ഒമാനിൽ 930 പേർക്ക്​ കൂടി കോവിഡ്​

മസ്​കത്ത്​: ഒമാനിൽ 930 പേർക്ക്​ കൂടി ശനിയാഴ്​ച കോവിഡ്​ സ്​ഥിരീകരിച്ചു. ഇതിൽ 691 പേരും പ്രവാസികളാണ്​.  ഇതോടെ രാജ്യത്തെ മൊത്തം കോവിഡ്​ രോഗ ബാധിതരുടെ എണ്ണം 16016 ആയി. ഇന്ന്​ പുതുതായി ആരും മരണപ്പെടുകയോ ആർക്കും രോഗം ഭേദമാവുകയോ ചെയ്​തിട്ടില്ല. 72 പേരാണ്​ ഇതുവരെ മരണപ്പെട്ടത്​. രോഗം ഭേദമായവരുടെ എണ്ണം 3451 ആണ്​. 12493 പേരാണ്​ നിലവിൽ അസുഖബാധിതരായിട്ടുള്ളത്​. പുതിയ രോഗികളിൽ 757 പേരും മസ്​കത്ത്​ ഗവർണറേറ്റിൽ നിന്നുള്ളവരാണ്​. ഇതോടെ മസ്​കത്ത്​ ഗവർണറേറ്റിലെ കോവിഡ്​ ബാധിതരുടെ എണ്ണം 12195 ആയി.  1958 പേർക്കാണ്​ ഇവിടെ അസുഖം ഭേദമായത്​. 3128 പേരുടെ രോഗ പരിശോധനാ ഫലമാണ്​ ശനിയാഴ്​ച പ്രസിദ്ധീകരിച്ചത്​. പുതുതായി 45 പേരെ കൂടി പ്രവേശിപ്പിച്ചതോടെ ആശുപത്രികളിൽ ചികിത്സയിലുള്ളവരുടെ എണ്ണം 251 ആയി. ഇതിൽ 67 പേർ തീവ്ര പരിചരണ വിഭാഗത്തിലാണ്​ ചികിത്സയിലുള്ളതെന്നും ആരോഗ്യ മന്ത്രാലയം അറിയിച്ചു.
വിവിധ വിലായത്തുകളിലെ അസുഖ ബാധിതർ, സുഖപ്പെട്ടവർ എന്നിവരുടെ കണക്കുകൾ ചുവടെ;
1. മസ്​കത്ത് ഗവർണറേറ്റ്​: മത്ര-4706, 1239; മസ്​കത്ത്​ -170, 12; ബോഷർ-3149, 370; അമിറാത്ത്-489,30; സീബ്​ -3608,300; ഖുറിയാത്ത്-73,7
2. വടക്കൻ ബാത്തിന: സുവൈഖ്​- 263, 90; ഖാബൂറ-59,20; സഹം-156,38; സുഹാർ -335,125; ലിവ -114,28; ഷിനാസ്​ -111,48.
3. തെക്കൻ ബാത്തിന: ബർക്ക- 435, 178; വാദി മആവിൽ- 41,11; മുസന്ന-222,58; നഖൽ-63,25; അവാബി- 84,44;  റുസ്​താഖ്​ -145,61.  
4. ദാഖിലിയ:  നിസ്​വ-127, 75; സമാഇൽ-168,95; ബിഡ്​ബിദ്​-93,50;  ഇസ്​കി-86,26; മന- 8,3;  ഹംറ-10,7;  ബഹ്​ല -53,28; ആദം-60,56.
5. തെക്കൻ ശർഖിയ: ബുആലി- 246, 138; ബുഹസൻ- 10,3; സൂർ-89,46; അൽ കാമിൽ-43,28; മസീറ-2,0.
6. വടക്കൻ ശർഖിയ:  ഇബ്ര- 37,9; അൽ ഖാബിൽ-9,5; ബിദിയ -23,6; മുദൈബി-113,24; ദമാ വതായിൻ-23,3; വാദി ബനീ ഖാലിദ്​ -4,2.
7. അൽ വുസ്​ത: ഹൈമ-15,0; ദുകം -190,0.
8. ബുറൈമി:  ബുറൈമി -171,61
9. ദാഹിറ:  ഇബ്രി- 127,57; ദങ്ക്​-17, 13; യൻകൽ -8,7.
10. ദോഫാർ:  സലാല- 44,18
11. മുസന്ദം: ഖസബ്​-7,5; ദിബ്ബ-1,1; ബുക്ക -1,1