സ​സ്നേ​ഹം കോ​ഴി​ക്കോ​ടി’​ന് ഉ​ജ്ജ്വല സ​മാ​പ​നം

മ​സ്ക​ത്ത്: മ​സ്ക​ത്ത് കെ.​എം.​സി.​സി കോ​ഴി​ക്കോ​ട് ജി​ല്ലാ ക​മ്മി​റ്റി ‘സ​സ്നേ​ഹം കോ​ഴി​ക്കോ​ട്’ എ​ന്ന ശീ​ർ​ഷ​ക​ത്തി​ൽ സം​ഘ​ടി​പ്പി​ച്ച ഫു​ട്ബാ​ൾ ടൂ​ർ​ണ​മെ​ന്റി​നും ഫാ​മി​ലി ഫെ​സ്റ്റി​നും ഉ​ജ്ജ്വല സ​മാ​പ​നം. മ​ബേ​ല മ​സ്ക​ത്ത് മാ​ളി​ന് സ​മീ​പ​മു​ള്ള ഫു​ട്ബാ​ൾ ഗ്രൗ​ണ്ടി​ൽ 16 ടീ​മു​ക​ൾ ത​മ്മി​ൽ മാ​റ്റു​ര​ച്ച ഫു​ട്ബാ​ൾ ടൂ​ർ​ണ​മെ​ന്റ് അ​ല​സ​ലാ​മ പൊ​ളി ക്ലി​നി​ക് മാ​നേ​ജി​ങ് ഡ​യ​റ​ക്ട​ർ ഡോ​ക്ട​ർ സിദ്ദീ​ഖ് മ​ങ്ക​ട കി​ക്ഓ​ഫ്‌ ചെ​യ്ത് സ​മാ​രം​ഭം കു​റി​ച്ചു. വാ​ശി​യേറി​യ മ​ത്സ​ര​ത്തി​ൽ മ​സ്ക​ത്ത് ഹാമേ​ർസ് ജേ​താ​ക്ക​ളാ​യി.

ടോ​പ് ടെ​ൻ ബ​ർ​ക ര​ണ്ടാം സ്ഥാ​ന​വും ഫി​ഫ മ​ബേ​ല മൂ​ന്നാം സ്ഥാ​ന​വും നേ​ടി. ടൂ​ർ​ണ​മെ​ന്‍റി​ലെ മ​ിക​ച്ച ക​ളി​ക്കാ​ര​നാ​യി ടോ​പ്ടെ​ൻ ബ​ർ​ക​യു​ടെ ഹാ​ഫി​സ്, ടോ​പ് സ്കോ​റ​ർ നെ​സ്റ്റോ എ​ഫ്സി.​യു​ടെ സാ​ലി, ബെ​സ്റ്റ് ഗോ​ൾ കീ​പ്പ​ർ ആ​യി മ​സ്ക​ത്ത് ഹാ​മേ​ർ​സ് താ​രം അ​ജു, ബെ​സ്റ്റ് ഡി​ഫെ​ൻ​ഡ​ർ നൗ​ഷാ​ദ്, ബെ​സ്റ്റ് ടീം ​മാ​നേ​ജ​ർ ആ​യി ഫി​ഫ മെ​ബേ​ല​യു​ടെ ഇ​ബ്രാ​ഹിം ഒ​റ്റ​പ്പാ​ലം എ​ന്നി​വ​രെ തെ​ര​ഞ്ഞ​ടു​ത്തു. റി​യ​ല​ക്സ് എ​ഫ്സി​യാ​ണ് ഫെ​യ​ർ പ്ലേ ​അ​വാ​ർ​ഡ് ക​ര​സ്ഥമാ​ക്കി​യ​ത്.

മൊ​ഞ്ചു​ള്ള കോ​ഴി​ക്കോ​ട് എ​ന്ന ശീ​ർ​ഷ​ക​ത്തി​ൽ സം​ഘ​ടി​പ്പി​ച്ച മെ​ഹ​ന്ദി ഫെ​സ്റ്റി​ൽ നാ​ൽ​പ​തോ​ളം സ്ത്രീ​ക​ൾ പ​ങ്കെ​ടു​ത്തു. മി​ഠാ​യി​ത്തെരു​വും, കോ​ഴി​ക്കോ​ട് ബീ​ച്ചും, മൊ​യ്തീ​ൻ പ​ള്ളി​യും, പോ​റ്റെ​ക്കാ​ടി​ന്റെ ക​ഥ​യും മി​ഷ്കാ​ൽ പ​ള്ളി​യ​ട​ക്കം നി​ര​വ​ധി ആ​ശ​യ​ങ്ങ​ൾ മൈ​ലാ​ഞ്ചി കൈ​ക​ളി​ൽ വി​രി​ഞ്ഞു. ബ​ഷി​മ, ഫ​സീ​ല ഷൌ​ക്ക​ത്ത്, സ​ഫ മ​റി​യം തു​ട​ങ്ങി​യ​വ​ർ ഒ​ന്നും ര​ണ്ടും മൂ​ന്നും സ്ഥാ​ന​ങ്ങ​ൾ ക​ര​സ്ഥമാ​ക്കി. ഒ​മാ​നി​ലെ പ്ര​മുഖ മെ​ഹ​ന്ദി സ്പെ​ഷ്ലി​സ്റ്റു​ക​ളാ​യ ഷൗ​ബി നൗ​ഷാ​ദ്, ദ​ഹ്ഷാ എ​ന്നി​വ​രാ​യി​രു​ന്നു വി​ധി ക​ർ​ത്താ​ക​ൾ.

കൂ​ടാ​തെ സ്ത്രീ​ക​ൾ​ക്കും കു​ട്ടി​ക​ൾ​ക്കും പു​രു​ഷ​ന്മാ​ർ​ക്കു​മാ​യി കാ​യി​ക വി​നോ​ദ മ​ത്സ​ര​ങ്ങ​ളും സ​ഘ​ടി​പ്പി​ച്ചു. സ​സ്നേ​ഹം കോ​ഴി​ക്കോ​ട് പ​രി​പാ​ടി മ​സ്ക​ത്ത് കെ.​എം.​സി.​സി ജ​ന​റ​ൽ സെ​ക്ര​ട്ട​റി റ​ഹീം വ​റ്റ​ല്ലൂ​ർ ഉ​ദ്ഘാ​ട​നം ചെ​യ്തു. മ​സ്ക​ത്ത് കെ.​എം.​സി.​സി കോ​ഴി​ക്കോ​ട് ജി​ല്ല പ്ര​സി​ഡ​ന്റ് അ​ഷ്‌​റ​ഫ് നാ​ദാ​പു​രം അ​ധ്യ​ക്ഷ​ത വ​ഹി​ച്ചു. ജ​ന​റ​ൽ സെ​ക്ര​ട്ട​റി അ​ബൂ​ബ​ക്ക​ർ പ​റ​മ്പ​ത്ത് സ്വാ​ഗ​ത​വും ട്ര​ഷ​റ​ർ റ​സാ​ഖ് പേ​രാ​മ്പ്ര ന​ന്ദി​യും പ​റ​ഞ്ഞു.