‘ഹി​മാം അ​ള്‍ട്രാ മാ​ര​ത്താണി’​ൽ ല​ക്ഷ്യം കൈ​വ​രി​ച്ച്​ ആ​ല​പ്പു​ഴ സ്വ​ദേ​ശി

മ​സ്ക​ത്ത്​: ദാ​ഖി​ലി​യ ഗ​വ​ർ​ണ​റേ​റ്റി​ൽ ന​ട​ന്ന 115 കി​ലോ​മീ​റ്റ​ർ അ​ന്ത​ര്‍ദേ​ശീ​യ ‘ഹി​മാം അ​ള്‍ട്രാ മാ​ര​ത്താ​ണി’​ൽ ല​ക്ഷ്യം കൈ​വ​രി​ച്ച്​ ആ​ല​പ്പു​ഴ സ്വ​ദേ​ശി ബി​ന്നി ജേ​ക്ക​ബും. ലോ​ക​ത്തി​ലെ ത​ന്നെ ഏ​റ്റ​വും ക​ഠി​ന​മാ​യ കാ​യി​ക മ​ത്സ​ര ഇ​ന​ങ്ങ​ളി​ൽ ഒ​ന്നാ​ണ് ‘ഹി​മാം അ​ള്‍ട്രാ മാ​ര​ത്താ​ൺ’. 62ൽപ​രം രാ​ജ്യ​ങ്ങ​ളി​ൽ നി​ന്നാ​യി 750ലേ​റെ കാ​യി​ക​താ​ര​ങ്ങ​ൾ പ​ങ്കെ​ടു​ത്ത ഹി​മാം അ​ള്‍ട്രാ മ​ര​ത്താ​ണി​ല്‍ 30 മ​ണി​ക്കൂ​ർ നേ​രം​കൊ​ണ്ടാ​ണ് 42കാ​ര​നാ​യ ബി​ന്നി ജേ​ക്ക​ബ് ല​ക്ഷ്യം നേ​ടി​യ​ത്.

സാ​ധാ​ര​ണ മാ​ര​ത്തോ​ണ്‍ ഓ​ട്ട​ങ്ങ​ളി​ല്‍നി​ന്നും വ്യ​ത്യ​സ്ത​മാ​യി റോ​ഡു​ക​ളി​ലൂ​ടെ അ​ല്ലാ​തെ മ​ല​നി​ര​ക​ളി​ലൂ​ടെ​യും ചെ​ങ്കു​ത്താ​യ ക​യ​റ്റ​ങ്ങ​ളി​ലൂ​ടെ​യും കു​ത്ത​നെ​യു​ള്ള ഇ​റ​ക്ക​ങ്ങ​ളി​ലൂ​ടെ​യും വ​ള​രെ സാ​ഹ​സി​ക​മാ​യി ന​ട​ത്ത​പ്പെ​ടു​ന്ന ഈ ​മ​ത്സ​രം പൂ​ര്‍ത്തീ​ക​രി​ക്കു​ക ഏ​റെ ശ്ര​മ​ക​ര​മാ​ണ്. ബി​ന്നി ക​ഴി​ഞ്ഞ 10 വ​ര്‍ഷ​മാ​യി ഒ​മാ​നി​ലെ കൊ​സ്റ്റ് ഗാ​ര്‍ഡി​ലാ ആ​ണ്​ ജോ​ലി​ചെ​യ്യു​ന്ന​ത്. റോ​ണി​യ​യാ​ണ് ഭാ​ര്യ. ട്രീ​സ, കൊ​ച്ചു​റാ​ണി, ജേ​ക്ക​ബ് എ​ന്നി​വ​രാ​ണ് മ​ക്ക​ള്‍. ആ​ല​പ്പു​ഴ​യി​ലെ പ്ര​മു​ഖ സ്‌​പോ​ര്‍ട്‌​സ് ക്ല​ബാ​യ ‘അ​ത്‌​ലെ​റ്റി​ക്കോ ഡി ​ആ​ല​പ്പി’ മെം​ബ​ര്‍ കൂ​ടി​യാ​ണ് ബി​ന്നി. സ്വ​പ്ന​തു​ല്യ​മാ​യ നേ​ട്ടം കൈ​വ​രി​ക്കാ​ൻ സ​ഹാ​യി​ച്ച എ​ല്ലാ​വ​ർ​ക്കും ന​ന്ദി അ​റി​യു​ക്കു​ന്ന​താ​യി ബി​ന്നി ജേ​ക്ക​ബ് പ​റ​ഞ്ഞു.

ഒ​മാ​ന്‍റെ മ​നോ​ഹ​ര​മാ​യ പ്ര​ദേ​ശ​ങ്ങ​ളി​ലൂ​ടെ ക​ട​ന്നു​പോ​കു​ന്ന ത​ര​ത്തി​ലാ​യി​രു​ന്നു മ​ത്സ​രം സം​ഘ​ടി​പ്പി​ച്ചി​രു​ന്ന​ത്. ജ​ബ​ൽ അ​ഖ്​​ദ​ർ, നി​സ്​​വ, ഇ​സ്​​ക്കി, ബി​ർ​ക​ത്ത് അ​ൽ മൗ​സി​ൽ തു​ട​ങ്ങി​യ സ്ഥ​ല​ങ്ങ​ളി​ലാ​ണ്​ മ​ത്സ​ര​ങ്ങ​ൾ അ​ര​ങ്ങേ​റി​യ​ത്. ഈ ​വ​ർ​ഷ​ത്തെ ഹ്ര​സ്വ ക​മ‍്യ‍ൂ​ണി​റ്റി റേ​സു​ക​ളി​ൽ ര​ണ്ടാ​യി​ര​ത്തോ​ളം പേ​രാ​ണ്​ മാ​റ്റു​ര​ച്ച​ത്​