72 ശതമാനം മരണങ്ങളും സാംക്രമികേതര രോഗങ്ങളിലൂടെയെന്ന്

മ​സ്ക​ത്ത്​: രാ​ജ്യ​ത്തെ മ​ര​ണ​ങ്ങ​ളി​ൽ 72 ശ​ത​മാ​ന​വും സാം​ക്ര​മി​കേ​ത​ര രോ​ഗ​ങ്ങ​ളി​ലൂ​​ടെ​യാ​ണെ​ന്ന്​ ആ​രോ​ഗ്യ മ​ന്ത്രാ​ല​യം. പ്രാ​യ​പൂ​ർ​ത്തി​യാ​യ അ​ഞ്ചി​ൽ ഒ​രാ​ൾ ഇ​ത്ത​രം രോ​ഗം ബാ​ധി​ച്ച്​ മ​രി​ക്കു​ന്നു​ണ്ടെ​ന്നും മ​​ന്ത്രാ​ല​യ​ത്തി​ന്റെ പ​ഠ​ന​ങ്ങ​ൾ സൂ​ചി​പ്പി​ക്കു​ന്നു. ഇ​ത്ത​രം രോ​ഗ​ങ്ങ​ളു​ടെ പ്ര​തി​രോ​ധ​ത്തി​നും നി​യ​ന്ത്ര​ണ​ത്തി​നു​മാ​യി ചെ​ല​വ​ഴി​ക്കു​ന്ന തു​ക​യു​ടെ ക​ണ​ക്ക്​ മ​ന​സ്സി​ലാ​ക്കാ​നാ​യി ന​ട​ത്തി​യ പ​ഠ​ന​ത്തി​ലാ​ണ്​ ഇ​ക്കാ​ര്യ​മു​ള്ള​ത്. ലോ​കാ​രോ​ഗ്യ സം​ഘ​ട​ന​യു​ടെ അ​ഭി​പ്രാ​യ​ത്തി​ൽ ഹൃ​ദ​യാ​ഘാ​തം, സ്​​ട്രോ​ക്ക്, അ​ർ​ബു​ദം, ശ്വാ​സ​കോ​ശ, ഹൃ​ദ​യ സം​ബ​ന്ധ​മാ​യ അ​സു​ഖ​ങ്ങ​ളും മ​റ്റു​മാ​ണ്​ സാം​ക്ര​മി​കേ​ത​ര​ങ്ങ​ളാ​യി ക​ണ​ക്കാ​ക്കു​ന്ന​ത്. സാം​ക്ര​മി​കേ​ത​ര രോ​ഗ​ങ്ങ​ൾ ബാ​ധി​ച്ച ആ​ളു​ക​ളു​ടെ ചി​കി​ത്സ​ക്കും മ​റ്റു​മാ​യി ഒ​മാ​ന്​ പ്ര​തി​വ​ർ​ഷം 1.1 ശ​ത​കോ​ടി റി​യ​ൽ​ ചെ​ല​വ്​ വ​രു​ന്നു​​​ണ്ടെ​ന്നും പ​ഠ​ന​ത്തി​ൽ പ​റ​യു​ന്നു.

2017ലെ ​ക​ണ​ക്ക​നു​സ​രി​ച്ച്​ ഇ​ത്ത​രം രോ​ഗ​ങ്ങ​ളി​ലെ മ​ര​ണ​ത്തി​ന്​ പ്ര​ധാ​ന കാ​ര​ണം ഹൃ​ദ​യ​സം​ബ​ന്ധ​മാ​യ അ​സു​ഖ​ങ്ങ​ളാ​ണ്. രാ​ജ്യ​ത്തെ 36 ശ​ത​മാ​നം മ​ര​ണ​ങ്ങ​ളും ഇ​തു​മൂ​ല​മാ​ണ്​ സം​ഭ​വി​ച്ച​ത്. അ​ർ​ബു​ദം (11 ശ​ത​മാ​നം), ​​​പ്ര​​മേ​ഹം (എ​ട്ട്​ ശ​ത​മാ​നം) എ​ന്നി​വ​യാ​ണ്​ തൊ​ട്ട​ടു​ത്ത സ്ഥാ​ന​ങ്ങ​ളി​ൽ വ​രു​ന്ന​ത്. അ​ടു​ത്ത 15 വ​ർ​ഷ​ത്തി​നു​ള്ളി​ൽ ഒ​മാ​ന് സാം​ക്ര​മി​കേ​ത​ര രോ​ഗ​ങ്ങ​ളു​ടെ ഭാ​രം കു​റ​ക്കാ​ൻ ക​ഴി​യു​മെ​ന്ന് പ​ഠ​ന​ത്തി​ൽ പ​റ​യു​ന്നു. ആ​രോ​ഗ്യ​കാ​ര്യ അ​ണ്ട​ർ സെ​ക്ര​ട്ട​റി ഡോ. ​മു​ഹ​മ്മ​ദ് ബി​ൻ സെ​യ്ഫ് അ​ൽ ഹു​സ്നി, മ​​ന്ത്രാ​ല​യ​ത്തി​ലെ അ​ഡ്മി​നി​സ്‌​ട്രേ​റ്റി​വ്, പ്ലാ​നി​ങ്, ഫി​നാ​ൻ​ഷ്യ​ൽ അ​ഫ​യേ​ഴ്‌​സ് അ​ണ്ട​ർ സെ​ക്ര​ട്ട​റി ഡോ. ​ഫാ​ത്തി​മ ബി​ൻ​ത് മു​ഹ​മ്മ​ദ് അ​ൽ അ​ജ്മി, ഗ​ൾ​ഫ്​ ഹെ​ൽ​ത്ത്​ കൗ​ൺ​സി​ൽ ജ​ന​റ​ൽ മാ​നേ​ജ​ർ സു​ലൈ​മാ​ൻ അ​ൽ ദ​ഖീ​ൽ​എ​ന്നി​വ​ർ പ​​ങ്കെ​ടു​ത്ത യോ​ഗ​ത്തി​ലാ​ണ്​ പ​ഠ​നം പു​റ​ത്തു​വി​ട്ട​ത്.72 ശതമാനം മരണങ്ങളും

സാംക്രമികേതര രോഗങ്ങളിലൂടെയെന്ന്