ഗാലയിൽ കെട്ടിടത്തിന്​ തീ പിടിച്ചു; 80 പേരെ ഒഴിപ്പിച്ചു

മസ്കത്ത്​: മസ്‌കത്ത് ഗവർണറേറ്റിലെ ഗാലയിൽ കെട്ടിടത്തിന്​ തീ പിടിച്ചു. 80 പേരെ സുരക്ഷിതമായി ഒഴിപ്പിച്ചതായി അധികൃതർ അറിയിച്ചു. ഗാല ഇൻഡസ്ട്രിയൽ ഏരിയയിൽ ഞായറാഴ്ച രാവിലെയോടെയാണ്​ സംഭവം. തീ പിടിത്തത്തിനുള്ള കാരണം വ്യക്തമായിട്ടില്ല.

സിവിൽ ഡിഫൻസ്​ ആൻഡ്​ ആംബുലൻസ്​ അതോറിറ്റിയിലെ അംഗങ്ങൾ എത്തി തീ നിയന്ത്രണവിധേയമാക്കി. രക്ഷിച്ച എല്ലാവരുടെയും ആരോഗ്യനില തൃപ്തികരമാണെന്ന്​ സിവിൽ ഡിഫൻസ്​ ആൻഡ്​ ആംബുലൻസ്​ അതോറിറ്റി അംഗങ്ങൾ അറിയിച്ചു.