വി​സി​റ്റ്​ വി​സ​യി​ലെ​ത്തി ഒ​മാ​നി​ൽ കു​ടു​ങ്ങി​യ ര​ണ്ട്​ യു​വാ​ക്ക​ൾ നാ​ട​ണ​ഞ്ഞു

അൽഖുദ്​: വിസിറ്റ്​ വിസയിലെത്തി ഒമാനിൽ കുടുങ്ങിയ രണ്ട്​ യുവാക്കൾ മസ്കത്ത്​ കെ.എം.സി.സി അൽഖുദ് ഏരിയ കമ്മിറ്റിയുടെ ഇടപ്പെടലിലൂടെ നാടണഞ്ഞു. 16 മാസമായി ശമ്പളമില്ലാതെ ജോലി ചെയ്തിരുന്ന കോട്ടയം സ്വദേശി ജിതിൻ, മലപ്പുറം സ്വദേശി ആബിദ് എന്നിവരാണ്​ നാടണഞ്ഞത്​. മസ്കത്ത്​ കെ.എം.സി.സി സെൻട്രൽ കമ്മിറ്റി സെക്രട്ടറി ഇബ്രാഹിം ഒറ്റപ്പാലത്തിന്റെ ഇടപെടലിലൂടെയാണ്​ നാട്ടിൽ പോകാനുള്ള അവസരമൊരുങ്ങിയത്​.

ഇതിൽ ഒരാൾക്ക്​ 16 മാസത്തേയും മറ്റൊരാൾക്ക്​ ഒമ്പതുമാസത്തേയും ജോലി ചെയ്ത വേതനം മുതലാളിയുമായി സംസാരിച്ചു ചെക്കായി അവർക്ക്​ നൽകുകയും ചെയ്തു. പിഴ അടക്കാനുള്ള പണവും കൂടാതെ നാട്ടിൽ പോകാനുള്ള ടിക്കറ്റും ഈ പറഞ്ഞ ഏജന്റിൽനിന്നും വാങ്ങി നൽകിയാണ്​ ഇവ​രെ നാട്ടിലേക്ക് ​പറഞ്ഞയച്ചത്​​.

അൽഖുദ് കെ.എം.സി.സി പ്രസിഡന്റ് ഫൈസൽ മുണ്ടൂർ, ജനറൽ സെക്രട്ടറി ടി.പി. മുനീർ, ട്രഷറർ ഷാജഹാൻ തായാട്ട്, ഇജാസ് തളിപ്പറമ്പ്, അൻസാർ കുറ്റ്യാടി എന്നിവരാണ് ഏജന്റുമായി സംസാരിച്ചു യുവാക്കളെനാട്ടിലേക്ക് അയക്കാനുള്ള നടപടികൾക്ക് നേതൃത്വം നൽകിയത്.