ഓ​ൾ കേ​ര​ള വു​മ​ൺ​സ് മ​സ്ക​ത്ത് വാ​ർ​ഷി​കാ​ഘോ​ഷം ‘അ​നോ​ഖി’ 13ന്

​മ​സ്ക​ത്ത്: ഓ​ൾ കേ​ര​ള വു​മ​ൺ​സ് മ​സ്ക​ത്ത് വാ​ർ​ഷി​കാ​ഘോ​ഷം സെ​പ്റ്റം​ബ​ർ 13ന് ​വൈ​കു​ന്നേ​രം അ​ഞ്ച​ര മു​ത​ൽ റൂ​വി അ​ൽ ഫ​ല​ജ് ഹോ​ട്ട​ലി​ലെ ഗ്രാ​ൻ​ഡ് ഹാ​ളി​ൽ അ​ര​ങ്ങേ​റു​മെ​ന്ന് ഭാ​ര​വാ​ഹി​ക​ൾ വാ​ർ സ​മ്മേ​ള​ന​ത്തി​ൽ അ​റി​യി​ച്ചു. ‘അ​നോ​ഖി’ എ​ന്ന പേ​രി​ൽ ന​ട​ക്കു​ന്ന വാ​ർ​ഷി​കാ​ഘോ​ഷ​ത്തി​ൽ ച​ല​ച്ചി​ത്ര​താ​രം ശ്വേ​താ മേ​നോ​ൻ, സം​വി​ധാ​യ​ക​ൻ നാ​ദി​ർ​ഷാ​യു​ടെ മ​ക​ളാ​യ ഐ​ഷ നാ​ദി​ർ​ഷ എ​ന്നി​വ​ർ മു​ഖ്യാ​തി​ഥി​യാ​കും.

കൂ​ട്ടാ​യ്മ​യി​ലെ അം​ഗ​ങ്ങ​ളു​ടെ​യും നാ​ട്ടി​ൽ​നി​ന്നും വ​രു​ന്ന ക​ലാ​കാ​ര​ന്മാ​രു​ടെ​യും പ​രി​പാ​ടി​ക​ൾ അ​ര​ങ്ങേ​റും. തൃ​ശൂ​ർ ചാ​ല​ക്കു​ടി​യി​ലെ ‘ബ്രോ ​ഹൗ​സ് ’ ബാ​ൻ​ഡി​ന്റെ ഡി.​ജെ, ചെ​ണ്ട വി​ത്ത് വാ​ട്ട​ർ ഡ്രം ​ആ​യി​രി​ക്കും പ​രി​പാ​ടി​യു​ടെ മു​ഖ്യ ആ​ക​ർ​ഷ​ണം. ആ​ർ.​ജെ.​ഡാ​ൻ​സ് ഇ​ൻ​സ്റ്റി​റ്റ്യൂ​ട്ടി​ലെ ക​ലാ​കാ​ര​ന്മാ​രു​ടെ ക്ലാ​സി​ക്ക​ൽ നൃ​ത്ത നാ​ട​കം തു​ട​ങ്ങി​യ​വ അ​ര​ങ്ങേ​റും. പ​രി​പാ​ടി​യി​ലേ​ക്ക് പ്ര​വേ​ശ​നം പാ​സ് മൂ​ലം നി​യ​ന്ത്രി​ക്കും.

ഏ​ഴു വ​ർ​ഷ​ങ്ങ​ൾ​ക്കു മു​മ്പ് മ​സ്‌​ക​ത്തി​ലെ കു​ടും​ബി​നി​ക​ളു​ടെ കൂ​ട്ടാ​യ്മ​യാ​യി ആ​രം​ഭി​ച്ച ഓ​ൾ കേ​ര​ള വു​മ​ൺ​സ് മ​സ്ക​ത്തി​ൽ ആ​യി​ര​ത്തി മു​ന്നൂ​റി​ലേ​റെ അം​ഗ​ങ്ങ​ളു​ണ്ട് .ക​ഴി​ഞ്ഞ ഏ​ഴു വ​ർ​ഷ​ത്തി​നു​ള്ളി​ൽ നി​ര​വ​ധി ക​ലാ സാം​സ്കാ​രി​ക പ്ര​വ​ർ​ത്ത​ന​ങ്ങ​ളും ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ളും കൂ​ട്ടാ​യ്മ​യു​ടെ ആ​ഭി​മു​ഖ്യ​ത്തി​ൽ സം​ഘ​ടി​പ്പി​ച്ചു.

അം​ഗ​മാ​കാ​ൻ താ​ൽ​പ​ര്യ​മു​ള്ള​വ​ർ​ക്ക് ‘ഓ​ൾ കേ​ര​ള വു​മ​ൺ​സ് മ​സ്ക​ത്തി​ന്റെ’ സാ​മൂ​ഹി​ക മാ​ധ്യ​മ പേ​ജു​ക​ൾ വ​ഴി കൂ​ടു​ത​ൽ വി​വ​ര​ങ്ങ​ൾ അ​റി​യാം. റ​ഹൂ​ഫി​യ തൗ​ഫീ​ഖ് , അ​നൂ​ജ ഫി​റോ​സ് , അ​മൃ​ത റെ​നീ​ഷ് , നാ​ദി​യ ഷം​സ് , സ​രി​ത ഷെ​റി​ൻ, സി​യാ​ന ഷ​ജീ​ർ എ​ന്നി​വ​ർ വാ​ർ​ത്ത സ​മ്മേ​ള​ന​ത്തി​ൽ പ​ങ്കെ​ടു​ത്തു.