Begin typing your search above and press return to search.
exit_to_app
exit_to_app
Homechevron_rightGulfchevron_rightOmanchevron_right'തബ്സീലി'ന്​...

'തബ്സീലി'ന്​ ആഹ്ലാദകരമായ പരിസമാപ്തി

text_fields
bookmark_border
തബ്സീലിന്​ ആഹ്ലാദകരമായ പരിസമാപ്തി
cancel

മസ്​കത്ത്​: 'ത​ബ്​​സീ​ൽ' എ​ന്ന​റി​യ​പ്പെ​ടു​ന്ന ഇൗ​ത്ത​പ്പ​ഴ വി​ള​വെ​ടു​പ്പ് കാ​ലത്തിന്​ ഒമാനിലെ ഏതാണ്ടെല്ലാ ഗ്രാമങ്ങളിലും പര്യവസാനമായി.ജൂലൈ ആദ്യം മുതൽ അവസാനം വരെയാണ്​ ഈത്തപ്പഴ വിളവെടുപ്പി​െൻറയും അത്​ സംസ്​കരിക്കുന്നതി​െൻറയും സമയം. വിളവെടുത്ത ഈത്തപ്പഴങ്ങൾ സംസ്​കരിച്ച്​ വിപണിക്ക്​ അനുയോജ്യമായ വിധത്തിലാക്കി മാറ്റുകയാണ്​ ചെയ്യുക.

സമീപകാലത്തൊന്നും ഇല്ലാത്ത കനത്ത വേനൽ ചൂടായിരുന്നു ഈ വർഷം ഒമാനിൽ അനുഭവപ്പെട്ടത്‌. കടുത്ത ചൂടുമൂലം ഈത്തപ്പഴത്തിന്​ ഈ വർഷം റെക്കോഡ് വിളവാണ് ലഭിച്ചത്. അസമയത്ത് കാലം തെറ്റിവരുന്ന മഴ പലപ്പോഴും ഈത്തപ്പഴ കർഷകരെ കണ്ണീരുകുടിപ്പിക്കാറുണ്ട്. എന്നാൽ, ഈ വർഷം അങ്ങനെയും ഉണ്ടായില്ല.

ഇത്തവണ ജൂണിൽതന്നെ ഈത്തപ്പഴം പറിക്കാൻ പാകമായി. സാധാരണ വിളവെടുപ്പും അനുബന്ധജോലികളും ഉത്സവാന്തരീക്ഷത്തിലാണ്​ നടക്കുക. കുടുംബാംഗങ്ങൾ, സുഹൃത്തുക്കൾ, ബന്ധുക്കൾ ഇവരെല്ലാം ദിവസങ്ങളോളം ഇവർ ഒന്നിച്ചിരുന്നായിരിക്കും 'തബ്സീൽ' ആഘോഷിക്കുക.

ഇൗ സമയത്ത്​ പാട്ടും നൃത്തവും സുഭിക്ഷ ഭക്ഷണവും എല്ലാം കൂട്ടുണ്ടാകും. എന്നാൽ, കോവിഡ് സൃഷ്​ടിച്ച സാമൂഹികാന്തരീക്ഷത്തിൽ കഴിഞ്ഞ രണ്ടു വർഷമായി തികച്ചും വേറിട്ട അന്തരീക്ഷത്തിലാണ്​ 'തബ്സീൽ' നടന്നത്. വെളുപ്പിന്​ നാല് മണിക്ക് തന്നെ പഴങ്ങൾ പറിക്കാനുള്ള തയാറെടുപ്പുകൾ ആരംഭിക്കും. ഏഴു മണിയോടെ ആ ദിവസത്തെ പഴങ്ങൾ പറിച്ചുകഴിയും. തുടർന്ന്​ നല്ല പഴങ്ങൾ വൃത്തിയാക്കി കഴുകി പുഴുങ്ങിയെടുത്ത്​ ഉണക്കിയെടുക്കുകയാണ്​ ചെയ്യുക. ഉണക്കിയ ശേഷം ഇത്​ പാക്കറ്റുകളിലാക്കി വിൽപനക്കായി കൈമാറുകയാണ്​ ചെയ്യുക.

ഗുണനിലവാരം അനുസരിച്ച്​ ന്യായമായ വില കർഷകർക്ക്​ ലഭിക്കുന്നുവെന്ന്​ ഉറപ്പാക്കാൻ സർക്കാർതല സംവിധാനം ഉണ്ട്. ഓരോ കർഷക​െൻറയും ഭാവി പ്രതീക്ഷകളും കണക്കുകൂട്ടലുകളുമെല്ലാം ഈ വിളവെടുപ്പിനെ ആശ്രയിച്ചാണ്. തോട്ടത്തിൽ ജോലി ചെയ്യുന്ന ആളുകളും ഏറെ സന്തോഷത്തിലായിരിക്കും.

മലയാളികൾ അടക്കമുള്ളവരുണ്ടെങ്കിലും കൂടുതലും ബംഗ്ലാദേശികൾ ആണ് ഈ രംഗത്തുള്ളത്​. ഇവർക്ക് സാധാരണ ലഭിക്കുന്ന കൂലിയുടെ മൂന്നിരട്ടിയാണ് വിളവെടുപ്പ് സമയത്തുലഭിക്കുന്ന കൂലി. മാത്രമല്ല, പഴങ്ങൾ വിറ്റുകഴിഞ്ഞ്​ പണം കിട്ടുന്ന സമയത്ത്​ മുതലാളിയുടെ വക പ്രത്യേക സമ്മാനവും കിട്ടും. അങ്ങനെ ഏതൊരു കാർഷിക ഉത്സവവും പോലെ 'തബ്സീലും' എല്ലാവർക്കും ആഹ്ലാദം പകരുന്ന ഒന്നാകുന്നു.

Show Full Article
TAGS:
News Summary - A happy ending to ‘Tabsili’
Next Story