ദാഹിറയിൽ പുരാതന നഗരാവശിഷ്ടങ്ങൾ കണ്ടെത്തി

മ​സ്ക​ത്ത്​: സു​ൽ​ത്താ​നേ​റ്റി​ൽ സ​ഹ​സ്രാ​ബ്ദ​ത്തോ​ളം പ​ഴ​ക്ക​മു​ള്ള പു​രാ​ത​ന ന​ഗ​ര​ത്തി​ന്റെ അ​വ​ശി​ഷ്ട​ങ്ങ​ൾ ക​ണ്ടെ​ത്തി. ദാ​ഹി​റ ഗ​വ​ർ​ണ​റേ​റ്റി​ലെ ധ​ങ്ക് വി​ലാ​യ​ത്തി​ൽ ന​ട​ത്തി​യ പു​രാ​വ​സ്തു ഖ​ന​ന​ത്തി​ലാ​ണ്​ ഇ​വ ക​ണ്ടെ​ത്തി​യി​ട്ടു​ള്ള​ത്. ധ​ങ്കി​ലെ ഐ​ൻ ബാ​നി സൈ​ദ പു​രാ​വ​സ്തു സൈ​റ്റി​ൽ പൈ​തൃ​ക വി​നോ​ദ​സ​ഞ്ചാ​ര മ​ന്ത്രാ​ല​യ​വും വാ​ഴ്സോ സ​ർ​വ​ക​ലാ​ശാ​ല​യി​ൽ​നി​ന്നു​ള്ള പോ​ളി​ഷ് സം​ഘ​വു​മാ​യി​രു​ന്നു ഖ​ന​നം ന​ട​ത്തി​യ​ത്. ബി.​സി ഒ​ന്നാം സ​ഹ​സ്രാ​ബ്ദ​ത്തോ​ളം പ​ഴ​ക്ക​മു​ള്ള​താ​ണ്​ ക​ണ്ടെ​ത്തി​യ സ്ഥ​ല​മെ​ന്ന്​ അ​നു​മാ​നി​ക്കു​ന്നു.

കൈ​കൊ​ണ്ട്​ നി​ർ​മി​ച്ച്​ അ​ല​ങ്ക​രി​ച്ച മ​ൺ​പാ​ത്ര​ങ്ങ​ൾ, ഗോ​വ​ണി, പാ​ച​ക സ്റ്റൗ ​എ​ന്നി​വ​യും ​ക​ണ്ടെ​ത്തി​യ​വ​യി​ൽ​ ഉ​ൾ​പ്പെ​ടു​ന്നു​ണ്ട്. ഒ​രു വ​ലി​യ ന​ഗ​ര​ത്തി​ന്റെ ത​നി​പ്പ​ക​ർ​പ്പാ​ണ്​ ക​ണ്ടെ​ത്തി​യി​ട്ടു​ള്ള​തെ​ന്നും ഇ​ത് അ​ക്കാ​ല​ത്തെ സാ​മൂ​ഹി​ക സാ​ഹ​ച​ര്യം പ്ര​തി​ഫ​ലി​പ്പി​ക്കു​ന്നു​ണ്ടെ​ന്നും വാ​ർ​സോ സ​ർ​വ​ക​ലാ​ശാ​ല​യി​ലെ ഡോ. ​പീ​റ്റ​ർ ബെ​ലി​ൻ​സ്‌​കി പ​റ​ഞ്ഞു. ​ഇ​വി​ടെ താ​മ​സി​ച്ചി​രു​ന്ന ജ​ന​ങ്ങ​ൾ ഗ്രാ​മം വി​ട്ടു​പോ​കു​​​മ്പോ​ൾ ചെ​റി​യെ മ​ൺ​പാ​ത്ര​ങ്ങ​ൾ കൂ​ടെ കൊ​ണ്ടു​പോ​യി​രു​ന്നു.

എ​ന്നാ​ൽ, വെ​ള്ള​വും ധാ​ന്യ​വും സം​ഭ​രി​ക്കാ​ൻ ഉ​പ​യോ​ഗി​ക്കു​ന്ന വ​ലി​യ പ​ത്ര​ങ്ങ​ൾ ഇ​വി​ടെ ത​ന്നെ ഉ​പേ​ക്ഷി​ക്കു​ക​യാ​യി​രു​ന്നു. ഇ​ത്ത​ര​ത്തി​ലു​ള്ള​വ ഡ​സ​ൻ ക​ണ​ക്കി​ന്​ ക​ണ്ടെ​ത്തി​യി​ട്ടു​ണ്ട്. അ​വ​ർ എ​ങ്ങ​നെ​യാ​ണ് ഭ​ക്ഷ​ണം ഉ​ണ്ടാ​ക്കി​യ​തെ​ന്ന് ഞ​ങ്ങ​ൾ​ക്ക് ക​ണ്ടെ​ത്താ​നാ​യി​ല്ല.പ​ക്ഷേ, അ​വ​ർ ഭ​ക്ഷ​ണം സൂ​ക്ഷി​ക്കാ​ൻ ഉ​പ​യോ​ഗി​ക്കു​ന്ന രീ​തി​ക​ൾ മ​ന​സ്സി​ലാ​ക്കാ​ൻ സാ​ധി​ച്ചു​വെ​ന്നും അ​ദ്ദേ​ഹം പ​റ​ഞ്ഞു. പ്ര​ദേ​ശ​ത്തു​നി​ന്ന്​ ക​ണ്ടെ​ത്തി​യ വ​ലി​യ വീ​ട് ശൈ​ഖി​ന്റെ​താ​കാ​ൻ സാ​ധ്യ​ത​യു​ണ്ടെ​ന്ന് ഖ​ന​ന ത​ല​വ​ൻ പ​റ​ഞ്ഞു. അ​ദ്ദേ​ഹ​ത്തെ ശൈ​ഖാ​യി ക​ണ​ക്കാ​ക്കി​യി​ട്ടു​ണ്ടോ അ​ല്ലെ​ങ്കി​ൽ മ​റ്റൊ​രു പേ​രു​ണ്ടോ എ​ന്ന് ഞ​ങ്ങ​ൾ​ക്ക​റി​യി​ല്ല.എ​ന്നാ​ൽ, ഒ​രു നേ​താ​വോ ഭ​ര​ണാ​ധി​കാ​രി​യോ അ​തി​ൽ കു​ടും​ബാം​ഗ​ങ്ങ​ൾ​ക്കൊ​പ്പം താ​മ​സി​ച്ചി​രു​ന്നു​വെ​ന്നും അ​ദ്ദേ​ഹം പ​റ​ഞ്ഞു.

പൈ​തൃ​ക വി​നോ​ദ​സ​ഞ്ചാ​ര മ​ന്ത്രാ​ല​യ​വും വാ​ഴ്‌​സ സ​ർ​വ​ക​ലാ​ശാ​ല​യി​ൽ​നി​ന്നു​ള്ള സം​ഘ​വും പു​തി​യ പു​രാ​വ​സ്തു സൈ​റ്റി​ൽ ഗ​വേ​ഷ​ണ​ത്തി​നും പ​ഠ​ന​ങ്ങ​ൾ ന​ട​ത്തു​ന്ന​തി​നു​മാ​യി ഖ​ന​നം ന​ട​ത്തി​ക്കൊ​ണ്ടി​രി​ക്കു​ക​യാ​ണ്.ഈ ​സ്ഥ​ല​ത്തി​ന് ഹ​ജ​ർ പ​ർ​വ​ത​നി​ര​ക​ളി​ലെ ബാ​റ്റ്, ബ​ഹ്​​ലൈ​യി​ലെ സ​ലൂ​ട്ട്, സ​ഹ​മി​ലെ ദ​ഹ്​​വ തു​ട​ങ്ങി​യ പു​രാ​വ​സ്തു സ്ഥ​ല​ങ്ങ​ളു​മാ​യി ച​രി​ത്ര​പ​ര​മാ​യ ബ​ന്ധ​മു​ണ്ടെ​ന്ന് ദാ​ഹി​റ ഗ​വ​ർ​ണ​റേ​റ്റി​ലെ ഹെ​റി​റ്റേ​ജ് ആ​ൻ​ഡ് ടൂ​റി​സം വ​കു​പ്പ് ഡ​യ​റ​ക്ട​ർ അ​ലി ബി​ൻ ഖ​മീ​സ് അ​ൽ-​സു​ദൈ​രിപ​റ​ഞ്ഞു.