Begin typing your search above and press return to search.
exit_to_app
exit_to_app
Homechevron_rightGulfchevron_rightOmanchevron_rightനഗരത്തിന്​ ഉണർവ്​ ...

നഗരത്തിന്​ ഉണർവ്​ നൽകാൻ പദ്ധതികളുമായി മസ്കത്ത്​ നഗരസഭ

text_fields
bookmark_border
നഗരത്തിന്​ ഉണർവ്​  നൽകാൻ പദ്ധതികളുമായി മസ്കത്ത്​ നഗരസഭ
cancel
Listen to this Article

മസ്കത്ത്​: മസ്കത്ത്​ നഗരത്തിന്​ ഉണർവ്​ നൽകാൻ പുതിയ പദ്ധതികളുമായി മസ്കത്ത്​ നഗരസഭ. മസ്‌കറ്റിലെ റിയാം പ്രദേശത്ത് പർവത നടപ്പാത, തെരുവ് കച്ചവടക്കാർക്കായി ​പ്രത്യേക സ്ഥലമൊരുക്കൽ, ബൗഷർ വിലയാത്തിലെ അൽ-മിസ്ഫ ഇൻഡസ്ട്രിയൽ ഏരിയയിലെ ഉൾ ഭാഗങ്ങളിലേക്കുള്ള റോഡുകളുടെ നിർമാണം തുടങ്ങിയ പദ്ധതികളാണ് നഗരത്തിന് പുതുജീവനേകാൻ ​ നഗരസഭ തയ്യാറാക്കിയിരിക്കുന്നത്​. ഇവക്ക്​ ടെൻഡർ നൽകിയതായി അധികൃതർ അറിയിച്ചു.

'നേരത്തെ മസ്കത്ത് മുനിസിപ്പാലിറ്റിസുവർണ ജൂബിലി നടപ്പാത പദ്ധതിയുടെ ആദ്യഘട്ട പ്രവർത്തനങ്ങൾക്ക്​ തുടക്കം കുറിച്ചിരുന്നു. സീബ്​ വിലായത്തിൽ 84,400 ചതുരശ്ര മീറ്റർ വിസ്തീർണ്ണമുള്ളതാണ് പദ്ധതി. മസ്‌കത്ത്​ ഗവർണറേറ്റ് വികസിപ്പിക്കുന്നതിനും പൗരന്മാർക്കും താമസക്കാർക്കും വിനോദ സൗകര്യങ്ങൾ ഒരുക്കുന്നതിനുമുള്ള ശ്രമങ്ങളുടെ ഭാഗമായാണ്​ പദ്ധതി ഒരുങ്ങുന്നത്​. വിനോദ ഘടകങ്ങൾ, പിക്നിക്കുകൾക്കും ശാരീരിക പ്രവർത്തനങ്ങൾക്കുമുള്ള മേഖലകൾ, സൈക്കിൾ പാത, മറ്റ് വിവിധ സേവനങ്ങൾ എന്നിവ ഉണ്ടാകും. ഔട്ട്ഡോർ പ്രവർത്തനങ്ങൾക്ക് പ്രകൃതിദത്തമായ അന്തരീക്ഷം പ്രദാനം ചെയ്യുന്ന പദ്ധതിയിൽ 38,250 ചതുരശ്ര മീറ്ററിൽ ഹരിത ഇടങ്ങളും ഒരുക്കും.

ഈ വർഷ​ത്തിന്‍റെ മധ്യത്തിൽ പദ്ധതിയുടെ ആദ്യ ഘട്ട പ്രവൾത്തനങ്ങൾക്ക്​ തുടക്കം കുറിച്ച്​ അടുത്ത വർഷം ഏ​പ്രിലിലോടെ പൂർത്തിയാക്കാനാണ്​ അധികൃതർ ലക്ഷ്യമിടുന്നത്​. ഗോൾഡൻ ജൂബിലി വാക്കിൽ 1,972 മീറ്റർ നടപ്പാത, 1,972 മീറ്റർ നീളവും മൂന്ന്​ മീറ്റർ വീതിയിലുമുള്ള സൈക്കിൾ പാത, കായിക വിനോദത്തിനുള്ള ഉപകരണങ്ങൾ സജ്ജീകരിച്ച രണ്ട് സൈറ്റുകൾ, കുട്ടികളുടെ രണ്ട് കളിസ്ഥലങ്ങൾ, 140 കാറുകൾ പാർക്ക് ചെയ്യാനുള്ള സൗകര്യങ്ങൾ എന്നിവയും ഉണ്ടാകും.

Show Full Article
TAGS:Muscat Municipality New project 
News Summary - Awakening of the city Muscat Municipality with plans to provide
Next Story