അറബ് ഗെയിംസ്​; ഒമാൻ മെഡൽ നേട്ടം തുടരുന്നു

മ​സ്ക​ത്ത്: അ​ൽ​ജീ​രി​യ​യി​ൽ ന​ട​ക്കു​ന്ന അ​റ​ബ് ഗെ​യിം​സി​ൽ ഒ​മാ​ൻ താ​ര​ങ്ങ​ളു​ടെ മെ​ഡ​ൽ നേ​ട്ടം തു​ട​രു​ന്നു. പു​രു​ഷ​ന്മാ​രു​ടെ 4x100 മീ​റ്റ​ർ റി​ലേ ഓ​ട്ട​മ​ത്സ​ര​ത്തി​ൽ ഒ​മാ​ൻ ടീം ​സ്വ​ർ​ണ​മെ​ഡ​ൽ ക​ര​സ്ഥ​മാ​ക്കി. അ​ത്​​ല​റ്റി​ക്സി​ൽ ര​ണ്ട്​ മെ​ഡ​ലു​ക​ൾ ഒ​മാ​ൻ നേ​ര​ത്തെ സ്വ​ന്ത​മാ​ക്കി​യി​രു​ന്നു. ഹൈ​ജം​പി​ൽ ഫാ​ത്തി​ക് ബി​ൻ അ​ബ്ദു​ൽ ഗ​ഫൂ​ർ ബെ​യ്ത്ത് ജ​ബൂ​ബ് സ്വ​ർ​ണം നേ​ടി​യ​പ്പോ​ൾ, ഭി​ന്ന​ശേ​ഷി​ക്കാ​രാ​യ അ​ത്‌​ല​റ്റു​ക​ളു​ടെ 100 മീ​റ്റ​ർ ഓ​ട്ട​ത്തി​ൽ ഖു​സൈ അ​ൽ റ​വാ​ഹി വെ​ള്ളി മെ​ഡ​ലു​മാ​ണ്​ സ്വ​ന്ത​മാ​ക്കി​യ​ത്.

ഫു​ട്​​ബാ​ൾ, അ​ത്​​ല​റ്റി​ക്സ്, സെ​യി​ലി​ങ്, ഭാ​രോ​ദ്വ​ഹ​നം, പാ​രാ അ​ത്​​ല​റ്റി​ക്സ് എ​ന്നീ അ​ഞ്ച് ഇ​ന​ങ്ങ​ളി​ലാ​ണ് ഒ​മാ​ൻ പ​ങ്കെ​ടു​ക്കു​ന്ന​ത്. ബു​ധ​നാ​ഴ്ച​യാ​യി​രു​ന്നു അ​റ​ബ് ഗെ​യിം​സ് ഔ​ദ്യോ​ഗി​ക​മാ​യി ഉ​ദ്ഘാ​ട​നം ചെ​യ്​​ത​തെ​ങ്കി​ലും അ​ത്‌​ല​റ്റി​ക്‌​സ്, ഫു​ട്‌​ബാ​ൾ, പാ​രാ അ​ത്‌​ല​റ്റി​ക്‌​സ് തു​ട​ങ്ങി​യ മ​ത്സ​ര​ങ്ങ​ൾ നേ​ര​ത്തെ ആ​രം​ഭി​ച്ചി​രു​ന്നു. ഏ​ക​ദേ​ശം 3,800 കാ​യി​ക​താ​ര​ങ്ങ​ളാ​ണ് ഗെ​യിം​സി​ൽ മാ​റ്റു​ര​ക്കു​ന്ന​ത്. ജൂ​ലൈ 15ന് ​ഗെ​യിം​സ് സ​മാ​പി​ക്കും.