ചു​ഴ​ലി​ക്കാ​റ്റി​ൽ ത​ക​ർ​ന്ന ബാ​ത്തി​ന ഹൈ​വേ നി​ർ​മാ​ണം അ​ന്തി​മ ഘ​ട്ട​ത്തി​ൽ

മ​സ്ക​ത്ത്​: ശ​ഹീ​ൻ ചു​ഴ​ലി​ക്കാ​റ്റി​ൽ ത​ക​ർ​ന്ന ബാ​ത്തി​ന ഹൈ​വേ​യു​ടെ 60 കി​ലോ​മീ​റ്റ​ർ അ​ഥ​വാ 92.5 ശ​ത​മാ​നം ഭാ​ഗം പു​നഃ​സ്ഥാ​പി​ച്ച​താ​യി ഗ​താ​ഗ​ത, വാ​ർ​ത്താ​വി​നി​മ​യ, വി​വ​ര സാ​ങ്കേ​തി​ക മ​ന്ത്രാ​ല​യം അ​റി​യി​ച്ചു. അ​ൽ ത​ർ​മ​ദ് റൗ​ണ്ട് എ​ബൗ​ട്ടി​നും ഹ​ഫീ​ത് റൗ​ണ്ട് എ​ബൗ​ട്ടി​നു​മി​ട​യി​ലു​ള്ള ഭാ​ഗ​മാ​ണ്​ ഗ​താ​ഗ​ത ​യോ​ഗ്യ​മാ​ക്കി​യ​ത്. ചു​ഴ​ലി​ക്കാ​റ്റ് ബാ​ധി​ച്ച റോ​ഡു​ക​ളു​ടെ കാ​ലാ​നു​സൃ​ത​മാ​യ അ​റ്റ​കു​റ്റ​പ്പ​ണി​ക്കും മ​റ്റു​മാ​യി 250 ദ​ശ​ല​ക്ഷം റി​യാ​ൽ ചി​ല​വി​ൽ ആ​ണ്​ ഗ​താ​ഗ​ത, വാ​ർ​ത്താ​വി​നി​മ​യ, വി​വ​ര സാ​ങ്കേ​തി​ക മ​ന്ത്രാ​ല​യം പ​ദ്ധ​തി​ക​ൾ ന​ട​പ്പി​ലാ​ക്കു​ന്ന​ത്.

വാ​ദി ഹാ​യ്, വാ​ദി അ​ൽ ജ​ഹാ​വി​ർ, വാ​ദി അ​ൽ സ​ർ​മി, അ​ൽ ഖാ​ദ്-​അ​ൽ അ​ഖീ​ർ, വാ​ദി അ​ൽ ഖ​നൂ​ത്ത്, വാ​ദി ബാ​നി ഉ​മ​ർ എ​ന്നി​വി​ട​ങ്ങ​ളി​ലെ റോ​ഡു​ക​ളു​ടെ അ​റ്റ​കു​റ്റ​പ്പ​ണി പു​രോ​ഗ​മി​ക്കു​ക​യാ​ണ്. വാ​ദി ക്രോ​സി​ങ്ങു​ക​ളി​ൽ ആ​ർ​ച്ചു​ക​ളു​ടെ നി​ർ​മാ​ണം, ട്രാ​ഫി​ക് സു​ര​ക്ഷ നി​ർ​ദേ​ശ സൂ​ച​ക​ങ്ങ​ൾ എ​ന്നി​വ പ​ദ്ധ​തി​ക​ളി​ൽ ഉ​ൾ​പ്പെ​ടു​ന്നു​ണ്ടെ​ന്ന്​ അ​ധി​കൃ​ത​ർ അ​റി​യി​ച്ചു. നി​ർ​മാ​ണം പൂ​ർ​ത്തി​യാ​ക്കി​യ​തി​നെ തു​ട​ർ​ന്ന്​ വ​ട​ക്ക​ൻ ബാ​ത്തി​ന ഗ​വ​ർ​ണ​റേ​റ്റി​ലെ ബാ​ത്തി​ന വി​ലാ​യ​ത്തി​ലെ വാ​ദി അ​ൽ ഖ​നൂ​ത്ത് റോ​ഡ്​ ഗ​താ​ഗ​ത​ത്തി​നാ​യി തു​റ​ന്ന്​ കൊ​ടു​ത്തി​ട്ടു​ണ്ട്. വാ​ദി അ​ൽ സ​ർ​മി​യി​ൽ​നി​ന്ന് ആ​രം​ഭി​ച്ച് അ​ൽ ഖ​നൂ​ത്ത് പ​ട്ട​ണ​ത്തി​ൽ അ​വ​സാ​നി​ക്കു​ന്നു ഇ​തി​ന്​ ആ​കെ 7.5 കി​ലോ​മീ​റ്റ​ർ ​നീ​ള​മാ​ണു​ള്ള​ത്.