മസ്കത്തിലെ അൽ ഖുവൈർ പാലം ഡിസം. 31വരെ രാത്രി അടച്ചിടും

മസ്കത്ത്​: അറ്റകുറ്റപ്പണികളും മറ്റ്​ നവീകരണ പ്രവൃത്തികളും നടക്കുന്നതിനാൽ ഡിസംബർ 31 വരെ രാത്രി അൽ ഖുവൈർ പാലം അടച്ചിടുമെന്ന്​ മസ്കത്ത്​ മുനിസിപ്പാലിറ്റി അറിയിച്ചു. സുൽത്താൻ ഖാബൂസ്​ സ്​ട്രീറ്റിൽ നിന്ന്​ സീബിലേക്കുള്ള ദിശയിൽ രാത്രി പത്ത്​ മുതൽ രാവിലെ ആറ്​ വരെയാണ്​ പാലം അടച്ചിടുക​.

റോയൽ ഒമാൻ ട്രാഫിക്​ പൊലീസുമായി ചേർന്ന്​ ആവശ്യമായ ഗതാഗത പരിഷ്കാരങ്ങൾ ഏർപ്പെടുത്തിയിട്ടു​ണ്ടെന്ന്​ മുനിസിപ്പൽ അധികൃതർ അറിയിച്ചു. നിയ​ന്ത്രണം വ്യാഴാഴ്ച രാത്രി നിലവിൽ വന്നു.