചേം​ബ​റി​ന്റെ ബ്രാ​ഞ്ച് ചെ​യ​ർ​മാ​നു​മാ​യ അ​ലി ബി​ൻ സ​ലീം അ​ൽ ഹ​ജ്‌​രി പ​റ​ഞ്ഞു. വ​ട​ക്ക​ൻ ശ​ർ​ഖി​യ ഗ​വ​ർ​ണ​റേ​റ്റി​ലെ സ്വ​കാ​ര്യ മേ​ഖ​ല​ക്ക്​ സാ​ധ്യ​മാ​യ നി​ക്ഷേ​പ​സാ​ധ്യ​ത​ക​ളും വ്യ​ത്യ​സ്ത സൗ​ക​ര്യ​ങ്ങ​ളും ന​ട​പ​ടി​ക്ര​മ​ങ്ങ​ളും പ​ര്യ​വേ​ക്ഷ​ണം ചെ​യ്യു​ന്ന​തും വി​ജ​യ​ക​ര​മാ​യ ബി​സി​ന​സ് പ​ങ്കാ​ളി​ത്ത​ങ്ങ​ൾ രൂ​പ​വ​ത്​​ക​രി​ക്കു​ന്ന​തും ഈ ​സ​ന്ദ​ർ​ശ​ന​ത്തി​ന്‍റെ ല​ക്ഷ്യ​മാ​ണെ​ന്നും അ​ദ്ദേ​ഹം പ​റ​ഞ്ഞു. അ​സ്യാ​ദ് ഡ്രൈ ​ഡോ​ക്ക് ക​മ്പ​നി, പോ​ർ​ട്ട് ഓ​ഫ് ദു​കം, ക​ർ​വ മോ​ട്ടോ​ഴ്‌​സ് തു​ട​ങ്ങി സെ​സാ​ദി​​ലെ നി​ര​വ​ധി പ​ദ്ധ​തി​ക​ളും സം​ഘം സ​ന്ദ​ർ​ശി​ച്ചു.