വാഹനാപകട കേസുകളിൽ ഇന്ത്യക്കാർക്ക്​  1.37 കോടി നഷ്​ടപരിഹാരം നൽകാൻ വിധി

മസ്​കത്ത്​: വാഹനാപകട കേസുകളിൽ ഇന്ത്യക്കാർക്ക്​ 1.37 കോടി നഷ്​ടപരിഹാരം നൽകാൻ വിധി. രണ്ടു​ കേസുകളിലായാണ്​ ഇൗ തുകയുടെ നഷ്​ടപരിഹാരം വിധിച്ചത്​. ഇതിൽ ഒരാൾ മലയാളിയാണ്​. ചെന്നൈ സ്വദേശിയും കർണാടകയിൽ താമസക്കാരനുമായ ശ്രീധരൻ നാരായണ​​​െൻറയാണ്​ ആദ്യത്തെ കേസ്​. ബർക്കയിൽ വെച്ച്​ നടന്നുപോകവേ കാറിടിച്ച ഇദ്ദേഹത്തെ അബോധാവസ്​ഥയിലാണ്​ സുൽത്താൻ ഖാബൂസ്​ ആശുപത്രിയിലെത്തിച്ചത്​. മൂന്നു മാസം എസ്​.ക്യു.യുവിൽ അബോധാവസ്​ഥയിലായിരുന്ന ശ്രീധരൻ നാരായണനെ അപകടം നടന്ന്​ എട്ട്​ മാസത്തിന്​ ശേഷമാണ്​ നാട്ടിലേക്ക്​ കൊണ്ടുപോയത്​.

ചികിത്സ നടക്കുന്നുണ്ടെങ്കിലും ഇപ്പോഴും ജോലിയെടുക്കാൻ പറ്റുന്ന സാഹചര്യത്തിൽ ആയിട്ടില്ല. ഭാര്യയും കുട്ടിയുമടങ്ങുന്ന കുടുംബത്തി​​​െൻറ ഏകാശ്രയമാണെന്നത്​ കണക്കിലെടുത്ത്​ 36,500 റിയാൽ (ഏക​േദശം 60.95 ലക്ഷം രൂപ) നഷ്​ടപരിഹാരം നൽകാൻ മസ്​കത്ത്​ അപ്പീൽ കോടതി വിധിക്കുകയായിരുന്നു. രണ്ടാമത്തെ കേസിൽ തൃശൂർ സ്വദേശിക്ക്​ 45,500 റിയാലാണ്​ (ഏകദേശം 75.98 ലക്ഷം രൂപ) നഷ്​ടപരിഹാരം വിധിച്ചത്​. കഴിഞ്ഞ വർഷം ആഗസ്​റ്റ്​ 13ന്​ ഇബ്രക്ക്​ സമീപം ലാൻറ്​ ക്രൂയിസർ മറിഞ്ഞുണ്ടായ അപകടത്തിൽ ഇയാൾക്ക്​ ഗുരുതര പരിക്കേൽക്കുകയായിരുന്നു. അപകടത്തിൽ സ്​പോൺസറായ ഒമാനി മരണപ്പെട്ടിരുന്നു. കാറിൽനിന്ന്​ തെറിച്ചുവീണ തൃശൂർ സ്വദേശിയെ അരക്കുതാഴെ ചലനശേഷി നഷ്​ടപ്പെട്ട നിലയിലാണ്​ നാട്ടിലേക്ക്​ കൊണ്ടുപോയത്​. നാട്ടിലെ ചികിത്സയിൽ ആരോഗ്യസ്​ഥിതി മെച്ചപ്പെട്ട്​ വരുകയാണ്​. 

രണ്ടു​ കേസുകളിലെയും നിയമ നടപടികൾക്ക്​ ഖാലിദ്​ അൽ വഹൈബി അഡ്വക്കേറ്റ്​സ്​ ആൻഡ്​​ ലീഗൽ കൺസൽട്ടൻറ്​സിലെ അഡ്വ.നാസർ അൽ സിയാബി, അഡ്വ.എം.കെ. പ്രസാദ്​, അഡ്വ.മാഹർ ഹമദ്​ അൽ റവാഹി എന്നിവരാണ്​ നേതൃത്വം നൽകിയത്​.  തൃശൂർ സ്വദേശിയുടെ പരിക്കും പ്രായവും പരിഗണിച്ച്​ നല്ല തുക നഷ്​ടപരിഹാരം വിധിക്കണമെന്ന തങ്ങളുടെ വാദഗതികൾ കോടതി കണക്കിലെടുക്കുകയായിരുന്നെന്ന്​ അഡ്വ.എം.കെ പ്രസാദ്​ പറഞ്ഞു.