ച​ട്ട​ങ്ങ​ൾ പാ​ലി​ച്ചി​ല്ല; അ​സൈ​ബ, ഗു​ബ്ര ബീ​ച്ചു​ക​ളി​ൽ ക്യാ​മ്പി​ങ്​ നി​രോ​ധി​ച്ചു

മ​സ്​​ക​ത്ത്​: ബൗ​ഷ​ർ വി​ലാ​യ​ത്തി​ലെ അ​സൈ​ബ, ഗു​ബ്ര ബീ​ച്ചു​ക​ളി​ൽ ക്യാ​മ്പി​ങ്​ നി​രോ​ധി​ച്ച​താ​യി മ​സ്ക​ത്ത്​ മു​നി​സി​പ്പാ​ലി​റ്റി അ​റി​യി​ച്ചു. ക​മ്യൂ​ണി​റ്റി അം​ഗ​ങ്ങ​ളു​ടെ പ​രാ​തി​യെ​ത്തു​ട​ർ​ന്ന് ന​ട​ത്തി​യ പ​രി​ശോ​ധ​ന​യി​ൽ നി​ര​വ​ധി നി​യ​മ​ലം​ഘ​ന​ങ്ങ​ൾ അ​ധി​കൃ​ത​ർ ക​ണ്ടെ​ത്തി​യി​രു​ന്നു. ഇ​തേ​ത്തു​ട​ർ​ന്നാ​ണ്​ നി​രോ​ധ​നം. ക്യാ​മ്പി​ങ്​ ന​ട​ത്തു​ന്ന​വ​ർ​ക്ക്​ മു​നി​സി​പ്പാ​ലി​റ്റി ക​ഴി​ഞ്ഞ മാ​സം മാ​ർ​ഗ​നി​ർ​ദേ​ശ​ങ്ങ​ൾ ന​ൽ​കി​യി​ട്ടു​ണ്ട്. ആ​രോ​ഗ്യം, പ​രി​സ്ഥി​തി, സു​ര​ക്ഷ, ന​ഗ​ര​ത്തി​ന്റെ സൗ​ന്ദ​ര്യം സം​ര​ക്ഷി​ക്ക​ൽ തു​ട​ങ്ങി​യ​വ ക​ണ​ക്കി​ലെ​ടു​ത്താ​ണ്​ നി​ർ​ദേ​ശ​ങ്ങ​ൾ ന​ൽ​കി​യി​രി​ക്കു​ന്ന​ത്.

ര​ണ്ടു​ ദി​വ​സ​ത്തി​ൽ കൂ​ടു​ത​ൽ ക്യാ​മ്പു​ക​ൾ അ​നു​വ​ദി​ക്കി​ല്ല. കാ​ര​വ​ന്‍, ടെ​ന്റ് എ​ന്നി​വ​ക്കും ഇ​ത് ബാ​ധ​ക​മാ​യി​രി​ക്കും. എ​ന്നാ​ൽ, പ്ര​ത്യേ​ക അ​നു​മ​തി​യോ​ടെ 48 മ​ണി​ക്കൂ​റി​ല​ധി​കം ക്യാ​മ്പ് ന​ട​ത്താം. ഇ​തി​നാ​യി 100 റി​യാ​ല്‍ സെ​ക്യൂ​രി​റ്റി ഡെ​പ്പോ​സി​റ്റ് ന​ല്‍​​​കേ​ണ്ടി​വ​രും. ഇ​ങ്ങ​നെ ന​ട​ത്തു​ന്ന ക്യാ​മ്പി​ന്​ ഏ​ഴു​ രാ​ത്രി​വ​രെ അ​നു​മ​തി ല​ഭി​ച്ചേ​ക്കും. ഇ​ത്​ പി​ന്നീ​ട്​ ദീ​ർ​ഘി​പ്പി​ക്കാ​നും ക​ഴി​യും.

മു​നി​സി​പ്പാ​ലി​റ്റി നി​ശ്ച​യി​ക്കു​ന്ന സ്ഥ​ല​ങ്ങ​ളി​ല്‍ മാ​ത്ര​മേ ക്യാ​മ്പ് ന​ട​ത്താ​ൻ പാ​​ടു​ള്ളൂ. ക്യാ​മ്പ് സൈ​റ്റു​ക​ൾ ത​മ്മി​ൽ അ​ഞ്ചു മീ​റ്റ​റി​ല്‍ കു​റ​യാ​ത്ത അ​ക​ല​മു​ണ്ടാ​യി​രി​ക്ക​ണം. ബീ​ച്ചു​മാ​യും നി​ശ്ചി​ത അ​ക​ലം വേ​ണം. മ​ത്സ്യ​ബ​ന്ധ​ന​ക്കാ​രു​ടെ​യും സു​ര​ക്ഷാ അ​ധി​കൃ​ത​ര്‍ വി​ല​ക്കേ​ര്‍പ്പെ​ടു​ത്തി​യ സ്ഥ​ല​ങ്ങ​ളി​ലും ക്യാ​മ്പി​ങ്​ അ​നു​വ​ദി​ക്കി​ല്ല. പാ​ര്‍പ്പി​ട​കേ​ന്ദ്ര​ങ്ങ​ളി​ൽ​നി​ന്ന് കു​റ​ഞ്ഞ​ത് 100 മീ​റ്റ​ര്‍ അ​ക​ലെ​യാ​യി​രി​ക്ക​ണം. ആ​വ​ശ്യ​മാ​യ ലൈ​സ​ൻ​സ് നേ​ടാ​തെ ക്യാ​മ്പ്​ ന​ട​ത്തി​യാ​ൽ 200 റി​യാ​ൽ അ​ഡ്മി​നി​സ്ട്രേ​റ്റി​വ് പി​ഴ ചു​മ​ത്തും. ക്യാ​മ്പി​ങ്ങി​നു​ള്ള നി​യ​ന്ത്ര​ണ​ങ്ങ​ളോ ആ​വ​ശ്യ​ക​ത​ക​ളോ പാ​ലി​ച്ചി​ട്ടി​ല്ലെ​ങ്കി​ൽ 50 റി​യാ​ലി​ന്‍റെ പി​ഴ​യും ഈ​ടാ​ക്കു​മെ​ന്ന്​ അ​ധി​കൃ​ത​ർ വ്യ​ക്ത​മാ​ക്കി. ക്യാ​മ്പി​ങ്​​ കാ​ല​യ​ള​വി​ൽ സ്ഥ​ലം വൃ​ത്തി​യാ​യി സൂ​ക്ഷി​ക്ക​ണം.

വൃ​ത്തി​ഹീ​ന​മാ​യ​തും നി​ല​വാ​രം കു​റ​ഞ്ഞ​തു​മാ​യ മൊ​ബൈ​ൽ ടോ​യ്‌​ല​റ്റു​ക​ൾ ഉ​പ​യോ​ഗി​ക്കാ​ൻ പാ​ടി​ല്ല. വി​ള​ക​ൾ​ക്കും കാ​ട്ടു​ചെ​ടി​ക​ൾ​ക്കും കേ​ടു​പാ​ടു​ക​ൾ വ​രു​ത്ത​രു​തെ​ന്നും നി​ർ​ദേ​ശി​ച്ചി​ട്ടു​ണ്ട്. ക്യാ​മ്പി​ങ്​ സ്ഥ​ല​ത്ത്​ മാ​ലി​ന്യം ത​ള്ളാ​നും ക​ത്തി​ക്കാ​നും പാ​ടി​ല്ല. ഹ​രി​ത​പ്ര​ദേ​ശ​ങ്ങ​ളി​ലും ക​ട​ൽ​ത്തീ​ര​ങ്ങ​ളി​ലും ബാ​ർ​ബി​ക്യൂ​വി​ന്​ നി​രോ​ധ​ന​മു​ണ്ട്. ഓ​രോ സൈ​റ്റി​ലും മു​ഴു​വ​ന്‍ സ​മ​യ​വും സു​ര​ക്ഷാ ഉ​പ​ക​ര​ണ​ങ്ങ​ളും മ​റ്റും ന​ല്‍കേ​ണ്ട​ത് ക്യാ​മ്പി​ങ്​ ലൈ​സ​ൻ​സ്​ നേ​ടി​യ ആ​ളാ​ണ്. ക്യാ​മ്പി​നു​ ചു​റ്റും വേ​ലി​ക​ളോ മ​റ​യോ മ​റ്റോ ഉ​പ​യോ​ഗി​ക്കു​ന്നു​​ണ്ടെ​ങ്കി​ൽ, കാ​ഴ്ച​യെ ത​ട​സ്സ​പ്പെ​ടു​ത്താ​ത്ത താ​ൽ​ക്കാ​ലി​ക വ​സ്തു​ക്ക​ളാ​ൽ നി​ർ​മി​ച്ച​തു​​കൊ​ണ്ടാ​ക​ണം. നി​രോ​ധി​ത ആ​വ​ശ്യ​ങ്ങ​ൾ​ക്ക് ക്യാ​​മ്പോ കാ​ര​വ​നോ ഉ​പ​യോ​ഗി​ക്കാ​ൻ പാ​ടി​ല്ല. രാ​ജ്യ​ത്തെ നി​യ​മ​ങ്ങ​ളും ഉ​ത്ത​ര​വു​ക​ളും പൊ​തു​മ​ര്യാ​ദ​ക​ളും പാ​ലി​ക്കു​ക​യും വേ​ണം. കോ​വി​ഡ്​ നി​യ​ന്ത്ര​ണ​മു​ക്ത​മാ​യ​തി​നാ​ൽ ഇ​ത്ത​വ​ണ കൂ​ടു​ത​ൽ പേ​ർ ക്യാ​മ്പി​ങ്​ ന​ട​ത്താ​നാ​യി എ​ത്തു​ന്നു​ണ്ട്.

ആ​ളു​ക​ളു​ടെ സൗ​ക​ര്യം പ​രി​ഗ​ണി​ച്ച്​ മു​നി​സി​പ്പാ​ലി​റ്റി ക്യാ​മ്പി​ങ്ങി​ന്​ പെ​ർ​മി​റ്റ്​ നേ​ടു​ന്ന​തി​നാ​യി ഓ​ൺ​ലൈ​ൻ പോ​ർ​ട്ട​ൽ തു​ട​ങ്ങി​യി​ട്ടു​ണ്ട്. പെ​ർ​മി​റ്റു​ക​ൾ​ക്കാ​യി https://eservices.mm.gov.om/Home/Service/MTA എ​ന്ന ലി​ങ്ക്​ വ​ഴി അ​പേ​ക്ഷി​ക്കാം. മ​സ്‌​ക​ത്തി​ലെ സൈ​റ്റു​ക​ളു​ടെ പ​ട്ടി​ക​യി​ൽ​നി​ന്ന് തി​ര​ഞ്ഞെ​ടു​ക്കാ​ൻ ക്യാ​മ്പ​ർ​മാ​രെ സ​ഹാ​യി​ക്കു​ന്ന​തി​നാ​യി ഇ​ന്റ​റാ​ക്ടി​വ് മാ​പ്പും മു​നി​സി​പ്പാ​ലി​റ്റി വി​ക​സി​പ്പി​ച്ചെ​ടു​ത്തി​ട്ടു​ണ്ട്.