കോഴിക്കോട്​ സ്വദേശി സൂറിൽ താമസ​ സ്ഥലത്ത്​ മരിച്ച നിലയിൽ

സൂർ: കോഴിക്കോട്​ സ്വദേശിയെ ഒമാനിലെ താമസ​ സ്ഥലത്ത്​ മരിച്ച നിലയിൽ കണ്ടെത്തി. നല്ലളം കീഴുവനപ്പാടം വീട്ടിൽ നവാസാണ് (47)​ മരിച്ചത്. സൂർ സൂഖിലെ മുസ്ഫയ്യ ജുമാ മസ്ജിദിന് പിൻവശമുള്ള റൂമിൽ മരിച്ച നിലയിൽ ക​ണ്ടെത്തുകയായിരുന്നു​. സൂഖ്​ പഴയ മീൻമാർക്കറ്റിന്​ പിറകിലുള്ള കർട്ടൻ കടയിൽ ജോലി ചെയ്തുവരികയായിരുന്നു.

മകളുടെ വിവാഹം മാർച്ചിൽ നിശ്​ചയിച്ചിരുന്നു. ഇതിനായി ഫെബ്രുവരിയിൽ നാട്ടിൽ പോകാനിരിക്കുകയായിരുന്നു. പിതാവ്​: എറക്കുത്ത് അബൂബക്കർ. മാതാവ്​: ബീവി. ഭാര്യ: സൈറ ബാനു. മക്കൾ: ശബാന ജാസ്മിൻ, ഷഹാന ജാസ്മിൻ.

സഹോദരങ്ങൾ: സലിം (നല്ലളം), മുനീർ ബാബു, നൗഷിദ. മൃതദേഹം നടപടികൾ പൂർത്തിയാക്കി നാട്ടിലേക്ക്​ കൊണ്ടുപോകുമെന്ന്​ സാമൂഹിക പ്രവർത്തകനായ ശിഹാബ് വാളക്കുളം അറിയിച്ചു.