Begin typing your search above and press return to search.
exit_to_app
exit_to_app
Posted On
date_range 9 July 2018 10:50 AM GMT Updated On
date_range 9 July 2018 10:50 AM GMTഒമാനില് വാഹനാപകടം; പാലക്കാട് സ്വദേശി മരിച്ചു
text_fieldsbookmark_border
മസ്കത്ത്: പാലക്കാട് സ്വദേശി ഒമാനിൽ വാഹനാപകടത്തിൽ മരിച്ചു. ചാലിശ്ശേരി പെരുമണ്ണൂര് വരത്തോട്ടില് വാസുവിെൻറ മകൻ രാംദാസ് (34) ആണ് മരിച്ചത്. റോഡരികിലൂടെ നടന്നുപോകവെ മറ്റൊരു വാഹനത്തിലിടിച്ച് നിയന്ത്രണംവിട്ട പിക്കപ്പ് വാൻ ഇടിച്ചുകയറിയാണ് അപകടം. സുഹാർ ഓഹി സനാഇയ്യയിൽ ശനിയാഴ്ച രാത്രിയായിരുന്നു അപകടം. പിക്കപ്പുമായി കൂട്ടിയിടിച്ച വാഹനത്തിലുണ്ടായിരുന്ന തൃശൂർ സ്വദേശി ഹരി പരിക്കേറ്റ് ചികിത്സയിലാണ്. സുഡാൻ സ്വദേശിയാണ് പിക്കപ്പ്വാൻ ഒാടിച്ചിരുന്നത്. ജോലികഴിഞ്ഞ് സഹോദരെൻറ കുടുംബം താമസിക്കുന്ന വീട്ടിലേക്ക് പോവുകയായിരുന്നു രാംദാസ്. സഹോദരൻ അടിയന്തരമായി നാട്ടിൽ പോയതിനാൽ കുടുംബം താമസിക്കുന്ന വീട്ടിലേക്ക് രാംദാസ് ദിവസവും ജോലികഴിഞ്ഞ് പോകാറുണ്ടായിരുന്നു. 12 വർഷമായി ഒമാനിലുള്ള രാംദാസ് അഞ്ചുവർഷമായി അലൂമിനിയം ഫാബ്രിക്കേഷൻ സ്ഥാപനത്തിലാണ് ജോലി ചെയ്യുന്നത്. സഹോദരൻ മരണവിവരം അറിഞ്ഞ് സുഹാറിൽ തിരിച്ചെത്തിയിട്ടുണ്ട്. അവിവാഹിതനാണ്. മാതാവ്: അംബുജാക്ഷി. സുഹാർ ആശുപത്രി മോർച്ചറിയിലുള്ള മൃതദേഹം നാട്ടിൽ കൊണ്ടുപോകുന്നതിനുള്ള നടപടികൾ നടന്നുവരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story