ജബൽ ശംസിൽ വാഹനാപകടം; മൂന്ന്​ ഒമാനി പൗരൻമാർ മരിച്ചു

മസ്കത്ത്​: ദാഖിലിയ ഗവർണറേറ്റിലെ ജബൽ ശംസിൽ വാഹനം അപകടത്തിൽപ്പെട്ട്​ മൂന്ന്​ ഒമാനി പൗരൻമാർ മരിച്ചു. ശനിയാഴ്ച രാവിലെയൊടെയായിരുന്നു സംഭവം. ഒരാളുടെ നില ഗുരുതരമാണെന്ന്​ റേയാൽ ഒമാൻ പൊലീസ്​ അറിയിച്ചു. നിയന്ത്രണംവിട്ട കാർ കൊക്കയിലേക്ക്​ മറിയുകയായിരുന്നു എന്നാണ്​ അനൗദ്യോഗിക വിവരം. മസ്കത്ത്​ ഗവർണറേറ്റിലെ ബൗഷറിൽനിന്നുള്ളവരാണ്​ അപകടത്തിൽപ്പെട്ടതെന്നാണ്​ അറിയാൻ കഴിയുന്നത്​. അപകടത്തിന്‍റെ കൂടുതൽ വിവരങ്ങൾ ലഭ്യമായിട്ടില്ല. റോയൽ ഒമാൻ പൊലിസ്​ അധികൃതർ സ്ഥലത്തെത്തി മേൽ നടപടികൾ സ്വീകരിച്ചു.