ലോക​െത്ത മുൻനിര വിമാനത്താവള പട്ടികയിൽ മസ്​കത്തും സലാലയും

മസ്​കത്ത്​: ലോകത്തിലെ മികച്ച വിമാനത്താവളങ്ങൾ ഉൾപ്പെടുത്തിയുള്ള എയർപോർട്ട്​ കൗൺസിൽ ഇൻറർനാഷനലി​​െൻറ കഴിഞ് ഞവർഷത്തെ റാങ്കിങ്ങിൽ മുൻനിരയിൽ ഇടം നേടി മസ്​കത്ത്​, സലാല അന്താരാഷ്​ട്ര വിമാനത്താവളങ്ങൾ. 15^25 ദശലക്ഷം യാത്രക്കാര ുടെ വിഭാഗത്തിൽ മസ്​കത്ത്​ വിമാനത്താവളത്തിന്​ ഏഴാം സ്​ഥാനമാണ്​ ഉള്ളത്​. രണ്ട് ദശലക്ഷത്തിൽ താഴെ ശേഷിയുള്ള യാത്രക്കാരുടെ വിഭാഗത്തിൽ സലാല വിമാനത്താവളത്തിന്​ റാങ്കിങ്ങിൽ നാലാം സ്​ഥാനമുണ്ട്​.

2015 മുതൽ മസ്കത്തിനെ ലോകത്തിലെ മുൻനിര വിമാനത്താവളമായി ഉയർത്താനുള്ള പ്രവർത്തനങ്ങൾക്ക്​ ഒമാൻ വിമാനത്താവള കമ്പനി തുടക്കം കുറിച്ചിരുന്നു. 2020ഒാടെ ലോകത്തിലെ 20 മുൻനിര വിമാനത്താവളങ്ങളുടെ നിരയിലേക്ക്​ മസ്​കത്തിനെ എത്തിക്കുകയായിരുന്നു ലക്ഷ്യം. ഇതി​​െൻറ ഭാഗമായി സേവനങ്ങളുടെ അളവുകോലായ എയർപോർട്ട്​ കൗൺസിലി​​െൻറ എ.എസ്​.ക്യു പദ്ധതി രണ്ട്​ വിമാനത്താവളങ്ങളിലുമായി നടപ്പാക്കി. വിമാനയാത്രക്കാരുടെ സേവനവുമായി ബന്ധപ്പെട്ട്​ ആഗോളതലത്തിൽ അംഗീകരിക്കപ്പെട്ട അളവുകോലാണ്​ എ.എസ്​.ക്യു. 34 മേഖലകളിൽ യാത്രക്കാർക്ക് ലഭിക്കുന്ന സംതൃപ്തി സംബന്ധിച്ച സർവേകളിലൂടെയാണ്​ റാങ്കിങ്​ നിശ്ചയിക്കുന്നത്​. യാത്രക്കാർക്ക് ടെർമിനലിലേക്ക് പോവാനുള്ള വഴികൾ, ചെക്ക്​ ഇൻ സൗകര്യങ്ങൾ, പാസ്പോർട്ട് നിയന്ത്രണം, സുരക്ഷ, വിമാനത്താവള സൗകര്യങ്ങൾ, പരിസ്ഥിതി തുടങ്ങിയവയാണ്​ ഇതിനായുള്ള പ്രധാന മാനദണ്ഡങ്ങൾ. വിമാനത്താവളത്തി​െൻറ ചുറ്റുപാട്, ശുചിത്വം, ഉപഭോക്താക്കളുടെ അനുഭവം തുടങ്ങിയ വിഭാഗങ്ങളിലെ അനുഭവങ്ങളാണ്​ റാങ്കിങ്ങിൽ അടിസ്​ഥാനമാക്കുന്നത്​.

2016 മുതൽ മസ്കത്ത് മെച്ചപ്പെടുത്താൻ തുടങ്ങിയിരുന്നു. ആ വർഷം 71ാം റാങ്കാണ്​ ലഭിച്ചത്​. 2018ൽ പുതിയ ടെർമിനലിലേക്ക് മാറിയപ്പോൾ തന്നെ മസ്​കത്തിലെ സേവനങ്ങൾ മികച്ചതാവാൻ തുടങ്ങിയിരുന്നു. ഇതി​െൻറ തുടർച്ചയാണ് കഴിഞ്ഞ വർഷം ഏഴാം സ്ഥാനം നേടാൻ കഴിഞ്ഞത്.സലാലയിലെ പുതിയ വിമാനത്താവളം നിർമിച്ചത് 2015ലായിരുന്നു. വർഷത്തിൽ രണ്ട് ദശലക്ഷം യാത്രക്കാരുടെ വിഭാഗത്തിൽ എയർപോർട്ട് സർവിസ് ക്വാളിറ്റി റാങ്കിങ്ങിൽ നേരത്തേ ഒമ്പതാം സ്ഥാനം േനടിയിരുന്നു. പിന്നീട് വർഷം തോറും വിമാനത്താവളത്തി​െൻറ ഗുണനിലവാരം മെച്ചപ്പെടുത്തുകയും ഒടുവിൽ നാലാം സ്ഥാനത്തെത്തുകയുമായിരുന്നു. ഇൗ മഹത്തായ നേട്ടം പരിശ്രമംകൊണ്ട് നേടിയതാണെന്ന് ഒമാൻ വിമാനത്താവള അധികൃതർ പറഞ്ഞു. എല്ലാ ഒാഹരി ഉടമകളും ഇൗ മഹത്തായ ലക്ഷ്യം നേടുന്നതിലും പദ്ധതികൾ നടപ്പാക്കുന്നതിലും പങ്കാളിത്തം വഹിച്ചിട്ടുണ്ട്​. വ്യോമയാന മേഖല വെല്ലുവിളികൾ നേരിടുേമ്പാഴും മസ്കത്ത്, സലാല വിമാനത്താവളങ്ങൾക്കുണ്ടായ നേട്ടം ഭാവിയിൽ ഇൗ മേഖലയിലെ നിക്ഷേപം േപ്രാത്സാഹിപ്പിക്കാൻ സഹായകമാവും. മസ്കത്ത്, സലാല അന്താരാഷ്​ട്ര വിമാനത്താവളങ്ങൾ അടക്കം രാജ്യത്ത് ഏഴ് വിമാനത്താവളങ്ങളാണുള്ളത്.