പകർച്ച വ്യാധിക്കെതിരെ ജാഗ്രതപാലിക്കണം –ആരോഗ്യമന്ത്രാലയം

മ​സ്ക​ത്ത്​: മ​ഴ​കു​റ​ഞ്ഞ​തോ​ടെ ശു​ചീ​ക​ര​ണ പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ട്ടി​രി​ക്കു​ന്ന​വ​ർ പ​ക​ർ​ച്ച വ്യാ​ധി​ക​ൾ ബാ​ധി​ക്കാ​തി​രി​ക്കാ​ൻ ജാ​ഗ്ര​ത പാ​ലി​ക്ക​ണ​മെ​ന്ന്​ ആ​രോ​ഗ്യ​മ​ന്ത്രാ​ല​യം. കെ​ട്ടി​ക്കി​ട​ക്കു​ന്ന വെ​ള്ള​ത്തി​ൽ ആ​രോ​ഗ്യ​ത്തി​ന്​ ഹാ​നി​ക​ര​മാ​കു​ന്ന ​രോ​ഗാ​ണു​ക്ക​ളും ബാ​ക്ടീ​രി​യ​ക​ളും ഉ​ണ്ടാ​കാ​ൻ സാ​ധ്യ​ത​യു​ണ്ട്. എ​ലി, ഈ​ച്ച, മ​റ്റ് മൃ​ഗ​ങ്ങ​ൾ എ​ന്നി​വ ച​ത്ത​ടി​യാ​ൻ സാ​ധ്യ​ത​യു​ള്ള സ്ഥ​ല​ങ്ങ​ൾ വൃ​ത്തി​യാ​ക്കു​​മ്പോ​ൾ സൂ​ക്ഷ്മ​ത പു​ല​ർ​ത്ത​ണം.

വെ​ള്ള​ത്തി​ന​ടി​യി​ലാ​യ വീ​ടു​ക​ളി​ലെ, ച​ളി, മാ​ലി​ന്യം, അ​ഴു​ക്ക് എ​ന്നി​വ പൂ​ർ​ണ​മാ​യി നീ​ക്കം ചെ​യ്യ​ണം. ആ​രോ​ഗ്യ​പ്ര​ശ്ന​ങ്ങ​ൾ​ക്ക് കാ​ര​ണ​മാ​യേ​ക്കാ​വു​ന്ന രോ​ഗാ​ണു​ക്ക​ളു​ടെ പ്ര​ജ​ന​ന സാ​ധ്യ​ത ഇ​ല്ലാ​താ​ക്കാ​ൻ വീ​ടു​ക​ളി​ലെ ഈ​ർ​പ്പം ഒ​​ഴി​വാ​ക്കു​ക​യും ആ​വ​ശ്യ​മാ​യ വാ​യു​സ​ഞ്ചാ​രം ക​ട​ത്തി​വി​ടാ​നു​ള്ള സൗ​ക​ര്യ​വു​മൊ​രു​ക്ക​ണ​മെ​ന്നും മ​​ന്ത്രാ​ല​യം നി​ർ​ദേ​ശി​ച്ചു. അ​​തേ​സ​മ​യം, മ​ഴ​ക്കെ​ടു​തി നേ​രി​ട്ട മ​സ്‌​ക​ത്ത്, ബാ​ത്തി​ന, അ​ൽ വു​സ്ത, ഖ​സ​ബ് തു​ട​ങ്ങി വി​വി​ധ പ്ര​ദേ​ശ​ങ്ങ​ളി​ൽ ശു​ചീ​ക​ര​ണം ന​ട​ന്നു​വ​രു​ക​യാ​ണ്. മ​ഴ​​​വെ​ള്ള​ത്തി​ൽ പാ​മ്പു​ക​ള​ട​ക്ക​മു​ള്ള ഇ​ഴ​ജ​ന്തു​ക്ക​ൾ ഒ​ഴു​കി​വ​ന്ന്​ ഫ്ലാ​റ്റു​ക​ളി​ലും വീ​ടു​ക​ളി​ലും ക​യ​റി​ക്കൂ​ടാ​നും സാ​ധ്യ​ത​യു​ണ്ട്. ക​ഴി​ഞ്ഞ​ദി​വ​സം അ​ൽ​ഗ്രു​ബ്ര​യി​ലെ ഫ്ലാ​റ്റി​ൽ​നി​ന്നും പ​മ്പി​നെ ക​​​ണ്ടെ​ത്തി.

ഒ​രാ​ഴ്ച​യോ​ള​മാ​യി പെ​യ്ത മ​ഴ​യി​ൽ ഇ​തു​വ​രെ ആ​റു ജീ​വ​നു​ക​ളാ​ണ്​ പൊ​ലി​ഞ്ഞ​ത്. നാ​ശ​ന​ഷ്ട​വും നേ​രി​ട്ടു. ഇ​തി​ന്‍റെ ക​ണ​ക്ക്​ വ​രും​ദി​വ​സ​ങ്ങ​ളി​​ലെ അ​റി​യാ​ൻ ക​ഴി​യു​ക​യു​ള്ളൂ. വി​വി​ധ ഇ​ട​ങ്ങ​ളി​ലാ​യി കൂ​ടു​ങ്ങി​യ 70ൽ ​അ​ധി​കം ആ​ളു​ക​ളെ ര​ക്ഷ​പ്പെ​ടു​ത്തു​ക​യും ചെ​യ്തു.

റോ​യ​ൽ ഒ​മാ​ൻ പൊ​ലീ​സും സി​വി​ൽ ഡി​ഫ​ൻ​സ്​ ആം​ബു​ല​ൻ​സും ര​ക്ഷാ​പ്ര​വ​ർ​ത്ത​ന​ങ്ങ​ളി​ൽ സ​ജീ​വ​മാ​യി പ​​ങ്കെ​ടു​ത്ത​ത്​ കെ​ടു​തി​ക​ളു​ടെ ആ​ക്കം കു​റ​ക്കാ​ൻ സ​ഹാ​യ​ക​മാ​യി. ല​ഭ്യ​മാ​യ ക​ണ​ക്ക്​ പ്ര​കാ​രം രാ​ജ്യ​ത്ത്​ ഏ​റ്റ​വും കൂ​ടു​ത​ൽ മ​ഴ ല​ഭി​ച്ച​ത്​ മ​സ്ക​ത്ത്​ ഗ​വ​ർ​ണ​റേ​റ്റി​ലെ ബൗ​ഷ​ർ വി​ലാ​യ​ത്തി​ലാ​ണ്. 110 മി.​മീ​റ്റ​ർ മ​ഴ​യാ​ണ്​ ഇ​വി​ടെ ല​ഭി​ച്ച​തെ​ന്ന്​ കൃ​ഷി, ഫി​ഷ​റീ​സ്, ജ​ല​വി​ഭ​വ മ​ന്ത്രാ​ല​യം അ​റി​യി​ച്ചു.