കോഴിക്കോട് സ്വദേശി മസ്​കത്തിൽ കോവിഡ് ബാധിച്ച്​ മരിച്ചു

മസ്​കത്ത്​: കോഴിക്കോട് കുറ്റിച്ചിറ സ്വദേശി മുഹമ്മദ് ഷാഫിയുടെയും പി.ടി. ഹാജറയുടെയും മകൻ കുറ്റിച്ചിറ പുതിയ തോപ്പിലകം ഷുഹൈൽ (44) മസ്​കത്തിൽ കോവിഡ് ബാധിച്ച്​ മരിച്ചു. റുസ്​താഖിലെ സ്വകര്യ സ്ഥപാനത്തിൽ ജോലി ചെയ്​തുവരികയായിരുന്നു.

അസുഖത്തെ തുടർന്ന്​ രണ്ടാഴ്​ച മുമ്പാണ് ആശുപത്രിയിൽ പ്രവേശിപ്പിച്ചത്. 15 വർഷമായി ഇദ്ദേഹം ഒമാനിലുണ്ട്. കുടുംബവും ഇവിടെയുണ്ട്​. ഭാര്യ: ചെറിയകം വാസിഹ. മക്കൾ: ഷാസ്, ഷസ, സെൻഷ. മയ്യിത്ത്​ ഒമാനിൽ ഖബറടക്കും.