ഒ​മാ​നെ തൊ​ട്ട​റി​ഞ്ഞ മ​ലേ​ഷ്യ​ൻ റൈ​ഡേ​ഴ്​​സ്; ​സ്​​നേ​ഹ​ക്കൂ​​ട്ടൊ​രു​ക്കി ബൈ​ക്കേ​ഴ്​​സ് ബ്ര​ദേ​ഴ്​​സ്​

​മ​സ്ക​ത്ത്​: സു​ൽ​ത്താ​നേ​റ്റി​ന്‍റെ ​പ്ര​കൃ​തി​ഭം​ഗി ആ​സ്വാ​ദി​ക്കാ​ൻ ഖ​ത്ത​റി​ൽ​നി​ന്നെ​ത്തി​യ മ​ലേ​ഷ്യ​ൻ റൈ​ഡേ​ഴ്​​സ്​ സം​ഘ​ത്തി​ന്​ സ്​​നേ​ഹ​ക്കൂ​ട്ടൊ​രു​ക്കി ​ബൈ​ക്കേ​ഴ്​​സ്​ ബ്ര​ദേ​ഴ്​​സ്. ഒ​മാ​നി​ലു​ള്ള മ​ല​യാ​ളി​ക​ളാ​യ പ്ര​ഫ​ഷ​ന​ൽ ​റൈ​ഡ​ർ​മാ​രു​ടെ കൂ​ട്ടാ​യ്മ​യാ​ണ്​ ബൈ​ക്കേ​ഴ്​​സ്​ ബ്ര​ദേ​ഴ്​​സ്. ര​ണ്ട്​ ​ഫോ​ർ​വീ​ൽ വാ​ഹ​ന​ങ്ങ​ളും 14 ബൈ​ക്ക്​ യാ​ത്രി​ക​രു​മു​ൾ​പ്പെ​ടെ 21 പേ​രാ​യി​രു​ന്നു മ​ലേ​ഷ്യ​ൻ റൈ​ഡേ​ഴ്​​സ്​ സം​ഘ​ത്തി​ലു​ണ്ടാ​യി​രു​ന്ന​ത്. ​ഫെ​ബ്രു​വ​രി 10ന് ​ദോ​ഹ​യി​ൽ​നി​ന്ന് യാ​ത്ര ആ​രം​ഭി​ച്ച സം​ഘം ബു​റൈ​മി വ​ഴി​യാ​ണ്​ ഒ​മാ​നി​​ലെ​ത്തി​യ​ത്.

സു​ൽ​ത്താ​നേ​റ്റി​​ലേ​ക്കു​ള്ള ആ​ദ്യ ട്രി​പ്പാ​യ​തു​​കൊ​ണ്ടു​ത​ന്നെ ഇ​വി​ട​ത്തെ വ​ഴി​ക​ളെ കു​റി​ച്ച്​ സം​ഘ​ത്തി​ന്​ വ​ശ​മി​ല്ലാ​യി​രു​ന്നു. ഇ​ത്​ ത​ങ്ങ​ളു​ടെ റൈ​ഡി​ങ്ങി​ന്​ ത​ട​സ്സ​മാ​കു​മോ എ​ന്ന ആ​ശ​ങ്ക​യി​ലാ​ണ്​ ബൈ​ക്കേ​ഴ്​​സ്​ ബ്ര​ദേ​ഴ്​​സി​ലെ നി​ഷാ​ദ്​ സൈ​നു​ദ്ദീ​നു​മാ​യി മ​ലേ​ഷ്യ​ൻ റൈ​ഡേ​ഴ്​​സ്​ അം​ഗ​ങ്ങ​ൾ ബ​ന്ധ​പ്പെ​ടു​ന്ന​ത്. ബൈ​ക്കേ​ഴ്​​സ്​ ബ്ര​​ദേ​ഴ്​​സു​മാ​യി ഒ​മാ​​ന്‍റെ വി​വി​ധ ഭാ​ഗ​ങ്ങ​ളി​ലൂ​ടെ ന​ട​ത്തി​യ യാ​ത്ര പു​ത്ത​ൻ അ​നു​ഭ​വ​ങ്ങ​ളാ​ണ്​ ​മ​ലേ​ഷ്യ​ൻ​സം​ഘ​ത്തി​ന്​ ല​ഭി​ച്ച​ത്. ഖു​റ​മി​ൽ​നി​ന്ന്​ തു​ട​ങ്ങി​യ യാ​ത്ര മ​സ്​​ക​ത്തി​ന്‍റെ ന​ഗ​ര​ഹൃ​ദ​യ​ങ്ങ​ളി​ലൂ​ടെ ക​ട​ന്ന്​ ബ​ന്ദ​റു​ൽ ഹൈ​റാ​നി​ലാ​ണ്​ അ​വ​സാ​നി​ച്ച​ത്.

ഇ​വി​ട​ന്ന്​ തി​രി​ച്ചു​മ​ട​ങ്ങി​യ സം​ഘം സ്വ​ദേ​ശി​ക​ളാ​യ റൈ​ഡ​ർ​മാ​രു​ടെ കൂ​ട്ടാ​യ്മ​യാ​യ ഒ​മാ​ൻ റൈ​ഡേ​ഴ്സ് ക്ല​ബി​ലാ​യി​രു​ന്നു പി​ന്നീ​ട്​ എ​ത്തി​യ​ത്. ചെ​യ​ർ​മാ​ൻ ഖാ​ലി​ദ് അ​സ്രി​യും അം​ഗ​ങ്ങ​ളും ചേ​ർ​ന്ന്​ ഊ​ഷ്മ​ള വ​ര​വേ​ൽ​പാ​ണ്​ ന​ൽ​കി​യ​ത്. ഒ​മാ​ന്‍റെ പ്ര​കൃ​തി​ഭം​ഗി അ​ത്ഭു​ത​​പ്പെ​ടു​ത്തു​ന്ന​താ​ണെ​ന്നും ക​ണ്ടാ​ലും മ​തി​വ​രാ​ത്ത ഒ​രു​പാ​ട്​ കാ​ഴ്ച​ക​ൾ ഇ​വി​ടെ​യു​ണ്ടെ​ന്നും മ​ലേ​ഷ്യ​ൻ റൈ​ഡേ​ഴ്​​സ്​ സം​ഘം പ​റ​ഞ്ഞു. സ്വീ​ക​ര​ണ​ത്തി​നും ആ​തി​ഥ്യ​മ​രു​ളി​യ​തി​നും ന​ന്ദി​പ​റ​ഞ്ഞ്​ സം​ഘം പി​ന്നീ​ട്​ റാ​സ​ൽ​ഖൈ​മ​യി​ലൂ​ടെ ഖ​ത്ത​റി​​ലേ​ക്ക്​ തി​രി​ച്ചു​പോ​കു​ക​യും ചെ​യ്​​തു.