തിരുവനന്തപുരം സ്വദേശി ഒമാനിൽ നിര്യാതനായി | A native of Thiruvananthapuram passed away in Oman

സുഹാർ: തിരുവനന്തപുരം സ്വദേശി ഒമാനിലെ സഹമിനടുത്ത് ഹിജാരിയിലെ റദ്ദയിൽ നിര്യാതനായി. കുന്നനാട് ഒറ്റശേഖരമംഗലം പൂഴനാട് സ്വദേശി മരുതറ തലക്കൽ അഖിൽ ഭവനിൽ ജോൺ (47) ആണ് മരിച്ചത്. കെട്ടിട നിർമാണ തൊഴിലാളി ആയിരുന്നു. ഒമാനിലെത്തിയിട്ട് 14 മാസമായി.

സഹം ഹോസ്പിറ്റലിൽ സൂക്ഷിച്ച മൃതദേഹം നടപടിക്രമങ്ങൾക്ക് ശേഷം നാട്ടിലേക്ക് കൊണ്ടുപോകുമെന്ന് സാമൂഹിക പ്രവർത്തകർ പറഞ്ഞു.