ഡെൽറ്റ ഫാർമസിയുടെ പുതിയ ശാഖ നോർത്ത് അൽ ഹെയിലിൽ ​പ്രവർത്തനം തുടങ്ങി

മസ്കത്ത്​: രാജ്യത്തെ പ്രമുഖ ​ഫാർമസി ശൃംഖലയായ ​ഡെൽറ്റ ഫാർമസിയു​ടെ പത്താമത്തെ റീട്ടെയിൽ ശാഖ നോർത്ത് അൽ ഹെയിലിലെ നെസ്റ്റോ ഹൈപ്പർ മാർക്കറ്റിന്​ സമീപം പ്രവർത്തനം തുടങ്ങി. ബോർഡ് ഡയറക്ടർ ഗാലിബ് മുഹമ്മദ് അൽ മാവാലി ഉദ്​ഘാടനം ചെയ്തു. ചടങ്ങിൽ ബോർഡ് ഡയറക്ടർമാരായ എൻ.കെ. ജംഷീദ്, എം.കെ. മുഹമ്മദ് മുൻസീർ എന്നിവർ സംബന്ധിച്ചു.

മികച്ച പരിചരണത്തിലും സേവനത്തിലും ഊന്നിയാണ്​ ഡെൽറ്റ ഫാർമസി പ്രവർത്തിക്കുന്നതെന്നും ഇതിനായി ഞങ്ങളുടെ ഫാർമസിസ്റ്റുകൾക്ക് പരിശീലനം നൽകിയിട്ടുണ്ടെന്ന്​ ഗാലിബ് മുഹമ്മദ് അൽ മാവാലി പറഞ്ഞു. ഭാവിയിൽ ഡെൽറ്റ ഫാർമസി ഒമാനിലെ വിവിധ ഭാഗങ്ങളിലേക്ക് ഗുണനിലവാരമുള്ള സേവനം വ്യാപിപ്പിക്കുമെന്നും ​അദ്ദേഹം അറിയിച്ചു.

ഒമാന്‍റെ 52ാമത് ദേശീയ ദിനത്തിൽ പത്താമത്​ റീട്ടെയിൽ ബ്രാഞ്ച് തുറക്കാൻ കഴിഞ്ഞതിൽ അതിയായ സന്തോഷമു​ണ്ടന്ന്​ മാനേജ്​മെന്‍റ്​ ഭാരവാഹികൾ പറഞ്ഞു. ഒമാൻ ഭരണാധികാരി സുൽത്താൻ ഹൈതം ബിൻ താരിഖ്​ അൽ സഈദ്​, ആരോഗ്യ മന്ത്രാലയ ഉദ്യോഗസ്ഥർ, ഡെൽറ്റ ഫാർമസി ടീം, ഒമാനിലെ ഫാർമ കമ്മ്യൂണിറ്റി, ജനങ്ങൾ എന്നിവരോട് നന്ദി അറിയിക്കുകയാണെന്നും അവർ പറഞ്ഞു.

നിലവിൽ വാദി കബീർ, മബേല, അൽ ഖൂദ്, ബർക, അൽ ഹെയിൽ എന്നിവിടങ്ങളിലെ നെസ്​​റ്റോ ഹൈപ്പർ മാർക്കറ്റുകളിലും സഫ മാൾ മബേല, സവാദി, സലാല തുടങ്ങിയ സ്ഥലങ്ങിലുമാണ്​ ഡെൽറ്റ ഫാർമസിക്ക്​ ശാഖകളുള്ളത്​.

അടിയന്തര പരിചരണ മരുന്നുകൾ, ആരോഗ്യ സംരക്ഷണ ഉൽപ്പന്നങ്ങൾ, സൗന്ദര്യ വർധക വസ്തുക്കൾ, മെഡിക്കൽ ഉപകരണങ്ങൾ തുടങ്ങിയവയയുടെ ​ഒമാനിലെ വിതരണക്കാരാണ് ഡെൽറ്റ ഫാർമസി. റീട്ടെയിൽ ഫാർമസി ശൃംഖലയിലും മൊത്ത വിൽപ്പന വിതരണത്തിലും സജീവമാണന്നും മാനേജ്​മെന്‍റ്​ ഭാരവാഹികൾ പറഞ്ഞു.