സു​ഹാ​ർ ഫെ​സ്റ്റി​ൽ ‘ബി​ഗ്​’ ആ​വേ​ശം

സു​ഹാ​ർ: സു​ഹാ​റി​ലെ സ​നാ​യ എ​ന്റ​ർ​ടൈ​ൻ​മെ​ന്റ് പാ​ർ​ക്കി​ൽ ന​ട​ക്കു​ന്ന സു​ഹാ​ർ ഫെ​സ്റ്റ് ഗ്രൗ​ണ്ടി​ൽ ചൊ​വ്വാ​ഴ്ച ഫു​ട്ബാ​ൾ ആ​രാ​ധ​ക​രു​ടെ ആ​വേ​ശം കൊ​ണ്ട് ഗാ​ല​റി മു​ഖ​രി​ത​മാ​യി. ഫെ​സ്റ്റി​വ​ൽ ഗ്രൗ​ണ്ടി​ൽ ഒ​രു​ക്കി​യ കൂ​റ്റ​ൻ സ്‌​ക്രീ​നി​ൽ സൗ​ദി​അ​റേ​ബ്യ​യും ഒ​മാ​നും ത​മ്മി​ൽ ഖ​ത്ത​റി​ൽ ന​ട​ക്കു​ന്ന മ​ത്സ​രം കാ​ണാ​ൻ നൂ​റു​ക​ണ​ക്കി​നു​ ആ​ളു​ക​ളാ​യി​രു​ന്നു ത​ടി​ച്ചു​കൂ​ടി​യി​രു​ന്ന​ത്. ക​ളി​യു​ടെ 14ാം മി​നി​റ്റി​ൽ ഒ​മാ​ന് വേ​ണ്ടി സാ​ല അ​ൽ യ​ഹ്‌​യാ​യി ആ​ദ്യ ഗോ​ൾ നേ​ടി​യ​പ്പോ​ൾ ഗാ​ല​റി ഇ​ള​കി​മ​റി​യു​ക​യാ​യി​രു​ന്നു. മ​ത്സ​ര​ത്തി​ൽ സു​ൽ​ത്താ​നേ​റ്റ്​ തോ​റ്റെ​ങ്കി​ലും ടീ​മി​ന്‍റെ പ്ര​ക​ട​നം പ്ര​തീ​ക്ഷ ന​ൽ​കു​ന്ന​താ​ണെ​ന്ന് ആ​രാ​ധ​ക​ർ പ​റ​ഞ്ഞു.

ക​ഴി​ഞ്ഞ വേ​ൾ​ഡ് ക​പ്പ് ഫു​ട്ബാ​ൾ മ​ത്സ​രം കാ​ണാ​നും ഫെ​സ്റ്റി​വൽ ന​ഗ​രി​യി​ൽ കൂ​റ്റ​ൻ സ്ക്രീ​ൻ ഒ​രു​ക്കി​യി​രു​ന്നു. ചു​റ്റും ഒ​രു​ക്കി​യ ഗാ​ല​റി​യും ക​സേ​ര​ക​ളും ഗ്രൗ​ണ്ടി​ൽ ഇ​രു​ന്നു ക​ളി കാ​ണു​ന്ന പ്ര​തീ​തി​യാ​ണ് ഉ​ണ്ടാ​ക്കു​ന്ന​ത്. നൂ​റു​ക​ണ​ക്കി​നു പേ​ർ​ക്ക് ഇ​രി​ക്കാ​വു​ന്ന ഗാ​ല​റി​യും മ​റ്റു ഇ​രി​പ്പി​ട​ങ്ങ​ളും ക​ളി​യു​ടെ ആ​വേ​ശം കെ​ട്ട​ട​ങ്ങാ​തെ ആ​സ്വ​ദി​ക്കാ​ൻ ക​ഴി​യു​ന്ന ത​ര​ത്തി​ലാ​ണ്​ ഒ​രു​ക്കി​യി​രി​ക്കു​ന്ന​ത്. അ​വ​ധി​ദി​നം അ​ല്ലാ​തി​രു​ന്നി​ട്ടും അ​ഭൂത​പൂ​ർ​വ​മാ​യ ജ​ന​ക്കൂട്ട​മാ​ണ് ഫെ​സ്റ്റി​വ​ൽ വേ​ദി​യി​ൽ എ​ത്തി​യ​ത്. പാ​ർ​ക്കി​ങ് കി​ട്ടാ​തെ ദൂ​രെ പാ​ർ​ക്കു ചെ​യ്ത് കാ​ൽ​ന​ട​യാ​യി ആ​ണ് പ​ല​രും പാ​ർ​ക്കി​ൽ എ​ത്തി​യ​ത്. തു​ട​ർ​ന്നു​ള്ള ക​ളി​ക​ൾ കാ​ണാ​നും കൂ​ടു​തൽ ആ​ളു​ക​ൾ എ​ത്തും എ​ന്നാ​ണ് ക​ണ​ക്കു​കൂ​ട്ടു​ന്ന​ത്.

വി​നോ​ദം, വി​ജ്ഞാ​നം, മ​റ്റ്​ ക​ലാ സാം​സ്‌​കാ​രി​ക കാ​യി​ക പ​രി​പാ​ടി​ക​ൾ​ക്കും സു​ഹാ​ർ ഫെ​സ്റ്റ് വേ​ദി​യാ​വു​ന്നു​ണ്ട്. ഫു​ഡ്‌ ഫെ​സ്റ്റി​വ​ൽ, സ​ർ​ക്ക​സ് അ​മ്യൂ​സ്മെ​ന്‍റ് പാ​ർ​ക്ക്‌ എ​ന്നി​വ വേ​ദി​യി​ലെ മു​ഖ്യ ആ​ക​ർ​ഷ​ക​ങ്ങ​ളാ​ണ്.