ചെമ്മീൻ പിടിക്കുന്നതിനും വ്യാപാരത്തിനും നിരോധനം

മ​സ്ക​ത്ത്​: രാ​ജ്യ​ത്ത്​ ചെ​മ്മീ​ൻ പി​ടി​ക്കു​ന്ന​തി​നും വ്യാ​പാ​ര​ത്തി​നു​മു​ള്ള നി​രോ​ധ​നം പ്രാ​ബ​ല്യ​ത്തി​ൽ വ​ന്ന​താ​യി കൃ​ഷി, ഫി​ഷ​റീ​സ്, ജ​ല​വി​ഭ​വ മ​ന്ത്രാ​ല​യം അ​റി​യി​ച്ചു. ഡി​സം​ബ​ർ ഒ​ന്ന്​ മു​ത​ൽ ആ​ഗ​സ്റ്റ് 31വ​രെ​യാ​ണ്​ ചെ​മ്മീ​ൻ പി​ടി​ക്കു​ന്ന​തി​നും വ്യാ​പാ​രം ചെ​യ്യു​ന്ന​തി​നു​മു​ള്ള നി​രോ​ധ​നം ഏ​ർ​പ്പെ​ടു​ത്തി​യി​രി​ക്കു​ന്ന​ത്.

ഈ ​കാ​ല​യ​ള​വി​ലെ ചെ​മ്മീ​നു​ക​ളു​ടെ ബീ​ജ​സ​ങ്ക​ല​നം, പു​ന​രു​ൽ​പാ​ദ​നം, സ്വാ​ഭാ​വി​ക വ​ള​ർ​ച്ച എ​ന്നി​വ ക​ണ​ക്കി​ലെ​ടു​ത്താ​ണ് നി​രോ​ധ​നം ഏ​ർ​പ്പെ​ടു​ത്തി​യി​ട്ടു​ള്ള​ത്. നി​രോ​ധ​നം ആ​രം​ഭി​ക്കു​​ന്ന​തി​നു​ മു​മ്പ് മ​ത്സ്യ​ത്തൊ​ഴി​ലാ​ളി​ക​ൾ, മ​ത്സ്യം കൊ​ണ്ടു​പോ​കു​ന്ന​വ​ർ, ക​മ്പ​നി​ക​ൾ, സ്ഥാ​പ​ന​ങ്ങ​ൾ, ഹോ​ട്ട​ലു​ക​ൾ, റ​സ്റ്റാ​റ​ന്റു​ക​ൾ, മ​ത്സ്യ​ബ​ന്ധ​ന​ത്തി​ലും വി​പ​ണ​ന​ത്തി​ലും ഏ​ർ​പ്പെ​ട്ടി​രി​ക്കു​ന്ന വ്യ​ക്തി​ക​ൾ എ​ന്നി​വ​ർ ഫി​ഷ​റീ​സ് വി​ക​സ​ന വ​കു​പ്പു​മാ​യും കേ​ന്ദ്ര​ങ്ങ​ളു​മാ​യും ബ​ന്ധ​പ്പെ​ട്ട്​ ചെ​മ്മീ​നി​ന്റെ അ​ള​വ് രേ​ഖ​പ്പെ​ടു​ത്ത​ണ​മെ​ന്ന്​ മ​ന്ത്രാ​ല​യം വ്യ​ക്ത​മാ​ക്കി. ശേ​ഷി​ക്കു​ന്ന സ്റ്റോ​ക്ക് മു​ൻ​കൂ​ട്ടി ര​ജി​സ്റ്റ​ർ ചെ​യ്തി​ല്ലെ​ങ്കി​ൽ നി​രോ​ധ​ന കാ​ല​യ​ള​വി​ൽ ചെ​മ്മീ​ൻ വ്യാ​പാ​ര​വും ക​യ​റ്റു​മ​തി​യും അ​നു​വ​ദി​ക്കി​ല്ല.

നി​രോ​ധ​നം ലം​ഘി​ക്കു​ന്ന​വ​ർ​ക്ക്​ 5,000 റി​യാ​ൽ​വ​രെ പി​ഴ​യോ മൂ​ന്നു മാ​സം ത​ട​വോ അ​ല്ലെ​ങ്കി​ൽ ര​ണ്ടും ഒ​രു​മി​ച്ചോ അ​നു​ഭ​വി​ക്കേ​ണ്ടി​വ​രും. ചെ​മ്മീ​ൻ​പി​ടി​ക്കാ​നു​പ​യോ​ഗി​ച്ച ഉ​പ​ക​ര​ണ​ങ്ങ​ൾ ക​ണ്ടു​കെ​ട്ടു​ക​യും മ​ത്സ്യ​ബ​ന്ധ​ന ലൈ​സ​ൻ​സ്​ റ​ദ്ദാ​ക്കു​ക​യും ചെ​യ്യും.നി​യ​മ​ന​ട​പ​ടി​ക​ളും പി​ഴ​ക​ളും ഒ​ഴി​വാ​ക്കാ​ൻ എ​ല്ലാ​വ​രും സ​ഹ​ക​രി​ക്ക​ണ​മെ​ന്ന് മ​ന്ത്രാ​ല​യം ആ​വ​ശ്യ​പ്പെ​ട്ടു.

മ​ത്സ്യ​ബ​ന്ധ​ന നി​യ​ന്ത്ര​ണ​ങ്ങ​ളെ​ക്കു​റി​ച്ച് അ​വ​ബോ​ധം വ​ള​ർ​ത്തു​ന്ന​തി​നാ​യി കോ​സ്റ്റ് ഗാ​ർ​ഡ് ഓ​ഫ് റോ​യ​ൽ ഒ​മാ​ൻ പൊ​ലീ​സ്, റോ​യ​ൽ ഒ​മാ​ൻ നേ​വി, മാ​രി​ടൈം സെ​ക്യൂ​രി​റ്റി സെ​ന്റ​ർ, തൊ​ഴി​ൽ മ​ന്ത്രാ​ല​യം എ​ന്നി​വ​യു​ൾ​പ്പെ​ടെ ബ​ന്ധ​പ്പെ​ട്ട അ​ധി​കാ​രി​ക​ളു​ടെ സ​ഹ​ക​ര​ണ​ത്തോ​ടെ നി​രീ​ക്ഷ​ണ കാ​മ്പ​യി​നു​ക​ൾ സം​ഘ​ടി​പ്പി​ക്കും.