ന​ല്ല പാ​ട്ടു​ക​ളും സൃ​ഷ്ടി​ക​ളും സ​മൂഹമാ​ധ്യ​മ​ങ്ങ​ൾ ഏ​റ്റെ​ടു​ക്കു​ന്ന കാ​ലം- ദാ​ന റാ​സി​ഖ്

മ​സ്ക​ത്ത്: സം​ഗീ​ത മേ​ഖ​ല​യി​ൽ ക​ഴി​വ് പ്ര​ക​ടി​പ്പി​ക്കു​ന്ന​വ​രെ പ്രേ​ക്ഷ​ക​ർ ഇ​രു​കൈയും നി​ട്ടി സ്വീ​ക​രി​ക്കു​ന്ന പ്ര​വ​ണ​ത​യാ​ണ് ഇ​പ്പോ​ഴു​ള്ള​തെ​ന്നും അ​തി​നാ​ൽ ക​ഴി​വു​ള്ള ക​ല​കാ​ര​ന്മാ​ർ​ക്ക് സമൂഹ​ മാ​ധ്യ​മ​ങ്ങ​ളി​ലൂ​ടെ ന​ല്ല അ​വ​സ​ര​ങ്ങ​ൾ ല​ഭി​ക്കു​ന്ന​താ​യും പാ​ട്ടു​കാ​രി ദാ​നാ റാ​സി​ഖ്.

‘മീ ​ഫ്ര​ണ്ട്’ സം​ഘ​ടി​പ്പി​ച്ച ദംദം ബി​രി​യാ​ണി ഫെ​സ്റ്റി​ൽ പ​​ങ്കെ​ടു​ക്കാ​ൻ എ​ത്തി​യ അ​വ​ർ,ഗ​ൾ​ഫ് മാ​ധ്യ​മ​,വു​മാ​യി സം​സാ​രി​ക്കു​ക​യാ​യി​രു​ന്നു.​ക​ഴി​വ് തെ​ളി​യി​ക്കാ​ൻ ക​ഠി​നാ​ധ്വാ​ന​വും അ​വ​ത​ര​ണ പു​തു​മ​യും ആ​വ​ശ്യ​മാ​ണ്. ഒ​രു​കാ​ല​ത്ത് പാ​ട്ട് മേ​ഖ​ല​യി​ൽ ശ്ര​ദ്ധി​ക്ക​​പ്പെ​ട​ണ​മെ​ങ്കി​ൽ സി​നി​മ​യി​ൽ പാ​ട​ണ​മാ​യി​രു​ന്നു. സി​നി​മ​യി​ൽ പാ​ടി തി​ള​ങ്ങു​ന്ന​വ​ർ​ക്കാ​ണ് അ​വ​സ​ര​ങ്ങ​ൾ ഉ​ണ്ടാ​യി​രു​ന്ന​ത്. എ​ന്നാ​ൽ, ഇ​പ്പോ​ൾ ന​ല്ല സൃ​ഷ്ടി​ക​ൾ പു​തു​മ​യോ​ടെ​യും വൈ​വി​ധ്യ​ത്തോ​ടെ ഭം​ഗി​യാ​യി അ​വ​ത​രി​പ്പി​ച്ചാ​ലും ശ്ര​ദ്ധി​ക്ക​പ്പെ​ടും. ന​ല്ല പാ​ട്ടു​ക​ളും സൃ​ഷ്ടി​ക​ളും സ​മൂഹ​മാ​ധ്യ​മ​ങ്ങ​ൾ ഏ​റ്റെ​ടു​ക്കു​ന്ന കാ​ല​മാ​ണി​ത്. എ​ന്നാ​ൽ സി​നി​മ​യി​ൽ പാ​ടു​ന്ന​ത് ഇ​പ്പോ​ഴും പാ​ട്ടു​കാ​ര​ന് മൈ​ലേ​ജു​ണ്ടാ​ക്കു​മെ​ന്ന​ത് സ​ത്യ​മാ​ണ്. ഹ​ലാ​ൽ ലവ് ​സ്റ്റോ​റി​യി​ൽ പാ​ടി​യ ‘സു​ന്ദ​ര​നാ​യ​വ​നെ’ എ​ന്ന പാ​ട്ടി​ന്റെ ടൈ​റ്റി​ൽ സോ​ങി​ന് ആ​ദ്യം 100 ആ​സ്വാ​ദ​ക​ർ മാ​ത്ര​മാ​ണ് ഉ​ണ്ടാ​യി​രു​ന്ന​ത്. സി​നി​മ​യി​ൽ എ​ത്തി​യ​തോ​ടെ അ​തി​ന് ഒ​രു കോ​ടി​യി​യി​ലേ​റെ ആ​സ്വ​ദ​ക​രെ ല​ഭി​ച്ച​താ​യും ദാ​ന പ​റ​ഞ്ഞു.

സി​നി​മ​ക്കാ​യി കാ​ത്തി​രു​ന്നാ​ൽ നി​രാ​ശ​​പ്പെ​​ടേ​ണ്ടി​വ​രും

എ​ന്നാ​ൽ സി​നി​മ​യി​ൽ അ​വ​സ​ര​ങ്ങ​ൾ ല​ഭി​ക്കാ​ൻ മാ​ത്രം കാ​ത്തി​രു​ന്ന് മ​റ്റൊ​ന്നും ചെ​യ്യാ​തി​രി​ക്കു​ന്ന​വ​ർ നി​രാ​ശ​പ്പെ​ടേ​ണ്ടി വ​രു​മെ​ന്നും അ​വ​ർ ഓ​ർ​മി​പ്പി​ച്ചു. സ്വ​ത​ന്ത്ര​മാ​യ മ്യൂ​സി​ക് മ​ല​യാ​ള​ത്തി​ൽ ഹി​റ്റാ​വു​ന്ന പ്ര​വ​ണ​ത​യാ​ണ് ഇ​പ്പോ​ഴു​ള്ള​ത്. ഇ​ങ്ങ​നെ ന​ല്ല സൃ​ഷ്ടി​ക​ൾ ഇ​റ​ക്കു​ന്ന​വ​ർ ശ്ര​ദ്ധി​ക്ക​പ്പെ​ടു​ന്നു​മു​ണ്ട്. ഇ​ങ്ങ​നെ ക​ഴി​വ് തെ​ളി​യി​ച്ച​വ​ർ​ക്ക് സി​നി​മ​യി​ലും മ​റ്റും അ​വ​സ​ര​ങ്ങ​ളും ല​ഭി​ക്കു​ന്നു​ണ്ട്. ത​ങ്ങ​ൾ സ്വ​ത​ന്ത്ര​മാ​യി ഒ​രു ക​വാ​ലി അ​ട​ക്കം മൂ​ന്ന് പാ​ട്ടു​ക​ൾ പു​റ​ത്തി​റ​ക്കി​യ​താ​യും മൂ​ന്ന് മാ​സം മു​മ്പി​റ​ക്കി​യ ക​വാ​ലി​ക്ക് ഒ​രു ദ​ശ​ല​ക്ഷം ആ​സ്വാ​ദ​ക​രെ കി​ട്ടി​യ​താ​യും ദാ​ന പ​റ​ഞ്ഞു.

സാ​മൂ​ഹി​ക പ്ര​തി​ബ​ദ്ധ​ത ഉ​ള്ള​വ​രാ​വ​ണം

ക​ലാ​കാ​ര​ൻ​മാ​ർ സാ​മൂ​ഹി​ക പ്ര​തി​ബ​ദ്ധ​ത ഉ​ള്ള​വ​രാ​വ​ണം. അ​വ​രും സ​മൂ​ഹ​ത്തി​ന്റെ ഭാ​ഗ​മാ​ണ്. അ​വ​രു​ടെ നി​ല​പാ​ടു​ക​ൾ​ക്ക് സ​മൂ​ഹ​ത്തെ സ്വാ​ധീ​നി​ക്കാ​ൻ ക​ഴി​യും. സാ​മൂ​ഹി​ക, സ​മ​കാ​ലി​ക പ്ര​ശ്ന​ങ്ങ​ളി​ൽ ത​ങ്ങ​ളു​ടെ നി​ല​പാ​ടു​ക​ൾ വ്യ​ക്ത​മാ​ക്ക​ണം . സാ​മൂ​ഹി​ക വി​ഷ​യ​ങ്ങ​ളി​ൽ നി​സ്സം​ഗ​ത പാ​ലി​ക്കു​ന്ന​ത് ഒ​ളി​ച്ചോ​ട്ട​മാ​ണ്. സാ​മൂ​ഹി​ക പ്ര​ശ്ന​ങ്ങ​ളി​ൽ പ്ര​തി​ക​രി​ച്ചാ​ൽ അ​വ​സ​ര​ങ്ങ​ൾ ന​ഷ്ട​പ്പെ​ടു​മെ​ന്ന് ക​രു​ത​രു​ത്. സ്വ​ന്ത​മാ​യ അ​ഭി​പ്രാ​യ​ങ്ങ​ൾ പ്ര​ക​ടി​പ്പി​ച്ചാ​ൽ ത​ങ്ങ​ൾ അ​ക​റ്റ​പ്പെ​ടു​മെ​ന്ന് പേ​ടി​ച്ചാ​ണ് പ​ല​രും സാ​മൂ​ഹി​ക വി​ഷ​യ​ങ്ങ​ളി​ൽ ഇ​ട​പെ​ടാ​ത്ത​ത്. അ​ഭി​പ്രാ​യ​വും ഐ​ഡി​യോ​ള​ജി​യും നോ​ക്കി ക​ലാ​ക​ര​ന് വി​ല​യി​ടാ​ൻ പാ​ടി​ല്ല. ക​ലാ​കാ​ര​ന്റെ ക​ഴി​വും ക​ലാ​മേ​ൻ​മ​യും പ​രി​ഗ​ണി​ച്ചാ​ണ് അം​ഗീ​കാ​രം ന​ൽ​കേ​ണ്ട​ത്. ഒ​രു ന​ല്ല സി​നി​മ ഇ​റ​ങ്ങി​യാ​ൽ അ​ത് ചെ​യ്ത​വ​ന്റെ ഐ​ഡി​യോ​ള​ജി നോ​ക്കി സ്വീ​ക​രി​ക്കു​ന്ന അ​വ​സ്ഥ മാ​റ​ണം. ക​ലാ​കാ​ര​ന്മാ​ർ​ക്ക് ഐ​ഡി​യോ​ള​ജി​യി​ൽ വി​ശ്വ​സി​ക്കാ​നും അ​ഭി​പ്രാ​യം പ​റ​യാ​നും അ​വ​കാ​ശ​മു​ണ്ട്. ഇ​തി​ന്റെ പേ​രി​ൽ ക​ലാ​കാ​ര​മാ​രെ മാ​റ്റി നി​ർ​ത്തു​ന്ന സാ​മു​ഹി​ക രീ​തി​യാ​ണ് മാ​റേ​ണ്ട​തെ​ന്നും ദാ​ന പ​റ​ഞ്ഞു.

എ​ന്നാ​ൽ ഈ ​രീ​തി​ക്ക് മാ​റ്റം വ​ന്ന് തു​ട​ങ്ങി​യെ​ന്ന​ത് സ​ന്തോ​ഷ​ക​ര​മാ​ണ്. ഗ​സ്സ വി​ഷ​യ​ത്തി​ൽ നി​ര​വ​ധി പ്ര​മു​ഖ ക​ലാ​കാ​ര​ന്മാ​ർ ത​ങ്ങ​ളു​ടെ അ​ഭി​പ്രാ​യ​ങ്ങ​ൾ പ്ര​ക​ടി​പ്പി​ച്ചി​രു​ന്നു. ഇ​ത് സാ​മൂ​ഹി​ക മാ​റ്റ​ത്തി​ന്റെ ല​ക്ഷ​ണ​മാ​ണ്. ഇ​നി​യും മാ​റ്റ​ങ്ങ​ൾ ആ​വ​ശ്യ​മാ​ണ്. ഗ​സ്സ വി​ഷ​യ​ത്തി​ൽ താ​നും സ​ഹോ​ദ​രി​യും കു​ടി ഇ​റ​ക്കി​യ ‘ഇ​ഖ്ബാ​ദ​ൽ സെ ... ​എ​ന്ന് തു​ട​ങ്ങു​ന്ന പാ​ട്ടി​ന് വ​ൻ സ്വീ​കാ​ര്യ​ത ല​ഭി​ച്ച​ത് ഏ​റെ സ​ന്തോ​ഷം പ​ക​രു​ന്ന​താ​​െണ​ന്നും അ​വ​ർ പ​റ​ഞ്ഞു.