‘ബിപോർജോയ്’​ അതിതീവ്ര ചുഴലിക്കാറ്റായി

മ​സ്ക​ത്ത്​: അ​റ​ബി​ക്ക​ട​ലി​ൽ രൂ​പം​കൊ​ണ്ട ‘ബിപോർജോയ്’​ ചു​ഴ​ലി​ക്കാ​റ്റ്​ ഒ​മാ​ൻ തീ​ര​ത്തു​നി​ന്ന്​ 1030 കി​ലോ​മീ​റ്റ​ർ അ​ക​ലെ​യാ​ണെ​ന്ന്​ കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം അ​റി​യി​ച്ചു. ‘ബിപോർജോയ്’​ അ​തി​തീ​വ്ര ചു​ഴ​ലി​ക്കാ​റ്റാ​യി ശ​ക്തി​പ്രാ​പി​ച്ചി​ട്ടു​ണ്ട്. മ​ധ്യ​കി​ഴ​ക്ക​ൻ അ​റ​ബി​ക്ക​ട​ലി​നു മു​ക​ളി​ലാ​ണ് നി​ല​വി​ൽ ചു​ഴ​ലി​ക്കാ​റ്റി​ന്‍റെ സ്ഥാ​നം. അ​ടു​ത്ത 48 മ​ണി​ക്കൂ​റി​ൽ വീ​ണ്ടും ശ​ക്തി​പ്രാ​പി​ക്കു​ന്ന ബി​പോ​ർ​ജോ​യ് തു​ട​ർ​ന്നു​ള്ള മൂ​ന്നു ദി​വ​സം വ​ട​ക്ക്, വ​ട​ക്ക്-​പ​ടി​ഞ്ഞാ​റു ദി​ശ​യി​ൽ സ​ഞ്ച​രി​ക്കാ​ൻ സാ​ധ്യ​ത​യു​ണ്ട്.

അ​തേ​സ​മ​യം, ക​ട​ലി​ല്‍ പോ​കു​ന്ന​ത് ഒ​ഴി​വാ​ക്ക​ണ​മെ​ന്ന് കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം മു​ന്ന​റി​യി​പ്പ് ന​ൽ​കി. ഒ​മാ​ന്റെ തീ​ര​ങ്ങ​ളി​ല്‍ തി​ര​മാ​ല മൂ​ന്നു ​മു​ത​ല്‍ ആ​റു​ മീ​റ്റ​ര്‍ വ​രെ ഉ​യ​രാ​നി​ട​യു​ണ്ട്. ശ​നി​യാ​ഴ്ച വ​രെ ഈ ​നി​ല തു​ട​ര്‍ന്നേ​ക്കും. ക​ട​ലി​ല്‍ പോ​കു​ക​യോ ബ​ന്ധ​പ്പെ​ട്ട പ്ര​വ​ര്‍ത്ത​ന​ങ്ങ​ളി​ല്‍ ഏ​ര്‍പ്പെ​ടു​ക​യോ ചെ​യ്യ​രു​തെ​ന്നും അ​ധി​കൃ​ത​ര്‍ നി​ര്‍ദേ​ശി​ച്ചു. മ​ണി​ക്കൂ​റി​ൽ 118 മു​ത​ൽ 151 കി.​മീ​റ്റ​ർ വേ​ഗ​ത്തി​ലാ​ണ്​ കാ​റ്റ്​ വീ​ശി​ക്കൊ​ണ്ടി​രി​ക്കു​ന്ന​ത്.

അ​തേ​സ​മ​യം, ബി​പ​ർ​ജോ​യ്​’ ചു​ഴ​ലി​ക്കാ​റ്റു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ൾ ച​ർ​ച്ച​ചെ​യ്യാ​നാ​യി സി​വി​ൽ ഏ​വി​യേ​ഷ​ൻ അ​തോ​റി​റ്റി​യും (സി.​എ.​എ) ദേ​ശീ​യ അ​ടി​യ​ന്ത​ര മാ​നേ​ജ്‌​മെ​ന്റ് ക​മ്മി​റ്റി​യും ക​ഴി​ഞ്ഞ ദി​വ​സം യോ​ഗം ​ചേ​ർ​ന്നു. സ്ഥി​തി​ഗ​തി​ക​ൾ സൂ​ക്ഷ്മ​മാ​യി നി​രീ​ക്ഷി​ച്ചു​വ​രു​ക​യാ​ണെ​ന്ന് ഒ​മാ​ൻ കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം അ​റി​യി​ച്ചു. അ​ടു​ത്ത മൂ​ന്നു ദി​വ​സ​ത്തേ​ക്ക് സു​ൽ​ത്താ​നേ​റ്റി​ൽ ചു​ഴ​ലി​ക്കാ​റ്റി​ന്റെ നേ​രി​ട്ടു​ള്ള ആ​ഘാ​തം ഉ​ണ്ടാ​കി​ല്ലെ​ന്നാ​ണ് അ​ധി​കൃ​ത​ർ വ്യ​ക്ത​മാ​ക്കി​യി​രി​ക്കു​ന്ന​ത്.