ഭക്ഷ്യവിഷബാധ: ചികിൽസയിലിരുന്ന കോഴിക്കോട്​ സ്വദേശി സലാലയിൽ മരണപ്പെട്ടു 

സലാല: ഭക്ഷ്യവിഷബാധയെ തുടർന്ന്​ ചികിൽസയിലിരുന്ന കോഴിക്കോട്​ സ്വദേശി സലാലയിൽ മരണപ്പെട്ടു. കോഴിക്കോട് കാപ്പാട് സ്വദേശി നന്ദിചണ്ടി താഴെ വീട്ടിൽ അബൂബക്കറി​​െൻറ മകൻ സകരിയ (46) ആണ്​ മരിച്ചത്​. 

മൂന്ന് ദിവസമായി സുൽത്താൻ ഖാബൂസ് ആശുപത്രിയിലെ അത്യാഹിത വിഭാഗത്തിൽ ചികിത്സയിലായിരുന്നു. ഇത്തീനിലെ ഒരു സ്വകാര്യ റെസ്​റ്റോറൻറിൽ കഴിഞ്ഞ 19 വർഷമായി ജോലി ചെയ്ത് വരികയാണ്. 

ഭാര്യ: സാജിദ. മക്കൾ: ഷറഫുദ്ദീൻ, റിസ്വാൻ, ഉമ്മു കുൽസു.