ഇ​ന്ത്യ​ൻ സ്കൂ​ളു​ക​ളി​ൽ ബെ​ൽ​മു​ഴ​ക്കം

മ​സ്ക​ത്ത്​: രാ​ജ്യ​ത്തെ ഇ​ന്ത്യ​ൻ സ്‌​കൂ​ളു​ക​ളി​ൽ മ​ധ്യ​വേ​ന​ല​വ​ധി​ക്കു​ശേ​ഷം അ​ധ്യ​യ​നം പു​ന​രാ​രം​ഭി​ച്ചു. ഒ​മാ​നി​ൽ ഏ​റ്റ​വും കൂ​ടു​ത​ൽ വി​ദ്യാ​ർ​ഥി​ക​ൾ പ​ഠി​ക്കു​ന്ന ഇ​ന്ത്യ​ൻ സ്‌​കൂ​ൾ മ​സ്ക​ത്തി​ൽ തി​ങ്ക​ളാ​ഴ്ച മു​ത​ലാ​ണ് അ​ധ്യ​യ​നം ആ​രം​ഭി​ച്ച​ത്. സ്‌​കൂ​ളു​ക​ളി​ലെ കു​ട്ടി​ക​ളു​ടെ എ​ണ്ണം കോ​വി​ഡി​ന് മു​മ്പ​ത്തെ അ​വ​സ്ഥ​യി​ലെ​ത്തി എ​ന്നു​ള്ള സ​വി​ശേ​ഷ​ത കൂ​ടി ഈ ​വ​ർ​ഷ​ത്തെ അ​ധ്യ​യ​ന​ത്തി​നു​ണ്ട്. ഇ​ന്ത്യ​ൻ സ്‌​കൂ​ൾ മ​ബേ​ല​യി​ൽ ഞാ​യ​റാ​ഴ്ച മു​ത​ൽ ക്ലാ​സു​ക​ൾ ആ​രം​ഭി​ച്ചു.

എ​ന്നാ​ൽ, മ​സ്‌​ക​ത്തി​ലെ മ​റ്റു പ്ര​ധാ​ന വി​ദ്യാ​ല​യ​ങ്ങ​ളാ​യ ഇ​ന്ത്യ​ൻ സ്‌​കൂ​ൾ ദാ​ർ​സൈ​ത്, ഇ​ന്ത്യ​ൻ സ്‌​കൂ​ൾ വാ​ദി ക​ബീ​ർ, ഇ​ന്ത്യ​ൻ സ്‌​കൂ​ൾ ഗൂ​ബ്ര എ​ന്നി​വി​ട​ങ്ങ​ളി​ൽ അ​ടു​ത്ത ദി​വ​സ​ങ്ങ​ളി​ലാ​ണ് അ​ധ്യ​യ​നം ആ​രം​ഭി​ക്കു​ന്ന​ത്. ജൂ​ൺ ര​ണ്ടാം വാ​രം മു​ത​ലാ​ണ് സ്‌​കൂ​ളു​ക​ൾ വേ​ന​ല​വ​ധി​ക്കാ​യി അ​ട​ച്ച​ത്.

ക​ടു​ത്ത ചൂ​ട്​ കാ​ര​ണ​മാ​യി ചി​ല സ്‌​കൂ​ളു​ക​ളി​ൽ ചെ​റി​യ ക്ലാ​സു​ക​ളി​ലെ കു​ട്ടി​ക​ൾ​ക്ക് നേ​ര​ത്തെ​ത​ന്നെ അ​വ​ധി ആ​രം​ഭി​ച്ചി​രു​ന്നു. ഭൂ​രി​ഭാ​ഗം കു​ടും​ബ​ങ്ങ​ളും അ​വ​ധി​ക്കു നാ​ട്ടി​ൽ പോ​യെ​ങ്കി​ലും ക​ന​ത്ത വി​മാ​ന ടി​ക്ക​റ്റ്​ നി​ര​ക്ക്​ കാ​ര​ണം ചി​ല​രൊ​ക്കെ നാ​ട്ടി​ലേ​ക്കു​ള്ള യാ​ത്ര ഒ​ഴി​വാ​ക്കി​യി​രു​ന്നു. ഒ​മാ​നി​ൽ ത​ന്നെ മ​ധ്യ​വേ​ന​ല​വ​ധി ക​ഴി​ച്ചു​കൂ​ട്ടി​യ കു​ട്ടി​ക​ൾ​ക്കാ​യി സാം​സ്കാ​രി​ക സം​ഘ​ട​ന​ക​ൾ വേ​ന​ൽ ക്യാ​മ്പു​ക​ൾ ന​ട​ത്തി​യി​രു​ന്നു.

ഇ​ന്ത്യ​ൻ സോ​ഷ്യ​ൽ ക്ല​ബ് കേ​ര​ള വി​ഭാ​ഗം ന​ട​ത്തി​യ ‘വേ​ന​ൽ തു​മ്പി’ ക്യാ​മ്പി​ൽ നൂ​റു​ക​ണ​ക്കി​ന് കു​ട്ടി​ക​ളാ​ണ് പ​ങ്കെ​ടു​ത്ത​ത്. അ​തേ​സ​മ​യം സ്‌​കൂ​ളു​ക​ൾ തു​റ​ക്കു​ന്ന​ത് പ്ര​മാ​ണി​ച്ച്​ നാ​ട്ടി​ൽ​നി​ന്നും മ​സ്ക​ത്തി​ലേ​ക്ക്​ വി​മാ​ന നി​ര​ക്ക്​ ക്ര​മാ​തീ​ത​മാ​യി വ​ർ​ധി​ച്ചി​രു​ന്നു. ഈ ​സാ​ഹ​ച​ര്യ​ത്തി​ൽ മ​ട​ക്ക​യാ​ത്ര നീ​ട്ടി വെ​ച്ച​വ​രു​മു​ണ്ട്. വി​മാ​ന യാ​ത്ര​നി​ര​ക്ക്​ വ​ർ​ധ​ന​വി​നെ​തി​രെ ഈ ​വ​ർ​ഷ​വും പ്ര​തി​ഷേ​ധം ഉ​യ​ർ​ന്നു​വെ​ങ്കി​ലും ഫ​ല​മൊ​ന്നും ഉ​ണ്ടാ​യി​ല്ല.