ഗ്യാ​സ്​ ചോ​ർ​ച്ച​, പൊ​ട്ടി​ത്തെ​റി; സൊ​ഹാ​റി​ൽ ക​ഫ്​​റ്റീ​രി​യ ത​ക​ർ​ന്നു

സൊ​ഹാ​ർ​: ഗ്യാ​സ്​ ചോ​ർ​ച്ച​യെ തു​ട​ർ​ന്നു​ണ്ടാ​യ പൊ​ട്ടി​ത്തെ​റി​യി​ൽ സൊ​ഹാ​റി​ൽ ക​ഫ്​​റ്റീ​രി​യ പൂ​ർ​ണ​മാ​യും ത​ക​ർ​ന്നു. സം​ഭ​വ​ത്തി​ൽ തൊ​ഴി​ലാ​ളി​യാ​യ ബം​ഗ്ലാ​ദേ​ശ്​ സ്വ​ദേ​ശി​ക്ക്​ ഗു​രു​ത​ര പൊ​ള്ള​ലേ​റ്റു. ഇ​യാ​ളെ സൊ​ഹാ​ർ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ലേ​ബ​ർ ഒാ​ഫി​സി​ന്​ സ​മീ​പം സ്വ​ദേ​ശി​യു​ടെ ഉ​ട​മ​സ്​​ഥ​ത​യി​ലു​ള്ള ക​ഫ്​​റ്റീ​രി​യ​യി​ൽ ചൊ​വ്വാ​ഴ്​​ച രാ​വി​ലെ ഏ​ഴ​ര​യോ​ടെ​യാ​യി​രു​ന്നു സം​ഭ​വം. സം​ഭ​വ​സ​മ​യം ക​ട​യി​ൽ ഉ​പ​ഭോ​ക്​​താ​ക്ക​ൾ ആ​രു​മി​ല്ലാ​തി​രു​ന്ന​തി​നാ​ൽ വ​ൻ​ദു​ര​ന്തം ഒ​ഴി​വാ​യി. തി​ങ്ക​ളാ​ഴ്​​ച രാ​ത്രി ക​ട അ​ട​ക്കു​േ​മ്പാ​ൾ സി​ലി​ണ്ട​ർ ഒാ​ഫ്​ ചെ​യ്യാ​ൻ മ​റ​ന്ന​താ​ണ്​ അ​പ​ക​ട​കാ​ര​ണ​മെ​ന്ന്​ ക​രു​തു​ന്നു.

രാ​വി​ലെ ക​ട തു​റ​ന്ന ശേ​ഷം സി​ലി​ണ്ട​ർ ക​ത്തി​ക്ക​വേ വ​ൻ ശ​ബ്​​ദ​ത്തോ​ടെ പൊ​ട്ടി​ത്തെ​റി​ക്കു​ക​യാ​യി​രു​ന്നു. പൊ​ട്ടി​ത്തെ​റി​യു​ടെ ആ​ഘാ​ത​ത്തി​ൽ ബം​ഗാ​ളി ക​ട​യു​ടെ പു​റ​ത്തേ​ക്ക്​ തെ​റി​ച്ചു​വീ​ണു.  പൊ​ലീ​സും സി​വി​ൽ​ഡി​ഫ​ൻ​സും സ്​​ഥ​ല​ത്തെ​ത്തി​യാ​ണ്​ തീ​യ​ണ​ച്ച​ത്. സ​മീ​പ​ത്തെ വീ​ടു​ക​ളി​ലും സ്​​ഥാ​പ​ന​ങ്ങ​ളി​ലു​മെ​ല്ലാം പൊ​ട്ടി​ത്തെ​റി​യു​ടെ ആ​ഘാ​തം അ​നു​ഭ​വ​പ്പെ​ട്ടു. വ​ൻ ശ​ബ്​​ദ​ത്തെ തു​ട​ർ​ന്ന്​ ജ​നം ഏ​റെ നേ​രം പ​രി​ഭ്രാ​ന്തി​യി​ലാ​യി.