ആ​പ് അ​ധി​ഷ്ഠി​ത ടാ​ക്സി സേ​വ​നം കൂ​ടു​ത​ൽ സ്ഥ​ല​ങ്ങ​ളി​ലേ​ക്ക്​

മ​സ്ക​ത്ത്​: വാ​ണി​ജ്യ​കേ​ന്ദ്ര​ങ്ങ​ൾ, ഹോ​ട്ട​ലു​ക​ൾ, സു​ൽ​ത്താ​ൻ ഖാ​ബൂ​സ് തു​റ​മു​ഖം എ​ന്നി​വി​ട​ങ്ങ​ളി​ൽ ടാ​ക്സി​സേ​വ​ന​ങ്ങ​ൾ ന​ൽ​കാ​ൻ ആ​പ് അ​ധി​ഷ്ഠി​ത ക​മ്പ​നി​ക​ൾ​ക്ക്​ ഗ​താ​ഗ​ത, വാ​ർ​ത്താ​വി​നി​മ​യ, വി​വ​ര-​സാ​ങ്കേ​തി​ക മ​ന്ത്രാ​ല​യം (എം.​ടി.​സി.​ഐ.​ടി) ലൈ​സ​ൻ​സ് അ​നു​വ​ദി​ച്ചു. മ​ർ​ഹ​ബ​യും ഒ​മാ​ൻ ടാ​ക്‌​സി​യും ഹോ​ട്ട​ലു​ക​ളി​ൽ​നി​ന്നും ഹ​ല, ഒ​മാ​ൻ ടാ​ക്സി, ഒ​ടാ​ക്‌​സി, ഹ​ല, ത​സ്​​ലീം എ​ന്നി​വ മാ​ളു​ക​ളി​ൽ​നി​ന്നും മ​ർ​ഹ​ബ സു​ൽ​ത്താ​ൻ ഖാ​ബൂ​സ്​ തു​റ​മു​ഖ​ത്തു​നി​ന്നും സ​ർ​വി​സ്​ ന​ട​ത്തു​ന്ന​തി​നു​മാ​ണ്​ അ​നു​മ​തി ന​ൽ​കി​യി​രി​ക്കു​ന്ന​ത്. പൊ​തു​ഗ​താ​ഗ​ത സം​വി​ധാ​നം മെ​ച്ച​പ്പെ​ടു​ത്തു​ന്ന​തി​നു​ള്ള ശ്ര​മ​ങ്ങ​ളു​ടെ ഭാ​ഗ​മാ​യി ര​ണ്ട് ആ​പ് അ​ധി​ഷ്‌​ഠി​ത ക​മ്പ​നി​ക​ൾ​ക്ക്​ വി​മാ​ന​ത്താ​വ​ള​ങ്ങ​ളി​ൽ​നി​ന്ന്​ സ​ർ​വി​സ്​ ന​ട​ത്താ​ൻ ആ​ദ്യം അ​നു​മ​തി കൊ​ടു​ത്തി​രു​ന്നു. ഈ ​സം​വി​ധാ​ന​ത്തി​ന്‍റെ ര​ണ്ടാം ഘ​ട്ട​ത്തി​ന്‍റെ ഭാ​ഗ​മാ​യാ​ണ്​ ​ പു​തി​യ ലൈ​സ​ൻ​സ് അ​നു​വ​ദി​ച്ച​ത്. മൂ​ന്നാം ഘ​ട്ട​മാ​യി അ​ടു​ത്ത വ​ർ​ഷം ആ​ദ്യം മു​ത​ൽ എ​ല്ലാ വെ​ള്ള ഓ​റ​ഞ്ച് ടാ​ക്സി​ക​ളെ​യും ആ​പ്പി​ൽ ഉ​ൾ​പ്പെ​ടു​ത്തും.

അ​തേ​സ​മ​യം, ഒ​മാ​നി​ൽ ടാ​ക്സി വാ​ഹ​ന​ങ്ങ​ൾ ഓ​ടി​ക്കു​ന്ന​വ​ർ​ക്ക് ഗ​താ​ഗ​ത, വാ​ർ​ത്താ​വി​നി​മ​യ, ഇ​ൻ​ഫ​ർ​മേ​ഷ​ൻ ടെ​ക്നോ​ള​ജി മ​ന്ത്രാ​ല​യം പു​തി​യ മാ​ർ​ഗ​നി​ർ​ദേ​ശ​ങ്ങ​ൾ പു​റ​ത്തി​റ​ക്കി​യി​ട്ടു​ണ്ട്. ഇ​ത​നു​സ​രി​ച്ച് ഡ്രൈ​വി​ങ് ലൈ​സ​ൻ​സ് കി​ട്ടി മൂ​ന്നു വ​ർ​ഷം പൂ​ർ​ത്തി​യാ​യ​ശേ​ഷം മാ​ത്ര​മാ​ണ് ടാ​ക്സി ഓ​ടി​ക്കാ​ൻ ക​ഴി​യു​ക.

സ്വ​കാ​ര്യ മേ​ഖ​ല​യി​ൽ ജോ​ലി​ചെ​യ്യു​ന്ന 600 റി​യാ​ലി​ൽ താ​ഴെ മാ​സ​വ​രു​മാ​ന​മു​ള്ള​വ​ർ​ക്കു മാ​ത്ര​മാ​ണ് പാ​ർ​ട്ട്ടൈ​മാ​യി ടാ​ക്സി ഓ​ടി​ക്കാ​ൻ ക​ഴി​യു​ക. ടാ​ക്സി ഓ​ടി​ക്കു​ന്ന​തി​നു​ള്ള കു​റ​ഞ്ഞ പ്രാ​യം 21 വ​യ​സ്സും കൂ​ടി​യ പ്രാ​യം 60 വ​യ​സ്സു​മാ​ണ്. ആ​ധി​കാ​രി​ക​മാ​യ മെ​ഡി​ക്ക​ൽ സ്ഥാ​പ​ന​ങ്ങ​ളി​ൽ​നി​ന്ന് ടാ​ക്സി ഓ​ടി​ക്കാ​ൻ ആ​രോ​ഗ്യം അ​നു​വ​ദി​ക്കു​മെ​ന്ന മെ​ഡി​ക്ക​ൽ സ​ർ​ട്ടി​ഫി​ക്ക​റ്റ് ഹാ​ജ​രാ​ക്കു​ന്ന​വ​ർ​ക്ക് 60 വ​യ​സ്സി​നു​ശേ​ഷം ഒ​രു വ​ർ​ഷം​കൂ​ടി അ​ധി​കം ന​ൽ​കു​ന്ന​താ​ണ്.

വി​മാ​ന​ത്താ​വ​ളം, തു​റ​മു​ഖം, ഹോ​ട്ട​ലു​ക​ൾ എ​ന്നി​വി​ട​ങ്ങ​ളി​ൽ സ​ർ​വി​സ് ന​ട​ത്തു​ന്ന ടാ​ക്സി വാ​ഹ​ന​ങ്ങ​ളു​ടെ കാ​ല​പ്പ​ഴ​ക്കം ഏ​ഴു വ​ർ​ഷ​ത്തേ​ക്കാ​ൾ കൂ​ടാ​ൻ പാ​ടി​ല്ല. പൊ​തു​സ്ഥ​ല​ങ്ങ​ളി​ലും വാ​ണി​ജ്യ​കേ​ന്ദ്ര​ങ്ങ​ളി​ലും സ​ർ​വി​സ് ന​ട​ത്തു​ന്ന ടാ​ക്സി​ക​ളു​ടെ കാ​ല​പ്പ​ഴ​ക്കം 10 വ​ർ​ഷ​ത്തി​ൽ കൂ​ടു​ത​ലും ക​വി​യ​രു​ത്. എ​ല്ലാ ടാ​ക്സി ഓ​ടി​ക്കു​ന്ന​വ​രും അ​ടു​ത്ത വ​ർ​ഷം സെ​പ്റ്റം​ബ​ർ ഒ​ന്നി​നു​മു​മ്പ് മേ​ൽ​പ​റ​ഞ്ഞ കാ​ര്യ​ങ്ങ​ൾ ന​ട​പ്പാ​ക്കി​യി​രി​ക്ക​ണം. അ​ടു​ത്ത വ​ർ​ഷ​ത്തോ​ടെ ഒ​മാ​നി​ലെ എ​ല്ലാ ടാ​ക്സി​ക​ളും ആ​പ്പി​നു കീ​ഴി​ൽ വ​രു​ക​യും ചെ​യ്യും. ഇ​തോ​ടെ ടാ​ക്സി നി​ര​ക്കു​ക​ൾ​ക്ക് ഏ​കീ​കൃ​ത രൂ​പം വ​രു​ക​യും ഡ്രൈ​വ​ർ​മാ​ർ​ക്ക് യ​ഥേ​ഷ്ടം നി​ര​ക്കു​ക​ൾ ഈ​ടാ​ക്കാ​നു​ള്ള അ​വ​സ​രം ന​ഷ്ട​മാ​വു​ക​യും ചെ​യ്യും. ഇ​തോ​ടെ നി​ര​ക്ക് വി​ഷ​യ​ത്തി​ലു​ള്ള ത​ർ​ക്ക​ങ്ങ​ളും വി​ല​പേ​ശ​ലും അ​വ​സാ​നി​ക്കു​ക​യും ചെ​യ്യും.