അ​റേ​ബ്യ​ന്‍ ഗ​ള്‍ഫ് ക​പ്പ്; മു​ന്നൊ​രു​ക്കം ഊ​ർ​ജി​ത​മാ​ക്കി ഒ​മാ​ൻ

മ​സ്‌​ക​ത്ത്: അ​റേ​ബ്യ​ന്‍ ഗ​ള്‍ഫ് ക​പ്പ് മു​ന്നൊ​രു​ക്ക​ത്തിനായി ആ​ഭ്യ​ന്ത​ര പ​രി​ശീ​ല​ന ക്യാ​മ്പി​നു​ള്ള ഒ​മാ​ൻ സ്ക്വാ​ഡി​നെ കോ​ച്ച് റ​ശീ​ദ് ജാ​ബി​ര്‍ പ്ര​ഖ്യാ​പി​ച്ചു. പ​രി​ച​യ സ​മ്പ​ന്ന​ര്‍ക്കൊ​പ്പം പു​തുമു​ഖ​ങ്ങ​ളെ​യും ഉ​ൾ​പ്പെ​ടു​ത്തി​യു​ള്ള​താ​ണ് 31 അം​ഗ സ്ക്വാ​ഡ്. അ​ഞ്ച് ദി​വ​സ​ങ്ങ​ളി​ലാ​യി സീ​ബ് സ്‌​റ്റേ​ഡി​യ​ത്തി​ല്‍ കോ​ച്ചി​ന്‍റെ നേ​തൃ​ത്വ​ത്തി​ൽ ക്യാ​മ്പ് ന​ട​ത്തി​യി​രു​ന്നു. ഇ​തി​ല്‍ ക​ഴി​വ് തെ​ളി​യി​ച്ച​വ​രെ നി​ല​വി​ല്‍ പ്ര​ഖ്യാ​പി​ച്ച സ്ക്വാ​ഡി​ല്‍ ഉ​ള്‍പ്പെ​ടു​ത്തി​യി​ട്ടു​ണ്ട്.

ഗോ​ള്‍ കീ​പ്പ​ര്‍ ബി​ലാ​ല്‍ അ​ല്‍ ബ​ലൂ​ഷി, വി​വി​ധ പൊ​സി​ഷ​നു​ക​ളി​ല്‍ ക​ളി​ക്കു​ന്ന സാ​നി അ​ല്‍ റു​ശൈ​ദി, അ​ബ്ദു​ല്‍ സ​ലാം അ​ല്‍ ശു​കൈ​ലി, മാ​ഊ​ന്‍ അ​ല്‍ അ​റൈ​മി, ഫാ​രി​ജ് അ​ല്‍ കി​യൂ​മീ, സു​ല്‍ത്താ​ന്‍ അ​ല്‍ മ​ര്‍സൂ​ഖി, വ​ലീ​ദ് അ​ല്‍ മു​സ്‌​ല​മീ, മു​ല്‍ഹം അ​ല്‍ സു​നൈ​ദി, ആ​ഹി​ദ് അ​ല്‍ മ​ശാ​ഈ, ഹ​സീ​ന്‍ അ​ല്‍ ശ​ഹ്‌​രീ എ​ന്നി​വ​രാ​ണ് സ്‌​ക്വാ​ഡി​ല്‍ ഇ​ടം നേ​ടി​യ യു​വ താ​ര​ങ്ങ​ള്‍.

ക്യാ​മ്പി​ൽ മി​ക​ച്ച പ്ര​ക​ട​നം ന​ട​ത്തു​ന്ന​വ​ർ​ക്ക് കു​വൈ​ത്തി​ൽ ന​ട​ക്കു​ന്ന അ​റേ​ബ്യ​ന്‍ ഗ​ള്‍ഫ് ക​പ്പി​നു​ള്ള ടീ​മി​ൽ ഇ​ടം പി​ടി​ക്കാ​ൻ സാ​ധി​ക്കും. ഒ​മാ​ന്റെ ഒ​ളി​മ്പി​ക്, അ​ണ്ട​ര്‍ 20 ടീ​മു​ക​ളി​ല്‍ നി​ന്നു​ള്ള നി​ര​വ​ധി പു​തു​മു​ഖ​ങ്ങ​ള്‍ ആ ​സ്‌​ക്വാ​ഡി​ല്‍ ഉ​ള്‍പ്പെ​ട്ടി​ട്ടു​ള്ള​ത്. സ​മീ​പ​കാ​ല​ങ്ങ​ളി​ല്‍ താ​ര​ങ്ങ​ള്‍ ന​ട​ത്തി​യ മി​ക​ച്ച പ്ര​ക​ട​ന​മാ​ണ് ദേ​ശീ​യ ടീ​മി​ലേ​ക്ക് യു​വ​താ​ര​ങ്ങ​ള്‍ക്ക് വ​ഴി തു​റ​ന്ന​ത്. ആ​ഭ്യ​ന്ത​ര ക്യാ​മ്പ് അ​ടു​ത്ത ദി​വ​സം മ​സ്‌​ക​ത്തി​ല്‍ ആ​രം​ഭി​ക്കും. ക​ളി​ക്കാ​രു​ടെ ശാ​രീ​രി​ക​വും സാ​ങ്കേ​തി​ക​വു​മാ​യ ക​ഴി​വ് വ​ള​ര്‍ത്തു​ന്ന​തി​ലാ​യി​രി​ക്കും ക്യാ​മ്പ് ശ്ര​ദ്ധ കേ​ന്ദ്രീ​ക​രി​ക്കു​ക.

അ​റേ​ബ്യ​ൻ ഗ​ൾ​ഫ് ക​പ്പി​ന് മു​ന്നോ​ടി​യാ​യി ഒ​മാ​ൻ യ​മ​നു​മാ​യി സൗ​ഹൃ​ദ മ​ത്സ​രം ക​ളി​ക്കും. ഡി​സം​ബ​ർ 16ന് ​സു​ൽ​ത്താ​ൻ ഖാ​ബൂ​സ് സ്‌​പോ​ർ​ട്‌​സ് കോം​പ്ല​ക്‌​സി​ലാ​ണ് ക​ളി. അ​റേ​ബ്യ​ൻ ഗ​ൾ​ഫ് ക​പ്പി​ൽ ആ​തി​ഥേ​യ​രാ​യ കു​വൈ​ത്ത്, ഖ​ത്ത​ർ, യു.​എ.​ഇ എ​ന്നി​വ​ക്കൊ​പ്പം ഗ്രൂ​പ് എ​യി​ലാ​ണ് ഒ​മാ​ൻ. ഗ്രൂ​പ് ബി​യി​ൽ നി​ല​വി​ലെ ചാ​മ്പ്യ​ന്മാ​രാ​യ ഇ​റാ​ഖി​നോ​ടൊ​പ്പം സൗ​ദി അ​റേ​ബ്യ, ബ​ഹ്‌​റൈ​ൻ, യ​മ​ൻ എ​ന്നി​വ​രു​മാ​ണു​ള്ള​ത്. ഡി​സം​ബ​ർ 21ന് ​ഉ​ദ്ഘാ​ട​ന മ​ത്സ​ര​ത്തി​ൽ കു​വൈ​ത്തി​നെ​തി​രെ ഒ​മാ​ന്‍റെ ആ​ദ്യ മ​ത്സ​രം. 24ന് ​ഖ​ത്ത​റി​നെ​തി​രെ​യും 27ന് ​യു.​എ.​ഇ​ക്കെ​തി​രെ​യു​മാ​ണ് ഒ​മാ​ന്റെ ഗ്രൂ​പ് ഘ​ട്ട മ​ത്സ​ര​ങ്ങ​ൾ വ​രു​ന്ന​ത്.

ക​ഴി​ഞ്ഞ വ​ർ​ഷം കൈ​വി​ട്ടു​പോ​യ അ​റേ​ബ്യ​ൻ ഗ​ൾ​ഫ് ക​പ്പ് തി​രി​ച്ചു പി​ടി​ക്കാ​നു​ള്ള ഒ​രു​ക്ക​ത്തി​ലാ​ണ് ഒ​മാ​ൻ.

ക​ഴി​ഞ്ഞ വ​ർ​ഷം മി​ക​ച്ച ക​ളി പു​റ​ത്തെ​ടു​ത്തി​രു​ന്നെങ്കി​ലും ഇ​റാ​ഖി​നോ​ട് അ​ടി​യ​റ​വ് പ​റ​യു​ക​യാ​യി​രു​ന്നു. ബ​സ്​​റ ഒ​ളി​മ്പി​ക്​ സ്​​റ്റേ​ഡി​യ​ത്തി​ൽ ന​ട​ന്ന ക​ലാ​ശ​ക്ക​ളി​യി​ൽ 3-2നാ​ണ് പൊ​രു​തി​​തോ​റ്റ​ത്. ഇ​ത്ത​വ​ണ കാ​ര്യ​ങ്ങ​ൾ അ​ത്ര എ​ളു​പ്പ​മാ​കാ​ൻ സാ​ധ്യ​ത​യി​ല്ല. അ​തേ​സ​മ​യം, ത​ങ്ങ​ളു​ടേ​താ​യ ദി​വ​സ​ങ്ങ​ളി​ൽ ആ​രെ​യും അ​ട്ടി​മ​റി​ക്കാ​ൻ കെ​ൽ​പ്പു​ള്ള​വ​രാ​ണ് റെ​ഡ്‍ വാ​രി​യേ​ഴ്സ്. അ​തു​കൊ​ണ്ടു​ത​ന്നെ ടീം ​അ​ത്ഭു​ത​ങ്ങ​ൾ സൃ​ഷ്ടി​ക്കു​മെ​ന്ന ശു​ഭ പ്ര​തീ​ക്ഷ​യി​ലാ​ണ് ആ​രാ​ധ​ക​ർ.