ഫലജ് അൽ കബായിൽ രക്ത ദാന ക്യാമ്പ് രണ്ടിന്​

സുഹാർ: ബ്ലഡ്‌ ബാങ്കിന്റെ സഹകരണത്തോടെ ഫലജ് ലൈഫ് ലൈൻ ഹോസ്പിറ്റലും കൈരളി ഫലജ് യൂനിറ്റും സംയുക്തമായി രക്‌തദാന ക്യാമ്പ് നടത്തും. അനിവാര്യ അവസ്ഥയിൽ രക്​ത ക്ഷാമം ഇല്ലാതാക്കാനുള്ള മുൻകരുതലിന്‍റെ ഭാഗമായാണ്​ ക്യമ്പുകൾ സംഘടിപ്പിക്കുന്നത്. വെള്ളിയാഴ്ച വൈകീട്ട് മൂന്ന് മണിമുതൽ ഏഴു മണിവരെ ഫലജ് അൽ കാബായിലെ ലൈഫ് ലൈൻ ഹോസ്പിറ്റൽ അങ്കണത്തിലാണ് പരിപാടി.

രക്തം ദാനം ചെയ്യുന്നവർക്ക് ഈ വർഷം ഡിസംബർവരെ എല്ലാ ജനറൽ ഫിസിഷ്യൻ പരിശോധനകളും ഒരു തവണ സ്പെഷ്യലിസ്റ് ഡോക്ടറുടെ സേവനവും സൗജന്യമായി ലഭിക്കുന്നതാണെന്ന്​ ലൈഫ് ലൈൻ ഹോസ്പിറ്റൽ സുഹാർ (ഫലജ്) അധികൃതർ പറഞ്ഞു. രക്തദാനം ചെയ്യുന്നതിന്​ പേരുകൾ രജിസ്റ്റർ ചെയ്യാൻ 9815 3114, 9801 3982, 9925 7785, 9116 1716 എന്നീ നമ്പറുകളിൽ ബന്ധപ്പെടാം.