സോഹാറിൽ സ്റ്റീൽ നിർമാണ യൂനിറ്റ് വരുന്നു

മസ്കത്ത്: ഫ്രീസോണിൽ നിർമാണ യൂനിറ്റ് സ്ഥാപിക്കാനായി സോഹാർ പോർട്ട് ആൻഡ് ഫ്രീസോൺ, സോഹാർ സ്റ്റീൽ റോളിങ്ങുമായി കരാർ ഒപ്പിട്ടു.

ഏകദേശം 40,000 ചതുരശ്ര മീറ്റർ സ്ഥലം പാട്ടത്തിന് നൽകുന്നതിനാണ് ധാരണയിലെത്തിയിരിക്കുന്നത്.

മൊത്തം ഏഴു ദശലക്ഷം റിയാൽ നിക്ഷേപം കണക്കാക്കിയ പദ്ധതിയിൽ സ്റ്റീൽ ഉരുക്കാനുള്ള സൗകര്യങ്ങളുടെ നിർമാണവും ഉൾപ്പെടും.

അടുത്തവർഷം മൂന്നാംപാദത്തിൽ യാഥാർഥ്യമാകുമെന്ന് കരുതുന്ന പദ്ധതി ബിസിനസ് മേഖലയിൽ ഒരുപാട് അവസരങ്ങൾ സൃഷ്ടിക്കുമെന്നാണ് കരുതുന്നത്.