കുവൈത്ത് അമീർ അമേരിക്കയിലേക്ക് തിരിച്ചു
text_fieldsകുവൈത്ത് സിറ്റി: അമീര് ശൈഖ് സബാഹ് അല് അഹ്മദ് അല് ജാബിര് അസ്സബാഹ് ഔദ്യോഗിക സന്ദര്ശനത്തിനായി അമേരിക്കയിലേക്കു പുറപ്പെട്ടു. ദേശീയ ഗാര്ഡ് ഉപമേധാവി ശൈഖ് മിഷാല് അല് അഹ്മദ് അദ്ദേഹത്തെ അനുഗമിച്ചിട്ടുണ്ട്. വാഷിങ്ടണില് നടക്കുന്ന ചില ഔദ്യോഗിക പരിപാടികളില് അദ്ദേഹം പങ്കെടുക്കും. സെപ്റ്റംബര് 12 നു വൈറ്റ് ഹൗസില് അമേരിക്കന് പ്രസിഡൻറ് ഡോണള്ഡ് ട്രംപുമായി അമീര് കൂടിക്കാഴ്ച നടത്തും.
കിരീടാവകാശി ശൈഖ് നവാഫ് അല് അഹ്മദ് അല് ജാബിര് അസ്സബാഹ്, പ്രധാനമന്ത്രി ശൈഖ് ജാബിര് മുബാറക് അല് ഹമദ് അസ്സബാഹ്, പാര്ലമെൻറ് സ്പീക്കര് മര്സൂഖ് അല് ഗാനിം എന്നിവര് അദ്ദേഹത്തിനു കുവൈത്ത് അന്താരാഷ്ട്ര വിമാനത്താവളത്തില് യാത്രയപ്പു നല്കി.
ഒരു വര്ഷത്തിനിടെ കുവൈത്ത് അമീറും ട്രംപും നടത്തുന്ന രണ്ടാമത്തെ കൂടിക്കാഴ്ചയായിരിക്കും ഈ സന്ദര്ശനം.
മേഖലയിലെ വികസന പദ്ധതികളും നയതന്ത്രബന്ധങ്ങളും സുരക്ഷ ക്രമീകരണവുമൊക്കെയായിരിക്കും ഇരും നേതാക്കളും തമ്മിലുള്ള കൂടിക്കാഴ്ചയിലെ വിഷയങ്ങളെന്ന് നിരീക്ഷകര് ചൂണ്ടിക്കാട്ടുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.