മി​ക​ച്ച വി​നോ​ദ​സ​ഞ്ചാ​ര കേ​ന്ദ്രം പ​ട്ടി​ക​യി​ൽ ഇ​ടംനേ​ടി ഒ​മാ​നും

മ​സ്ക​ത്ത്: മി​ഡി​ൽ ഈ​സ്റ്റി​ലെ​യും ആ​ഫ്രി​ക്ക​യി​ലെ​യും ഏ​റ്റ​വും മി​ക​ച്ച വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ൽ ഇ​ടം പി​ടി​ച്ച് സു​ൽ​ത്താ​നേ​റ്റും. യു.​എ​ൻ ടൂ​റി​സ​ത്തി​ന്റെ ക​ണ​ക്ക​നു​സ​രി​ച്ച് ഖ​ത്ത​ർ, സൗ​ദി അ​റേ​ബ്യ, ഈ​ജി​പ്ത്, ജോ​ർ​ഡ​ൻ എ​ന്നി​വ​ക്ക് പി​ന്നി​ൽ ആ​റാം സ്ഥാ​ന​ത്താ​ണ് ഒ​മാ​ൻ.2019 നെ ​അ​പേ​ക്ഷി​ച്ച് അ​ന്താ​രാ​ഷ്ട്ര വി​നോ​ദ​സ​ഞ്ചാ​രി​ക​ളു​ടെ വ​ര​വി​ൽ 15 ശ​ത​മാ​നം വ​ർ​ധ​ന​വാ​ണു​ണ്ടാ​യി​രി​ക്കു​ന്ന​ത്. ഉ​യ​ർ​ന്ന ഗ​താ​ഗ​ത, ആ​ശ​യ​വി​നി​മ​യ ചെ​ല​വു​ക​ൾ, യാ​ത്രാ ആ​വ​ശ്യ​ക​ത​ക​ൾ, സാ​മ്പ​ത്തി​ക ഘ​ട​ക​ങ്ങ​ൾ, രാ​ഷ്ട്രീ​യ പ്ര​തി​സ​ന്ധി​ക​ൾ, കാ​ലാ​വ​സ്ഥ എ​ന്നി​വ​യാ​ണ് ആ​ഗോ​ള​ത​ല​ത്തി​ൽ വി​നോ​ദ​സ​ഞ്ചാ​രി​ക​ൾ നേ​രി​ടു​ന്ന പ്ര​ധാ​ന വെ​ല്ലു​വി​ളി​ക​ൾ.

ദേ​ശീ​യ സ്ഥി​തി വി​വ​ര​കേ​ന്ദ്ര​ത്തി​ന്റെ ഏ​റ്റ​വും പു​തി​യ റി​പ്പോ​ർ​ട്ട് പ്ര​കാ​രം ക​ഴി​ഞ്ഞ ഡി​സം​ബ​ർ അ​വ​സാ​ന​ത്തോ​ടെ ഒ​മാ​ൻ 3.89 ദ​ശ​ല​ക്ഷം സ​ന്ദ​ർ​ശ​ക​രെ​യാ​ണ് സ്വീ​ക​രി​ച്ച​ത്. ഏ​റ്റ​വും കൂ​ടു​ത​ൽ ആ​ളു​ക​ൾ എ​ത്തി​യ​ത് യു​നൈ​റ്റ​ഡ് അ​റ​ബ് എ​മി​റേ​റ്റ്‌​സി​ൽ നി​ന്നു​ള്ള സ​ന്ദ​ർ​ശ​ക​രാ​ണ്- 11,85,880 പേ​ർ 623,623 പേ​രു​മാ​യി ഇ​ന്ത്യ​ക്കാ​ർ ര​ണ്ടും 203,055 സ​ന്ദ​ർ​ക​രു​മാ​യി യ​മ​ൻ മൂ​ന്നാം സ്ഥാ​ന​ത്തു​മാ​ണു​ള്ള​ത്.

ത​ന്ത്ര​പ്ര​ധാ​ന​മാ​യ സ്ഥാ​നം കാ​ര​ണം ഒ​മാ​ൻ ഒ​രു പ്രാ​ദേ​ശി​ക ടൂ​റി​സം കേ​ന്ദ്ര​മാ​യി മാ​റു​ക​യും അ​യ​ൽ ഗ​ൾ​ഫ് രാ​ജ്യ​ങ്ങ​ളി​ൽ നി​ന്നും അ​തി​ന​പ്പു​റ​ത്തു​നി​ന്നു​മു​ള്ള സ​ന്ദ​ർ​ശ​ക​രെ ആ​ക​ർ​ഷി​ക്കു​ക​യും ചെ​യ്യു​ന്നു​​ണ്ടെ​ന്ന് ദേ​ശീ​യ സ്ഥി​തി വി​വ​ര ​കേ​ന്ദ്രം പ​റ​യു​ന്നു. അ​ടി​സ്ഥാ​ന സൗ​ക​ര്യ​ങ്ങ​ൾ, പ്ര​മോ​ഷ​ണ​ൽ കാ​മ്പ​യി​നു​ക​ൾ, ല​ളി​ത​വ​ൽ​ക്ക​രി​ച്ച വി​സ ന​ട​പ​ടി​ക്ര​മ​ങ്ങ​ൾ എ​ന്നി​വ​യി​ലൂ​ടെ ടൂ​റി​സം മേ​ഖ​ല​യെ മെ​ച്ച​പ്പെ​ടു​ത്താ​നു​ള്ള രാ​ജ്യ​ത്തി​ന്റെ ശ്ര​മ​ങ്ങ​ളെ​യാ​ണ് സ​ഞ്ചാ​രി​ക​ളു​ടെ വ​ർ​ധ​ന​വി​ന് കാ​ര​ണ​മെ​ന്ന് അ​ധി​കൃ​ത​ർ വ്യ​ക്ത​മാ​ക്കി.