താമസ, വിസ നിയമലംഘനം: 10 വിദേശികൾ പിടിയിൽ

മസ്കത്ത്: താമസ, വിസ നിയമങ്ങൾ ലംഘിച്ചതിനും അനധികൃത വസ്തുക്കൾ കടത്തിയതിനും 10 വിദേശികളെ റോയൽ ഒമാൻ പൊലീസ് അറസ്റ്റ് ചെയ്തു. ദാഖിലിയ ഗവർണറേറ്റ് പൊലീസ് കമാൻഡന്‍റാണ് പ്രതികളെ പിടികൂടിയത്. വലിയ അളവിലുള്ള വിവധ തരത്തിലുള്ള പുകയില ഉൽപന്നങ്ങൾ, സിഗരറ്റുകൾ, മദ്യം എന്നിവ ഇവരിൽനിന്ന് പിടിച്ചെടുത്തു.

പ്രതികൾക്കെതിരെ നിയമനടപടി പൂർത്തിയായിവരുകയാണെന്ന് റോയൽ ഒമാൻ പൊലീസ് പ്രസ്താവനയിൽ അറിയിച്ചു.