സി​ക്ക് ലീ​വ് സ​ർ​ട്ടി​ഫി​ക്ക​റ്റു​ക​ളു​ടെ അം​ഗീ​കാ​രം പോ​ർ​ട്ട​ൽ വ​ഴി നേ​ട​ണം -ആ​രോ​ഗ്യ മ​ന്ത്രാ​ല​യം

മ​സ്ക​ത്ത്: സ്വ​കാ​ര്യ ക്ലി​നി​ക്കു​ക​ളും ആ​ശു​പ​ത്രി​ക​ളും ന​ൽ​കു​ന്ന സി​ക്ക് ലീ​വ് സ​ർ​ട്ടി​ഫി​ക്ക​റ്റു​ക​ളു​ടെ അം​ഗീ​കാ​രം ആ​രോ​ഗ്യ മ​ന്ത്രാ​ല​യ​ത്തി​ന്‍റെ പോ​ർ​ട്ട​ൽ വ​ഴി നേ​ട​ണ​മെ​ന്ന് ആ​രോ​ഗ്യ മ​ന്ത്രാ​ല​യം (എം.​ഒ.​എ​ച്ച്) അ​റി​യി​ച്ചു. സ്വ​കാ​ര്യ ആ​രോ​ഗ്യ സ്ഥാ​പ​ന​ങ്ങ​ളു​ടെ ഡ​യ​റ​ക്ട​റേ​റ്റ് ജ​ന​റ​ൽ സി​ക്ക് ലീ​വി​നു​ള്ള അ​പേ​ക്ഷ ഇ​നി നേ​രി​ട്ട്​ സ്വീ​ക​രി​ക്കി​ല്ല.

സ്വ​കാ​ര്യ ആ​രോ​ഗ്യ സ്ഥാ​പ​ന​ങ്ങ​ളി​ൽ​നി​ന്ന് ല​ഭി​ച്ച ​സി​ക്ക്​ ലീ​വ്​ സ​ർ​ട്ടി​ഫി​ക്ക​റ്റു​ക​ൾ മ​റ്റ് അ​ധി​കാ​രി​ക​ൾ​ക്ക് സ​മ​ർ​പ്പി​ക്കു​ന്ന​തി​ന് ആ​രോ​ഗ്യ മ​ന്ത്രാ​ല​യ​ത്തി​ന്റെ അം​ഗീ​കാ​രം ആ​വ​ശ്യ​മാ​ണ്. ര​ണ്ടു ദി​വ​സ​ത്തേ​ക്കു​ള്ള​ സി​ക്ക് ലീ​വി​ന്റെ അം​ഗീ​കാ​രം ഹെ​ൽ​ത്ത് പോ​ർ​ട്ട​ലി​ൽ​നി​ന്ന് നേ​രി​ട്ട് ആ​ക്സ​സ് ചെ​യ്യാം.ലീ​വ്​ ര​ണ്ടു ദി​വ​സ​ത്തി​ൽ കൂ​ടു​ത​ലാ​ണെ​ങ്കി​ൽ, സി​ക്ക് ലീ​വ് സ​ർ​ട്ടി​ഫി​ക്കേ​ഷ​ൻ ഫീ​സ് ര​ണ്ടു​ റി​യാ​ൽ അ​ട​ക്കേ​ണ്ട​താ​ണ്. പ​ണം പി​ന്നീ​ടാ​ണ്​ അ​ട​ക്കാ​ൻ ആ​ഗ്ര​ഹി​ക്കു​ന്നു​വെ​ങ്കി​ൽ, അ​പ്രൂ​വ​ൽ ഫീ​സ് പേ​മെ​ന്റ് ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കു​ന്ന​തി​നു​ള്ള ലി​ങ്ക് അ​ട​ങ്ങി​യ സ​ന്ദേ​ശം ല​ഭി​ക്കും.

ഇ​തി​ൽ ക​യ​റി ന​ട​പ​ടി പൂ​ർ​ത്തി​യാ​ക്കാം. പി​ന്നീ​ട്​ പോ​ർ​ട്ട​ൽ വ​ഴി രോ​ഗി​യു​ടെ ഐ​ഡി വി​ശ​ദാം​ശ​ങ്ങ​ൾ പ​രി​ശോ​ധി​ച്ച ശേ​ഷം സ​ർ​ട്ടി​ഫി​ക്ക​റ്റ് ന​ൽ​കും. ഡോ​ക്ട​റു​ടെ​യോ ആ​രോ​ഗ്യ സ്ഥാ​പ​ന​ത്തി​ന്റെ​യോ ഒ​പ്പ് ആ​വ​ശ്യ​മി​ല്ല. സി​ക്ക്​ ലീ​വി​ന്‍റെ സാ​ധു​ത ക്യു.​ആ​ർ കോ​ഡ് ഉ​പ​യോ​ഗി​ച്ച് പ​രി​ശോ​ധി​ക്കാ​നും ക​ഴി​യും.